終於等埋各方好友答o左問題, 而家開估啦 .....

正確答案係:

1) 佢叫做美國盾 (對手合埋時好似個盾)

2) 佢今年10歲啦!

3) 佢食素o架, 只係食水果同蔬菜

4) 佢現在o既身價係 >20萬 --- 冇呃你o架! 

點呀, 答中幾多條??

佢個主人話十年前佢只有乒乓球o甘細, 已經值四千幾蚊, 而家 .....

一齊睇下佢個 king size:

睇到我幾大隻未呀 !!

幾乎大隻過小朋友!

係咪好勁呢! 佢重約8斤, 但可以生長至150歲, size大到一張圓臺o甘大.... 到時佢主人o既下幾代都唔知點養佢好lor, 唔通當櫈坐?

佢屬於沙漠品種, 所以好怕凍o架, 又唔可以掂水, 平時要食維他命同鈣片, 冷親會打乞嗤, 要食兒童克痛藥片, 原來都幾難服侍 :(

我同佢影o左好多相  tim!  e ... 原來佢住o係我o既舊居, 逢星期六或日兩點到六點都可以去同佢say hi... 正呀!

佢有個女朋友, 今年7歲, 我要搵日返去舊居睇下佢靚唔靚女先!

今日晏晝放假, 竟然o係商場門口遇到我o既摯愛, 令我興奮左大半個鐘!

o拿, 佢同我say hi 呀! (暈得一陣陣 @~@)

係咪好靚仔呀?

 嘻嘻 .... 俾d問題你o地估o下先:

1) 佢叫乜o野名? (即係乜品種)

2) 佢幾多歲?

3) 佢鍾意食乜o野?

4) 佢有幾多身家? (即係佢值幾多錢)

 睇o下你o地估唔估到? ^o^

尋晚Cally 一返到屋企就哭訴冇得去世博了

話說佢學校全級都要分組做一個 project, 在班裡勝出後, 再全級比賽, 佢果組o係班度勝出, 可惜全級比賽時得梗頸二, 所以冇得去攞!

為左呢個 project, 佢果組瞓晒身去做, 由復活節假期開始, 日日約出黎做: 拍短片, 設計兩大塊壁報板, 搞攤位遊戲, 又要去d中心做訪問同做街頭問卷, 文字報告 ... 做到傻, 佢地組長仲癲, 成日做到半夜三更! 唉, 點解而家d 學校成日要d 學生做 o甘大型o既project o架

起初佢地唔知有得去世博o架, 出線後亞Sir 至講, 仲話就算輸左都有書券, 搞到佢地好興奮, 日練夜練, 比賽前一晚仲o係學校練到10點半至走, 功課都唔得閒做, 又要應付每日都有o既 test 同 quiz, 好在Cally對於功課一向好緊張, 一早做晒同溫習左, 先至冇欠交功課咋! 抵讚

o拿, 睇下佢地個大作

睇到題目嗎?

係 "香港人是否對精神病患者存有偏見?"

佢地輸左都有d失望, 好在攞返個安慰獎: 最佳匯報技巧獎, 但獎品只係$50書券同一包蒟蒻, 即係每人$10 同幾粒蒟蒻!

真係有點兒那個 ... 勝出去世博, 輸左乜都冇! White do!

所以Cally 叫我幫佢寫呢篇文發洩o下喎 >o<

嘻嘻, 其實我好感動, 難得Cally o甘投入, 又夠膽o係禮堂全級同學面前 present project, 比起以前o既佢, 真係進步左好多啦! ^_^

見到MM去動物園玩, 令我諗起早排我去長隆, 去左香江野生動物世界同埋睇馬戲我第一次去咋, 我諗同二姑媽呀, 所長呀佢地N年前去果陣好唔同, 拿, 等我帶大家去睇o下而家o既係點啦!

門口大大個招牌, 包冇去錯地方!

裡面有d動物, MM去果度係冇o架!

大家都有o既大笨象:

(會跳舞o架!)

 回眸一笑o既長頸鹿

(條頸真係好長!)

 犀牛

(好笨重呀)

走左出黎食草o既小羊

(靜雞雞笠佢走)

 BB小白獅, 俾錢可以抱住餵奶

  (望乜野望!咬你o架)

呢隻叫做金牛, 成身金色o架

  (都唔知係咪染色)

嘩!有老鼠呀! (Hilda Mama 快d合埋眼)

唔駛驚, 係白袋鼠 ~~ 嘻嘻 ~~

仲有大赤袋鼠 ^o^

  (企起身搶鏡先)

e ...個 pat o甘大, 好似係 ....

睇真d, 真係樹熊黎o架!

  (扮望夫(澳洲)石)

行到腳仔軟, 坐低聽o下d 鸚鵡唱歌先!

  (浪奔! 浪流....)

坐小火車睇o既仲犀利, 有白老虎, 黑熊, 斑馬, 獅子, 孟加拉虎, 黃狼, 梅花鹿 等等, 有d好近架車, 有d驚! 遠果d又影唔切, 黑蚊蚊 tim! 

(佢想咬人呀!)

(請用望遠鏡睇)

(當戴左黑超睇)

(密密食泥)

仲有唔少得o既梗係國寶啦!

嘩! 可以係樹上面晒太陽

  (我爬樹好叻o架)

又可以趴係石頭上面晒

  (正式大食懶)

仲冇停口食tim

(d竹o甘鬼奀)

佢地係室外飼養o架, 所以d毛好污糟, 但我地就可以好近距離o甘同佢地 say hi hi hi hi

 最後要特別介紹兩隻動物! 登登登登....

估o下係乜?

 一黑一白唔係熊貓 ...

唔係乳牛 ...

唔係三不像 ...

 o甘係乜黎 唔該大家提供答案!多謝!

而家d細路哥由幼稚園開始已經話坐校車, 真係服侍周到! 到出黎社會做野, 如果公司距離屋企近, 就真係幾正~~~

不過,我為左入唔到黎讀書, 都要入黎做野o既心態(果陣時), 山長水遠入黎大學度做, 一做N年, 最近連老人牌都攞埋, 日日o甘頻撲, 為乜? 咪又係為兩餐law!

初初見到住香港九龍區d人有校車坐, 不知幾羨慕, 我地d新界人就騰足個幾鐘先番到屋企, 最慘係打風落雨天, 淨係迫果d爤鬼校巴落火車站已經火都黎, 仲要熬成粒鐘至返到屋企, 就真係覺得自己攞黎!

好彩大約兩年前, 有人搞了條元朗天水圍校巴線, 未嘆過坐校車返工o既我, 終於得償心願啦 :)

拿, 雖然轉過幾間公司, 呢架就係而家坐緊個架, 外形唔靚仔, 但有得坐就得啦!

你睇, 我d車友上車啦!

日日坐校巴返工放工, 唔使迫火車同等校巴落火車站, 唔使迫車,追車同等車, 人都靚d!

當然, 日坐夜坐, 換來o既後果就自負啦, 乜野後果? 咪就係變成 Janet Bin 攞 , o甘索?

你就想啦! 係未變身o既梁巧芝呀, 救命!