一連六日o既新年假期話咁快就放完，今日又回復返工放工o既日子=_=""

總結呢個假期，原來都幾好bor...

~吃~

年初一食到年初六，又雞又魚又蝦又花膠又鮑魚...好正啊... 仲有鍾記靚雞 (多謝大老闆醒左隻俾我食，我整左北菇蒸雞飯同煲左雞湯，好味!)

當然仲有食年糕同蘿蔔糕，咁啱今年唔駛買唔駛換都有幾底，簡直食到滯！

~喝~

年初一所長煲左鮑魚雞湯，隻鮑魚大過手掌 (多謝所長) ! Cally阿爺都煲左老火湯，又有花膠同鮑魚食（多謝老爺），好回味！

~玩~

今年雖然冇返樟木頭過年，但我地六個 "鐵膽" 係董事長屋企修煉，一樣咁好玩！（多謝董事長提供美食，多謝二姑媽做大廚），所長仲發左大財tim，我就發左小財...

~樂~

年初一帥軒同所長教我同二姑媽開facebook户口，我即晚就搵番個舊同事 add 左我，之後仲有幾個，又可以一路傾偈一路玩遊戲，唔識又可以即刻問MM點玩，呵呵....一樂也！晚晚過12點至瞓...Oh...我開始沉迷了....