八月廿七日 (星期五)
今日展開 "美食之旅自由行”， 由於一早經 "XX地旅遊" 訂左船飛同酒店，仲係坐11:30 am新啟航o既 "巨龍”(買一送一只需$88) 過大海， un un 腳去到碼頭換飛啦， 點知…
回程明明book左3:15 pm 船， 竟然係冇呢班船 ??  原來旅行社book左3:15 pm去程，船公司話4點同5點o既船冇晒位，只有1:15 pm o既船…真係離譜，明明白紙黑字簽晒名俾晒錢，佢地都可以出錯，包租公火都黎埋 , 因為我地book埋星期六酒店成千幾蚊，冇理由瞓醒覺食完早餐就走，即刻打電話去旅行社鬧鬼佢地，要佢地賠番另買船飛o既錢，否則去消委會投訴佢 … 由於夠鐘上船，只好出左1:15pm船飛先，等佢地兩間公司搞掂後留口訊俾酒店 …
經過75分鐘船程到左氹仔，第一站先去誠昌食水蟹粥，炒花甲同酥炸鯪魚球，由於肚仔餓，所以覺得好好味…
  
跟住Cally要食沙度娜o既芒果雪芭，佢食到lam lam咀， 又真係好香o既，佢話平香港成半，抵食喎…
行前d，見到有條長人龍，咁晒都排? 
原來係大利來咖啡室，3點出爐豬扒包，又真係好好味， 冇油，大塊，入味，香口，其他食店o既真係冇得揮，杯涷奶茶又好飲，好滿足…
行行吓見到熊曲奇，試食一輪後，Cally 又話買，要送包俾佢個同學仔做手信，好過又係蛋卷嘛…
轉個彎，見到必達士，出名食木糠布甸，梗去入去食啦，順便嘆吓冷氣~~原來間舖升左級，d 價錢都同步升，唔食野坐低都要俾$15，埋單仲要加一，細細杯要$28，好在都好滑，Cally o既芒果布甸都要$18，但好普通，包租公就叫左杯特濃涷葡式 "比卡”咖啡，一送埋黎，我地呆了一呆，因為超細杯，好似去酒店tea用黎裝花奶隻杯咁細，加上一粒冰，真係一啖就飲完果隻， 你估呢杯coffee 要幾多錢？
肉赤完不特止，轉頭諗住坐車番酒店，點知我食左d木糠布甸要去 "做善事"，捐左起碼四個木糠布甸出黎， 欲哭無淚…
 
呢間就係我地住o既酒店，係東望洋山，遠望十六浦酒店，個view 唔錯o架！仲有間7仔係隔離街，估唔到原來呢間酒店有賭場tim，正呀！放低行裝後， 行番落去大三巴果邊，因為太飽，所以去左食鳳城珠記魚角麵，個麵底麻麻地 …
跟住又去保健牛奶食雙皮奶同薑撞奶，嘩！咁甜o既， 冇下次， 始終都係義順好食d…
食得太飽啦，唯有行街街，行呀行… 去左新八佰伴，見到d巨峰提子一抽要成$138，次一級都要$88，太貴啦，我只係買左龍角散喉糖就走lu …
行到夜晚10點半，包租公嗌肚餓，於是去食添發海蔘魚肚碗仔翅，真美味...
不過Cally唔鍾意食，結果返到酒店嗌肚餓，要去7仔食杯麵！！
今日食到半夜三更，零晨2點落去賭場入會拉老虎，玩左半個鐘，贏左幾十蚊就返歸，因為驚Cally 瞓左覺 唔識開門俾我地就大穫啦！
(明天續)
放低行裝後, 行番落去大三巴果邊, 由於太飽, 所以去左鳳城珠記食魚角麵, 個麵底麻麻地 … |
~~~
去附近o既二龍喉公園，果度有吊車坐o架，可以話世界最短o既吊車，分半鐘就到，來回都只係$3，學生$2，真係抵啦
好出名o既松山燈塔同埋聖母雪地殿教堂啦
同芒果雪糕時，包租公向我打眼色
， 睥住隔離枱班人… 啊...原來係前任同現任政府高官…
安排左M 記同肯記係其中一個入口出面，俾D小朋友係度等家長，Cally 就坐係度嘆左杯可樂新地啦！
，再睇埋棵吉祥樹升起，好精彩，好靚…
返房大覺瞓
日日瞓到十點至起身
