今日最尾o個兩堂係Biology,呢科本來係我最鍾意,但係點知俾一個我唔你係like o既老師教,搞到我今日釣哂魚....正係差d俾周公叫左去捉棋o既時候,佢竟然無啦啦叫我....嚇到我即刻彈起! 佢問我葡萄糖的化學式,我本來都唔係好知佢想講咩,但係d人猛咁講個答案,所以就無可能唔識啦! 佢話見到我個樣好迷惘wo...其實唔係迷惘,係就黎"訓"著!>.<zz.....之後第二堂,個個都差唔多"訓"著....完全無咩反應,但係一聽到放學個鐘,個個都超精神...kaka....

第一堂History,Miss Chu 好搞野,成日都用"澎湃"呢兩個字,笑到我地死! kaka....之後兩堂Chinese都無咩特別,只不過我俾Miss Wen叫左起身讀普通話,我d Putonghu一向都咁普通gar啦! Sam先搞笑,個字係完全讀唔到o個個音,笑到我...kakakaka.......

Maths又係咁無聊地度過,English o既時候又留左NEE係classroom,費事番去拎.....

Lunchtime o既時候,同Queenie一齊落去攞飯,見到好多識o既人,so Queenie話我好勁,好似個個都識,仲要個個都係唔同form...kaka...之後就同林嘉玲食飯.....食完就係classroom同Cherrie做NEE...跟住勞頌菁呢個"靚女"無啦啦入左黎....佢d頭髮真係"靚"到,以前我地2E o個個都已經叫勁啦! 佢仲勁,硬到成條鋼條咁....林嘉玲仲衰,話佢o個d似鑽石...咁硬! 之後Fiona俾左張紙我,原來o個張紙係寫Sam係English lesson俾Miss Sin...話佢同Shelia....係我記憶中,有咁多啦! 不過呢d係main point...

(唔知MIss Sin 問定Alec問): Who is your girlfriend,Sam?
Everyone answer: Shelia
(唔記得左Ken講d咩,但係意思係咁啦!): Not just girlfriend,she is his wife!

呢段對話真係勁呀! 我都話好崇拜Sam gar啦! 咁鬼專一...加油呀,SAm! 支持你呀!kaka...

P.S. 你地估到個target又好,估唔到又好...我都係唔會話俾你地知.....唔好迫我! 我點都唔會同你地講!

真係唔係好明,點解d人會聽到....我覺得我已經講得超細聲,點解你地會咁勁gar...搞到Miss Lau以為我係d咁o既人! 唉....我只不過幫d男仔講出佢地自己o既心底話....其實我並唔係你地諗到咁咩gar...我知道有好多女仔勁過我好多,只不過你地唔講出黎....好多人都係表表者...而我只不過係被人污染得多,先會成日講....最衰都係雞皮哥哥同偉叔lor...教壞我! 其實我都係受害者黎gar...今日只不過係衝口而出! 後尾唔知Miss Lau講左d咩,跟住我就話"不如攞呢兩堂練drama啦!"...跟住Miss Lau好似話同呢個課題無咩關係....但係我竟然好勇敢地講,其實,今次班際比賽就係我地o既目標,我地o既目標就係要win...之後Miss Lau好似無奈地同意左我,仲叫d同學俾d掌聲我! 真係吹脹....Sam話本來佢都想咁講,但係佢真係唔敢! 講自己d目標o者,有咩好怕喎! 今日Life Education俾人吹脹時,我又吹脹人!

今日周公繼續好high咁call我,今日第一堂Geography已經急call我,Miss Ho講書想搞笑,但係一d都唔好笑....有d同學可能知,有d同學就唔知,我同呢個Miss WY Ho個女係同一個centre打波,不過係以前lor,now is not because I have retired.....佢個女超得意呀...都係佢咁o既頭! 不過,好可愛! 佢仲有個仔,唔係咁得意...佢老公真係同佢好襯,同level.....真係匹配!

之後English真係悶到死下死下咁,一堂就好似一年咁長呀!

P.E堂,Miss Lam搵我做示範,打到佢個nose,佢話"歪"左,搵我找數! 之後Stacey超底死,同我講話我做左d好多想做o既野...話口未完,Ivy Ngai俾Queenie打中,我即刻同Queenie講,你做左好多人想做o既野! kaka...之後,Ivy Ngai同Stacey變態gar...除我條褲不特止,仲要.....唔想講..總之佢兩個變態,唔係講人上面,就整人下面.....

放學排drama,Ken超糟,聲拆哂,好辛苦....不過d人已經知道自己排邊啦! 呢樣係我最想做o既野! 今次我又係自編自導自演呀! 好有信心做到呀!

Life Education o個時,無啦啦要人寫三個目標,我梗係有遠大o既目標啦!
今年o既目標:
1.頭三in form (要加倍努力!!!)
2.攞到班際辯論第一,班際係我出身o既地方,我要係呢個屬於我o既地方攞獎
3.幫3D攞哂全部班際o既冠軍,雖然可能性唔高,但係我會努力gar! Impossible is nothing!
未來幾年o既目標:
成為文科生,因為好鍾意中國歷史,做一個"全能學生",最好會考可以拔尖啦!
志願:
成為機場控制塔指揮人員

練完drama,同師姐去補習,好早去到,所以師姐同我一齊去隔離個商場行,其實都唔係行,係係度傾計lor...傾左好多野! 又係講Sam lor...因為Sam有太多野俾我地講啦! kaka...

