上星期終於收到 low b 寄俾 Cally 買波鞋o既優惠劵，咁啱星期日鍾家有飯局，於是順便同 Cally 去買番對新波鞋...

先去 "Ｃ" 字頭果間睇，再去 "Ｍ" 字頭果間，睇左好耐... 心水始終都係呢一對...

望落個款幾靚，紫色亦係佢o既首選，叫佢買多對，佢又唔鍾意其他款式，仲好，幫我荷包慳番d $，可能夠食一餐放題哩，哈哈...

買完鞋，Cally 又 "擒擒青" 返屋企做功課，都唔明點解佢間學校咁多功課做o既？ 搞到佢連好鍾意食o既流浮山海鮮餐都唔願去食，寧願同包租公撐枱腳 "二人世界"...

當我返到屋企，一入門口就見到佢對新波鞋已經剪左彩 o_O...

真係快過打針，都啱o既，$已經EPS俾左， 仲唔著等幾時？叻女♀（￣▽￣）／！

今日勁興奮，不過唔係中六合彩 (我都想中，等待中)....

因為：

(一) 大姑媽終於黎留言，請繼續多d黎留言....

(二) 今日鍾家又有聚會，雖然出席人數唔多，但大家都過左愉快o既一日~~

今次聚會目的係預祝叔公同Ponchi Papa 生日，所長仲訂左個畫有消防車o既芒果蛋糕送俾佢~~

夜晚去左流浮山食海鮮餐，雖然人多上菜慢左少少，但好好食，個個Lam 晒咀，, 唔出席o既真係走寶lu ~~

由於我忘記帶相機 (真失敗)，所以冇相睇.... 唔緊要，所長影左，等佢貼俾大家睇啦~~

..... 差ｄ唔記得呢餐係所長請o既，多謝所長！

上星期五雖然落雨，我同包租公唔係特登 "出巡" 去銅鑼灣太平館食瑞士雞翼o架，其實我地主要係去參觀 "虎豹別墅"....

 發展局話開放呢個一級歷史建築物，係俾公眾了解別墅o既歷史同建築特色，同埋就活化虎豹別墅項目o既商業用途表達意見喎...

我地真係 "背"，原來虎豹別墅已經唔開放，本來上月尾我地屋苑有得去參觀，又係$20車費，但Cally 話要溫書唔去，於是冇報名，之後至知原來今次係特別開放，真係激氣! 無計啦，好彩咁啱我星期五攞左假，雖然落足一日雨，但應該冇星期六日咁多人掛?

點知因為要限制人數，所以都要排左十分鐘隊，不過入左去之後你就可以慢慢睇，冇人趕你走...

別墅內有幾層，每層又有幾間房，間間房都有壁爐， 又有遊戲室，閱讀室...

最有特色o既就係天花裝飾，窗花，壁畫．．

 (好似米奇老鼠)

 (咁高, 一定要擔梯)

 最多係廁所, 各有特色, 圓筒形o既熱水爐,

露台同d窗仲裝埋鐵閘，唔通驚有賊爬入屋?

e... 成間監獄咁o既，你估究竟係乜黎?

出到花園就可以睇晒別墅成個look連六角形塔∼

 (後面兩幢樓就係名門)

 (噴水池又殘又舊)

(以前個look)

以前有個萬金油花園，裡面d動物雕塑同地獄十殿閻王浮雕都已經拆晒，真係可惜 ~~

走之前梗係影張到此一遊o既相啦，哈哈! 不過，你見到招牌d字嗎? @_@

睇唔到? 唔緊要, 俾個近鏡你睇:

我仲影左好多相, E左俾你地睇啦!

今日落足成日雨，不過都冇損我o既心情，因為貴人出門招風雨，嘻嘻

今次我同包租公出巡去銅鑼灣，我地去左呢度開餐

無錯啦，就係太平館...

呢度d裝修好懷舊但又好舒適,

呢幅係意大利名家Casadei 1971年製作o既雕塑∼

 我地今次食下午茶餐:

太平館瑞士汁炒牛河

太平館瑞士雞翼配意粉

實在太好味了，D汁唔咸唔甜，D雞翼果然即叫即浸熟，熱烘烘的 (我刨左書 "太平館餐廳的傳奇故事" 至去食o架!)

一陣就掃清光了~~

再黎一杯香滑奶茶同咖啡，正!

呢度仲有一樣甜品好出名，就係梳乎厘，不過個size 大過人頭，我地兩個實食唔晒，一於留番下次同Cally 一齊去至食，因為佢見到d相流晒口水，話下次一定要同佢去食一次， 這個當然冇問題啦!

思考題：你地知唔知瑞士雞翼呢個名稱o既來源呀?

唔知大家仲記唔記得我係邊個呢? 我諗多數都唔記得啦... 我咪就係好似人類宮外孕生出黎果個BB 攞! 俾你地睇吓我出世時個樣:

好在"姑姐" 冇唔要我，仲將我放入"氧氣箱" 深切治療，只准我食流質食物:

直至我大左少少至放入盆內，可以食實物咋，好在營養豐富，至令我快高長大，眨吓眼我D手手腳腳已經生左出黎啦... 你地睇吓我幾強壯!

我仲有左BB tim，就黎生得啦!  睇

睇吓．．．BB d手手腳腳伸左出黎啦,

嘩！差唔多出世啦.... 終於係今日生左啦!

係一個人見人愛o既BB女呀!仲有幾個細佬妹tim 呀!

由4月懷胎到10尾出世，要半年咁耐呀!真係少d心機都唔得，多謝 "姑姐"!