尋日海鮮大餐真係豐富, 二姑媽煮左成枱餸, 張枱都唔夠位擺, 勁呀!食到我地lam lam脷不過張lam脷相唔好睇, 唔貼出黎啦~~

食飽大餐後o既餘興節目就係中日韓手信食物大交換~~

人人有份, 人人有得食, 所長仲送左我同二姑媽最鍾意o既毛龜龜俾我地, 真係好感動呀...多謝所長!!

之後舉行頒獎禮, 阿伯o既蒜頭有得睇冇得食, 因為佢唔記得帶埋去酒樓食...

但二姑媽真係同我分柑同味, 將佢份禮物同Cally 交換左, 就係呢樣啦, 拉佢條尾仲會行tim 呀! 

最後壓軸當然係交罰抄啦~~

 ~二姑媽o既~

~所長o既~

~我o既~

MM老師, 我地有冇寫錯字呀? 邊個抄得最認真呀?俾d評語我地啦!

早幾日口輕輕話罰抄100次個 "弊" 字，仲以為easy job，原來唔係o架...

尋日開始抄，開頭10個好輕鬆，點知寫寫吓，覺得個字越來越K型？隻手仲不受控制= =b，寫到唔似個 "弊" 字tim~~

今次真係弊傢伙啦！ 唯有放低筆，抖抖先... 突然又發現好似寫錯左，點解個字上半部有d怪怪地o既 ◎−◎？

都係由頭一筆一筆慢慢再寫過好過 =_=""，如果唔係....俾MM捉到仲寫錯字，可能耍罰抄1000次o架...所長，你小心d抄呀

MM上次被老師罰抄o既痛苦經歷，我而家感受到啦 o(〒﹏〒)o

尋日同Cally 約埋二姑媽去食MM同所長推介o既Mos Burger,今次終於揾到間舖頭啦!

我地買左唔同o既套餐,可以一次過試幾款飽

Cally食左摩斯芝士漢堡, 好多汁~~

 我食左吉列蝦漢堡, 好脆同好多原隻蝦~~

 二姑媽就食左海鮮珍珠堡,細細隻但好飽肚~~

味道唔錯, 每幫襯$40仲有得cup一個 印, 儲齊5 個就可以換杯或者一個飽, 我地只係掙一個印仔咋!

Cally 突然記起佢舊年係黃埔花園吉之島食過, 當時係佢亞叔買o既, 包租公都記得, 但我就一d印象都冇?? 原來果日我不在場, 所以冇食過, 等我仲以為自己老人痴呆tim!

食飽飽後二姑媽話不如夜晚去佢屋企, 佢要煮海鮮餐俾我地食, Cally 一聽到就lam 晒脷話好, 於是一齊去街市買左魚蝦蟹返去煮...

大家都知二姑媽係烹飪高手, 所以話咁快就煮好有得食, 睇吓:

~薑蔥蟹~

~茄汁煎大蝦~

~清蒸倉魚~

仲有外賣唐順興沙薑雞~~

成枱餸, 正呀!

Cally 食蟹食唔停, 仲話第日要多d黎二姑媽屋企食, 因為佢煮得好好味!! 

同場加映:

包租公介紹以下呢間食咖哩o既專門店~~

~~Curry House Co Co 壱番屋~~

係日本開過黎香港, 香港得觀塘有分店, 唔知MM係日本有冇食過呢?

應承左所長罰抄以下呢個字100次:

弊

而家抄啦~~~

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

弊弊弊弊弊弊弊弊弊弊

話咁快就抄完~~~

所長你抄左未呀!

八月廿九日 (星期六)

尋晚終於瞓左個好覺，今朝我地一齊落去餐廳食buffet 早餐，8:45 am 去到竟然要排隊等位… 我前一日食過，所以冇乜驚喜，但包租公同Cally 就話唔錯，算幾多野食o架啦！我地仲一路慢慢食，一路睇報紙，食到10:30 am 至走 tim …

唔記得報告：“XX地旅遊”已經幫我地搞掂左d船飛，今日可以坐4:00 pm班船返香港 (巨龍之前又話冇位，而家又有，叫我地3點至3點半去碼頭counter 換飛就得…呢個世界就係咁，一定要惡！一定要嘈！一定要話投訴！咁就掂啦！)

返房休息一陣到11:30 am，check out 後寄存d行李就行落去大三巴買手信同作最後衝刺，睇吓仲有乜野好食又食得落o既…

去到果度成條街都係人，唔知點解鉅記人山人海，大三巴都好多人幫襯，但咀香園就拍烏蠅，鳳城都係冇乜人? 經我地觀察後，鉅記d鳳凰卷賣相真係好d，所以貴都大把人爭住買，試食過鳳城利來d杏仁餅後，覺得好食過大三巴...下次要試吓最香餅家先！

轉個彎見到潘榮記，諗住買盒金錢餅啦，點知要訂，個半鐘至有 ... 我地都要走lor…唯有下次先幫襯啦！

見到阿公同阿婆咁辛苦人手製作d金錢餅，咁貴($52 一盒) 都值o既，唔知佢地有冇繼後人接手呢？

芒果味偏甜，檸檬味 (有碎果皮) 好酸但醒胃，佢一樣食到lam晒咀 …

點知果度人山人海，好似去左旺角咁，一d 都唔好行，咋咋淋去美食廣場食d野走人好過 =_="...

三日兩夜遊話咁快就完，其實仲有好多美食未食，一於留番下次再黎食過！