今日同李彤、sam同蕭世友去曾嘉宜屋企練稿,一直都係極度無聊....點知蕭世友臨尾一次出黎講o個時,突然係最尾一句變聲,笑到我地趴哂落張table度.....之後Sam同曾嘉宜都係度扮,笑到我趴街!我唔敢扮呀....我覺得有點兒樣衰.....佢地話星期五出呢招......佢地對面笑到唔識出黎講野呀!佢地話,如果我地呢場輸,但我地有出呢招o既話,都無所謂,因為可以娛樂觀眾.....

Night o既時候,去左沙田同阿爺、阿嬚食飯....見到兩個堂弟同堂妹,超搞野!係你面前收埋隻雞仔,之後問你係邊度,仲要帶埋你去搵!差d笑死我......

約左師姐係firstclass傾計,但佢又再一次無反應.....令我再次失望....得或者唔得都唔該出聲啦啦!咩都唔講...咁就當你得gar啦!點解每個令我崇拜o既人都令我感到失望?師姐以前唔係咁gar....唉...時間會淡忘一切!可能debate已經過左太耐啦!師姐已經就黎唔記得我gar啦!呢d係事實...可能師姐真係大頭蝦,可能真係唔記得左,可能無睇mail,或者,我唔應該咁諗佢!次次我都係咁俾藉口自己......

今朝去左灣仔旋轉餐廳食lunch,食左好多野,勁飽!!!

今朝去Causeway Bay補習....等Lift見到師姐.....無奈....又唔講野.....次次係咁....上次send e-mail叫佢黎體院同今次叫佢幫我...佢都無reply我....黎或唔黎,幫或唔幫...起碼都出句聲啦...一日唔reply我,我都仲有希望,係體院見唔到佢,係極度失望..諗住偶像會入黎俾驚喜我....成場比賽打完影都無....firstclass又無問下我點....有時真係好懷疑,師姐對我仲會唔會好似以前班際debate o個時咁好....但係師姐叫過我,叫我唔好懷疑佢,要對佢有信心,但師姐一次又一次要係咁俾d失望,令我唔知俾咩反應好.....一係我就係激嬲左佢.....

7點去左柴灣泳池游水,好多男仔,好少女仔,好驚!!!

今朝去打波,好無奈.....個個知我第一圈出局都好似好突然.....第一圈出局咁又點,未見過咩...我地香港呢邊得阿Ling同陳俊霖有獎,其他唔係遺材就係食白果!搞到區sir唔多likey,我地成班超慘咁跑court做體能,又做push-up,差d連命都無.....不過今日惡魔成班都無黎,心情都唔知暢快幾多....最好就快d消失,唔想見到佢.....成班上左大陸玩....細佬話佢地返黎o既話,就彈開十呎,因為李嘉兒佢地同隻有豬鏈球菌o既豬"訓",千祈都唔好掂到我,我唔想咁快死住....

afternoon同sam、曾嘉宜同李彤係KFC傾debate....我地今次好有準備,唔會俾Mike佢地win gar...睇住黎啦....

噚日個恆生指數係單數呀....我終於第一次做反方啦,今場係我打o既第五場debate,但係今次先係第一次做反方....第一次做反方梗係想win啦....但係我地對o既係Mike o個隊,要wiin的確有d難度,不過,我地今次係反方,點都有d優勢....上次見到佢係學校同阿邊個,真係有d覺得佢幾衰.....做人做到咁.....唉.....見到佢咁做,真係好想win佢.....唔會輸gar...點都唔會....Nothing is impossible!!!