我諗我在此有必要向各位澄清一下我同黃競傲呢個人o既關係.....除左係同一個centre練波o既隊友關係之外,我同呢個人已經無任何關係,佢唔係我個friend,更加唔係我鍾意o個個.....就算係,都係以前o既事! 總之,我依家鍾意o個個就一定唔係佢! 希望各位清楚同埋明白我同呢個人o既關係! 細佬同Tammy又好,邊個都好啦! 總之幫我將呢封e-mail send俾d男仔,同佢地講清楚! 我唔希望再有任何覺得或者懷疑我鍾意佢! 唔該哂!

呢d唔開心o既野,真係一d都唔想提!! 係班男仔成日挑起我把火! 好啦! 講番d開心野! 星期二,我會去Macau玩! 住一晚,第二日就會番gar啦! 今次我會買d手信俾各位! 答謝各位o既支持!

今日真係好無聊.....朝早起身,食左早餐,同個妹打麻雀,然後食飯,打Gameboy.....有時無野做,個人真係幾無聊!!!今日個人好攰,噚晚打League,同個阿伯,打足五局,仲要成場係咁飛落地下,未仆死已經好好! 真係頂個阿伯唔順,攞左分個樣超串咀....真係想打爆佢個頭! 搞到火到黎埋 ! 見波就癡線咁打,好左阿伯無咩氣! 阿伯係咁gar啦,"年紀大,機器壞"....win左佢真係一吐烏氣! 好左我死唔斷氣,幫Advance執多一分! Wewewawa死得gar啦! 我地衝緊上黎,一定可以追番d分gar!!!!

噚日去富欣o個間salon剪頭.....幫我剪o個個髮型師都唔知係咪亂黎,剪到我個頭超滑稽....之後返orchestra俾鄭允怡話我個頭似"小丸子",好似"小丸子"個頭咁樣衰.....本來我想去番上次o個間剪gar啦!!! 點知無開門.....但係唔剪又唔得wo,驚俾Miss Kan鬧....但係剪完之後就好後悔! 下個禮拜返學o個時,請各位同學俾下面...唔好笑我! 雖然我都知好樣衰......

今朝去曾氏補課,一次過做兩堂o既野,好辛苦! 手同個腦都好攰!

今晚去打波,對老爸以前醫院個同事,希望旗開得勝,繼續幫Advance搶分! Advance一定可以後來居上gar....Super Advance!!!

噚日返orchestra見到Miss Kan,佢話我d頭髮太長,要剪!! 而且,今晚又要表演,頭髮太長,會俾人鬧,所以等間就去剪頭髮....剪左之後,肯定好樣衰gar啦!! 都唔知點返學....算啦!反正遲早都要剪gar啦!!

今朝開唔到diary,仲以為老豆唔俾我上diary,lock左個網! 原來只係個網絡有問題.....熟我o既同學都知我老豆係勁嚴,所以我連ICQ同MsN都無,只有firstclass!再加上,我老豆唔知我開左個日記,所以遲d我會有時無打diary(雖然仲未試過)......請各位多多見諒啦!!

上次因為唔好天,所以去唔成Ocean Park....但係今次因為orchestra,所以無得去! 我驚唔去rehersal,會無得表演呀! 我都未試過係中一家長晚會表演,所以今次犧牲一下,唔去Ocean Park!! 但係今日rehersal超無奈lor....鍾嘉倩無番,搞到我今日做左首席...而且,一向都係佢帶譜,我唔會帶,佢無番,咁我就好自然無譜,今日rehersal正情踢哂腳,佢又唔早講,話佢唔番,搞到我好慘.....譚宇軒仲要同我講,話佢係請左假.....早知可以請假o既話,咁我就請假去Ocean Park啦! 

Afternoon去左打波...其實,我一d都唔想去,但係唔去又俾人鬧.....雖然我就黎唔打,但老爸話好頭好尾wo.....算啦! 仲有一個月到o者.....但係唔打波就有另一個問題....我唔打波,就會好難keep住體能...但係話哂,我都係連續兩年陸運會女仔C Grade 400米冠軍,下年得第二,會好樣衰!!但係下年o既課外活動又好困身,雖則放棄左壁球o者,但係debate都可以令我做到死死下,而且,我下年想玩drama,又會繼續orchestra,仲有要補習,人都癲!!根本就無時間俾我返basketball team練波,所以依家要另諗計劃去keep住我d體能!!!就黎諗爆頭啦!!!

P.S. 開左個diary都有差唔多兩個禮拜,每日都有唔少人黎.....多謝每一個黎過我diary o既人....係你地令我o既diary"人氣"急升!!!多謝各位支持!!!