Mike Lam讀完呢個term至走,所以佢可能會同我地玩10個inter-school debate...咁姐係好有可能會用完班2E辯論隊o既班底應戰.....太興奮啦! 如果真係o既話,師姐可能會好開心gar...

P.S. 好多同學想知依家o既target,但係我話左我係唔會同你地講gar,你地迫我都係唔會,無任何o既tips...只有一個人可以迫到我,o個個就係師姐啦! 有本事就問佢,佢知都唔會同你地講,更何況佢依家仲未知.....kaka.....

經過今日之後,我真係要好好考慮下lunchtime、recess去toilet o既時候,有無需要鎖好我o既drawer...當我有d野,唔想俾人知o既時候,唔該同學尊重下我,俾番d私隱.....我今日已經叫做俾左面你地,見你地係Cherrie仔個friend,我就俾面你地...唔發你地脾氣! 俾住平日唔好老脾o既我,我一定唔會放過你地! 我唔想在係我o個班有任何o既敵人,所以我先決定唔發脾氣! 我諗同學有時要習慣下我d脾氣,當我真係發脾氣o既時候,真係一發不可收拾! 我明白到我依家係3D班o既班長,要做個好o既榜樣! 但唔代表我無自己o既原則...今日唔知有幾多位同學睇過....睇過o既同學,唔該你拜託你,唔好將d內容話俾第二個知,更加唔好再攞出黎玩,我真係真係唔想俾你地知! 如果俾我知道你地任何一個漏口講左出去,我只可以講聲sorry,因為我唔能夠容忍一d偷睇完我d野,又將入面o既內容講出去o既人...我唔係成日攞老師黎"担"人o既人,但係到我忍無可忍o既時候,只可"送官究治",請同學唔好怪我無情! 我相信只係屬部分同學o既行為...大家可以繼續玩,但唔可以太過份就得,見我發火o既時候就好收手! (忍得好辛苦,diary的的確確係一個抒發自己情感o既地方!)

唔好再講呢d野,講起就把幾火! 今日History堂,Miss Chu好搞野,佢話前幾日同d friends搭東涌線o個時,見到一個由大陸黎香港旅遊o既男仔同佢老豆講話"好急",Miss Chu話當時仲以為佢會"就地解決"...點知個老豆攞個膠袋出黎,係n個乘客面前屙,真係極度"核突"....之後個老豆並無將該袋物體打上死結,只係打左個普通到無得再普通o既結,Miss Chu話跟住個兩父子落左車,之後個老豆將袋野丟係rubbish bin,Miss Chu話個垃圾桶一定好"膨"拜"",Miss Chu用呢個詞語真係超好feel lor.....

今日第一日冬令,所以今日周公係咁call我! 由吳sir o個堂咁o既普通話堂之後,周公就成日搵我啦! >.<zzzzz

今日下午唔知點解無啦啦肚痛,可以俾Sam咒得多...前所未有咁痛過....平均3分鐘劇痛一次,我諗仲痛過生仔,我咁講唔代表我生過....唔好誤會!!! 真係超痛! 痛苦程度係痛到唔識講....痛左成個鐘,食左d唔知咩藥....跟住就朦朦朧朧咁"訓"左兩個鐘,仲以為聽日會返唔到學,不過依家ok啦! 無事...關心我o既同學,唔使擔心我啦! 我聽日點都要返,提下同學drama d野! 同埋聽日要交劇本,唔返點得呢?

頭先Viann同我講左d野,不過佢話唔好打上diary,費事咁多人知....但我真係估唔到,佢都會有仔o既一日....如果佢有仔,咁全世界幾醜o既女仔都唔使驚啦!

5分鐘前,係firstclass見到師姐,本來諗住add佢,但係點知佢留係firstclass o既時間不足5秒,望到佢個名都已經走左,真係吹脹! 好多時,都係咁...除非我約左佢啦! 如果唔係,佢係firstclass一般逗留時間都係好短! 唔計我同佢傾計o既時間,都唔知佢一年用唔用到2個鐘! 依家開左學兩個幾禮拜,我已經用左10個幾鐘,比起好多同學已經好多好....事關我無MSN同ICQ呀ma....呢個係我唯一同同學可以傾到計o既途徑,所以我每日都差不多起碼用一個鐘! kaka....

diary o既人次已衝破500大關啦! 很開心呢.... (再次激動落淚...) 真的有很多的同學來過啊! 感謝你們常常來支持....1000 o既時候,會請你們飲野! 如果有錢的話,但是我經常性地很窮啊! 頂多請你地飲益力多...我已經比Sam o既diary多好多人....雖則我遲過佢開...我個diary之所以咁受歡迎...其實,我自己都唔知..我只不過將自己心入面o既野毫不保留地講出黎....有咩人睇都好,我都會照講...因為我覺得diary係一個講自己感受o既地方,實在不須將自己o既野收收埋埋,想鬧邊個就鬧邊個,想講邊個就講邊個,唔講,只會將d野鬱埋鬱埋,老豆話,鬱埋自己o既人最容易生野,所以奉勸各位,有咩就同人講啦! 如果唔係,自己好易唔開心gar.....總之,一句講哂,多謝呀! 希望你地繼續支持啦!

今日都無咩做過,好沉悶! 等間去阿公屋企食飯,同d表弟玩! 日日係咁練劇本,希望可以好好把握呢個機會去表演自己,幫下自己班! 我會努力gar啦!