哈哈...大豐收果個唔係我，係Cally呀！

你睇．．．佢今日收到好多朱古力呀！唔通佢有成廿個情人????

其實佢地班同學今年玩互送朱古力，男又玩，女又玩，所以個個都大豐收lor！

有d同學仔仲自己整同指定送俾佢，可能佢人緣好喇，睇吓．．．呢d就係喇...

至於好唔好味????Cally話今晚慢慢試喎....

點解帥軒冇呢d情人o既?唔通佢d同學仔唔興呢d野，定係佢人緣唔好呢?

聽日係情人節，Cally今晚就預先送左呢份情人節禮物俾我...

嘩！包裝好精美喎，原來佢仲包左一大堆話送俾同學仔tim...

打開一睇。。。有3款朱古力，真係甜到漏...

佢真係好有心思，自己去買朱古力同包裝袋， 一份一份慢慢包，誠意十足，抵讚！

唔....真係好sweeeeeeeeeeeeeeeeet！

一連六日o既新年假期話咁快就放完，今日又回復返工放工o既日子=_=""

總結呢個假期，原來都幾好bor...

~吃~

年初一食到年初六，又雞又魚又蝦又花膠又鮑魚...好正啊... 仲有鍾記靚雞 (多謝大老闆醒左隻俾我食，我整左北菇蒸雞飯同煲左雞湯，好味!)

當然仲有食年糕同蘿蔔糕，咁啱今年唔駛買唔駛換都有幾底，簡直食到滯！

~喝~

年初一所長煲左鮑魚雞湯，隻鮑魚大過手掌 (多謝所長) ! Cally阿爺都煲左老火湯，又有花膠同鮑魚食（多謝老爺），好回味！

~玩~

今年雖然冇返樟木頭過年，但我地六個 "鐵膽" 係董事長屋企修煉，一樣咁好玩！（多謝董事長提供美食，多謝二姑媽做大廚），所長仲發左大財tim，我就發左小財...

~樂~

年初一帥軒同所長教我同二姑媽開facebook户口，我即晚就搵番個舊同事 add 左我，之後仲有幾個，又可以一路傾偈一路玩遊戲，唔識又可以即刻問MM點玩，呵呵....一樂也！晚晚過12點至瞓...Oh...我開始沉迷了.... 

嘩！美女廚神呀！估吓係邊個？

(我咁靚...冇理由認唔到我o架睇吓我幾多粉絲...）

原來係小儀。。。

所謂懷舊小食鬥一番，唉...只係得魚皮花生香蕉糕同龍鬚糖兩檔。。。

 d野食真係唔好睇兼唔好食...

好彩小儀除左做黎做評判之外，仲大顯身手煎蘿蔔糕...

呢d就係佢o既傑作喇！不過俾佢d fans 食晒 ...

其他參賽者整埋d古靈精怪野，唔睇得兼冇人敢食，結果令到小儀狂笑。。。

成個比賽過程，我留意到小儀望住個靚仔司儀o既眼神... 係咪好咩野呢....哈哈!

(你...好靚仔啊!)                                                               (見到你.... 我暈得一陣陣 @_@...)

每年o既大年初一，我住果度都有醒獅賀年，Cally 細個果陣都會同佢落樓下睇，e+佢大個女lu，仲同你去睇咩。。。

今年咁啱出發去拜年竟然係樓下撞到正隻獅子黎採青 yeah...

嘩！大頭佛逗左好多利是啊！

你地睇真d。。。佢原來係女仔黎o架！

一點完睛，隻獅子即刻醒晒...

紮好個馬先...

 預備...

跳!

好味好味...

食完....

祝大家萬事勝意！新年進步！