天涼了，最好梗係放假啦！

既可清假，又可以清理屋企堆積左好耐ｏ既野，好似ｄ書呀，衫呀，信件呀，積左冇兩個月都有一個月，乜我真係咁ｂｕｓｙ，唔得閒處理呢ｄ野咩？

唔好理咁多，總之要好好享受呢日假期。。。

搞左成個上晝，總算清理得７７８８∼∼，一於同包租公去Ｔｅａ先。。。

 出爐雞批

個皮甜甜地

 燙口咖哩牛肉批

 少少辣

 唔。。。我地ｓｈａｒｅ個雞批同個咖哩牛肉批再＋一杯奶茶，真係好正！　驚唔驚肥？驚架！

不過正所謂＂得閒ｔｅａ一ｔｅａ，腦筋唔會黐，個人都醒ｄ＂，所以我今日就實行左啦！你地都試吓啦！哈哈！

好開心呀！我終於唔駛同包租公 / Cally 爭 "玩具" 玩啦！

乜野 "玩具" ? 咪呢部大 "玩具" 攞 ....

之前我地得一部電腦，夜晚多數俾Cally 霸左黎做功課，所以我唔會同佢爭，因為日頭已經對左電腦超過 8 粒鐘，乜都夠啦！

+上早排個舊 mon 燒左，E+用緊個舊大舊 mon，好驚又突然有乜 E 郁o既話就弊傢伙，因為Cally d 功課 10 樣有 9 樣都要用電腦，所以趁有優惠咋咋淋買番部，唔駛爭機用之餘，又唔驚部舊機有乜閃失，雙贏是也！

二姑媽，如果你唔想成日走鬼，不如自己買番部，或者買 mini notebook，又可以好似所長同我咁寫 blog tim！

困擾左大家成個星期o既馬來西亞木頭事件，經過大家總動員o既努力，謎底終於解開啦!

貴人早幾日打電話俾我地，好關心問d 4合1奶茶好唔好飲，好在包租公已經試過，佢話甜左d，同一般3 合1冇乜分別，我都試過，沖大杯d咪唔甜lor, 味道都唔差....

至於果舊木頭，就當然係 "東革阿里" 啦，即係馬來西亞人蔘，係好野黎架，咁大舊都唔平架！佢地仲問包租公識唔識得點吃？好在我一早講左俾佢知啫！

原來東革阿里係馬來西亞國產強身補健的傳統草藥，不但具有防虐、防毒、防高血壓的功效；更可以改善身心、增強癒合系統，, 生長範圍遍及印支半島、馬來半島、印尼的深山野嶺之間。在過去當地居民用它作為治療一些疾病如皮膚搔癢、消化不良、驅蟲、腰骨酸軟、瘧疾…等等。

呢棵係樹苗

呢舊刨左D皮

切開一轆轆個樣

唔知二姑媽仲記唔記得旅行團個導遊飲果樽2公升水，都加左幾片東革阿里，仲話有 好多治病功效呢? 所以當地好多男人飲o架，你快d煲埋d東革阿里雞湯，叫大少同二少飲多d啦，好正o架，哈哈！至於女人飲唔飲得？一樣得，冇問題！

至於貴人係邊個? 咪包租公o係馬來西亞個舅父lor....

討厭的九月!

無論屋企定返工都好多野做...

 屋企: 個家務助理九月已經唔撈, 結果乜都要自己做番, 所以晚晚都好攰, 最遲11點一定要去揾周公...

返工: d學生開左學, 日日出出入入, 嘈到死, 又多野問, 都唔明點解e+d大學生咁乜野, 可能太受保護啦...

好似今日中秋節, 好多部門收3點半, 我就做到氣咳, 因為老細下晝有會開, 大把野做...

最慘以前日日坐校車返工, e+都有得坐, 不過要係大門口出面個巴士站上落, 日日返工同放工都要行至少十分鐘, 好在e+天氣涼左d, 冇行到身水身汗咋, 不過落大雨就好le hae 啦...

點都好啦, 今日落雨, 冇月光睇, 一於早d去揾周公!

自從兩年前同二姑媽組團去星馬遊之後，一直好懷念果度d美食.... 唯有經常打聽有冇人去果度玩，可以搭單買啦... 點知錯過左兩次機會...

好在皇天不負有心人，終於搭上搭揾貴人幫我買到啦，尋日終於收到來自星馬o既手信...

就係呢盒連董事長都話好飲o既 "冬革阿里雞湯" 啦！

好開心，呢個冬天有得飲啦

仲有呢包印度拉茶...

上次買黎試飲，原來好正，又唔貴，仲好抵飲tim！

E ... 貴人仲買左包4合1 奶茶俾我地... 

3 合1 奶茶就飲得多，你地知唔知第4樣係乜呢? 所長請你問吓阿邊個邊個知唔知，估中o既話，我送D俾佢試飲....

嘩！以前買豬肉就搭舊豬頭骨啫，貴人今次搭左舊木頭俾我地，橫睇掂睇都係一舊木頭，究竟係乜黎架? 貴人話包租公應該知，點知佢R晒頭話唔知， 又未揾到貴人求證，咁你地又知唔知係乜野黎?