zhīliǎo... zhīliǎo ... zhīliǎo... 知了...知了...知了...

"蟬鳴荔熟"這句說話由細聽到大, 每逢夏天一到, 住係新界o既我o地, 就會聽到d蟬叫,仲係一天光就叫, 半夜都未收聲, 都唔知讚佢好聽定嫌佢嘈好?

我果日返舊居探龜時,見到好多隻蟬"樸"係棵樹度,棵樹又矮, 可以俾我影到佢o地個"蟬"樣 ...

e... 佢冇叫喎, 咁你o地知唔知:

1) 叫果d係公定乸?

2) 佢o地點解叫呀?

其實佢o地好短命咋, 只有兩星期壽命,但係佢o地羽化後蛻殼可作中藥用, 所以都係唔好嫌佢嘈啦, 佢幾可憐, 死左都俾人攞黎煲 ...

而且見到蟬, 就知道有荔枝食, 幾好丫!

不過一粒荔枝三把火, 大家都係唔好食咁多, 否則一係同人扯火, 一係就喉嚨發火, 邊件事發生都唔好啦, 係咪 :)

 後記: 原來我誤解了蟬死後被人攞黎當中藥煲, 其實係蟬的幼蟲成長後脫殼變成蟬, 個殼 (即係蟬退花) 攞黎當中藥煲至真, 多謝二姑媽指正!

哈哈, 係咪好難估呢? 而家開估啦 ...

 網上教人分龜公同龜乸係咁o既:

公: 龜殼顏色較深, 前肢的指甲較長, 尾巴較粗

乸: 龜殼顏色較淺, 前肢的指甲較短,尾巴較幼

不過, 龜主人教我用以下方法去分別龜公同龜乸 (唔知邊個至啱? 等我下次問問佢先...)

首先睇佢地個肚,

睇側邊, 一個肥厚d,一個冇o甘厚, 唔駛問都知邊隻係乸啦! 

龜乸要生蛋, 佢個肚梗係厚d肥d啦! 

其次, 就睇龜板啦... 

 龜公 龜乸

龜公個龜板係平o既, 龜乸係有d凹左入去o既, 一模就知啦!

真係話難唔難, 話易唔易呀!

我上網睇過一d資料, 這種龜叫做盾臂龜, 係世界上第三大隻嘅陸上龜品種之一，可長達76厘米, 所以有成張圓臺咁大, 生長係撒哈拉沙漠南部邊緣地帶。

屯門市公園裡面o既爬蟲館都有, 可以去睇下, 如果想好似我咁又攬又抱o既話, 就去我舊居啦!

唔知你地仲記唔記得上次貼出黎俾大家估果隻大龜叫做乜野名呀?

如果記得, 證明你未有老人痴呆症, 唔記得? 咁...

唔緊要, 再話俾你知, 佢叫做 --- 美國盾 

尋日同包租公特登返舊居去探佢同佢女友, 一去到已經見佢地係度食野啦, 睇下,

~食生菜~

 好味 ...

~食蘋果~

 喂!俾d我食呀!

 我咬!

大啖d先!

嘩! 好大個口呀, 如果唔小心, 真係連手指都俾佢咬埋!

嘩! 用手tim!

~食紅蘿蔔~

 我又食...

斯文d...

佢地一日食一餐咋, 所以每次都食幾斤菜同一袋生果, 食幾個鐘o架!  勁過MM tim ...

哈哈, 又係估野時間, 問題係:

點樣分龜公同龜乸? 一齊諗下?

上次真係唔好意思, 所長發起o既"豪宅遊"流產tim, 搞到大家空歡喜一場

既然短期內都未必成行, MM又遠在日本, 實冇佢份, 搞到佢發夢都去左我屋企一遊,  仲成日掛住打麻雀呢回事, 明知我屋企冇麻雀打ka la, 竟然係夢裡變成龍鳳大禮堂, 成排麻雀臺, 嘩! 真係幾得人驚

不如o甘啦, 冇得黎都有相睇o既 ~~~

o拿, 一入屋就係鑽石型大廳, 見到我種d花嗎?啡色梳化係新買o既, 原本果張同單坐位一set, 不過好污糟, 所以換左 ...

呢便係飯廳, 個鞋櫃本來係白色, 而家已經人老珠黃了...

廚房唔係好大, 所以成日覺得唔夠地方擺d "煲煲撐撐"

廁所最正o既係有一度玻璃門, 可以一個沖涼, 一個辦大事, 一個刷牙洗面 ... 不過我地未試過播!

呢間係Cally私家房, 都好多"淋嬸"野...

呢間係書房,即係雜物房, 乜都擺晒係度, 電腦都有兩部,

e... 坐係度呢個咪係 .... 邊個黎o架?

當然仲有主人房啦, 我最鍾意就係有呢張梳妝臺啦! 有冇見到我d龜龜係邊呀@-@

舊款電視都有兩部, 勁唔勁呀?

我都話我屋企好多"舊"野啦 ---- 因為 come 用丫馬! 

 o甘, 呢"舊"又係乜黎o架? 不如大家估下啦! 

尋晚應承所長貼我屋企個Hello Kitty 焗爐出黎俾佢睇, 拿, 一齊睇真d啦 ....

係咪一樣呀? 我個仲係粉紅色o架! 唔好以為係A貨喎, 係真野黎o架 ~~

點解我無la la 會有個o甘"正"o既爐? 係唔駛錢o架 ~~

話說N年前我買左一部三洋吸塵機, 大概三佰幾蚊, 就俾我中左獎, 獎品竟然係:

1) Hello Kitty 焗爐一部

2) Hello Kitty 吸塵機一部

3) Hello Kitty 剃毛筆一支

個吸塵機幾年前已經被包租公玩謝左, 已經去左極樂世界 ....

焗爐支燈早排又"燒"了, 只能微烘多士黎吃, 睇黎都就快係o甘先∼ｏ∼　

包租公仲開玩笑話不如送左俾所長，俾佢擺埋入佢個Hello Kittyland 入面做展品tim, 點知原來所長已經有一部, o甘所長你仲收唔收留佢呀?

至於支剃毛筆, 而家仲可以用, 尚未需要報銷!

至於呢隻招財Kitty 貓, 就日日係我屋企努力工作中, 為我家招財 $$$$$$$$ 

仲有隻看門口貓呀 ...喵喵 ~~