尋日係冬至，家家戶戶少不免都會加餸做節~

我家都有加餸，就係呢樣啦~~

~鮑汁花菇螺片扒西蘭花~

賣相唔差，當然味道也不錯，最緊要係煮o既人肯花心思，利用少少資源，做出一道令人看到高興，食得開心o既菜式，當然抱著一個欣賞別人付出的態度去品嚐，就更加美味啦!

~外賣燒味拚盤~

~自家炮製老火湯~

實而不華o既一餐，既有滿足感，也是維繫一家人感情o既橋樑，正所謂冬大過年，你話係咪?

尋日MM俾左個大驚喜我地...

呢個佳人，原來約o既人係我地鍾氏大家庭所有成員...

真係估佢唔到，竟然靜雞雞飛左返黎同我地過聖誕，真係好感動... 尤其二姑媽，當終於發現坐係梳化果個係MM時飛撲攬住佢，笑到我地幾乎碌地...

好彩MM唔係由英國返黎咋，果邊超大風雪！航班好多都取消左，d人要瞓機場，真係慘啦

oh... MM又唔早d講我知返黎，等我去set靚個頭見佢嘛，因為我約左今日去電髮... E+唯有聖誕節果日先俾大家見我個新形象啦!

今日係中大一年一度**畢業禮兼新任校長就職禮**

嘩!好多恭賀花牌喎,

呢個係梁愛詩送o既~

呢個係六叔六嬸送o既~

不過衰在揀錯日子，又凍又落雨， 聽講百萬大道俾尋晚大雨攪破壞，D櫈積晒水，帳篷裝晒水，搖搖欲墜，唯有擒擒青搬入室內舉行啦，又將D畢業生同家長安排去唔同地方睇現場直播，唔單只冇癮， 仲攪到好混亂， 火車站人山人海，上山條車路大塞車，極之冇癮!

不過之後又好天播，D書院照樣係百萬大道舉行畢業禮~~

台下擺滿花好靚,

D人肅立唱院歌~~

主禮嘉賓入場上台~~

D畢業生一個個上台攞證書~~

台下坐滿人，多到數唔晒~~

真係奇啦?個台背後點解要紮晒鐵絲網o既? 究竟有乜野玄機?

禮成後可以周圍影相（呢度係我以前影結婚相果度，不過Ｅ＋已經面目全非了）

你睇呢兩個畢業生幾開心.... 唔知六年後... Cally會唔會好似佢地咁， 著住畢業袍，戴住四方帽影畢業相呢?

尋日出觀塘食飯，梗係順便一遊APM啦！

好閃啊

佢地今年o既主題係用左長達一萬呎o既毛冷編織成o既聖誕樂園，所以見到o既裝飾都係用毛冷佈置o既~~  

三層樓高o既聖誕樹圍滿毛冷~~

好大個毛冷聖誕鐘

小鹿雙親雙愛

毛冷織成o既小熊

粉紅色o既聖誕樹真特別~

嘩！超大個毛冷球~~仲有埋織針，真係想攞黎織番條頸巾

E... 福祿壽都黎左

當然唔係啦，佢地係英國大熱o既時尚可愛o既Fifi Lapin 潮兔黎o架~~

佢地都唔係福祿壽，只係係度唱歌o既"未來之星"啫

eeeeee.... 呢間咪上次包租公介紹俾大家果間CoCo壱番屋~

Oh...我仲未去食tim，唔知會唔會好辣o既呢?一於搵次去食吓至得

尋日同Cally去屯門市廣場行街街，行行吓行左去左俄羅斯?

原來果度今年聖誕節係用左俄羅斯套娃做主題，所以放左好多俄羅斯套娃係度~

呢個會變樣tim...

仲有兩個美女同你影合照...

果度有間玻璃屋，裡面放左幾十款唔同o既套娃，

呢個最應節，聖誕老人套娃∼

總理普京當然唔少得啦∼

彩虹套娃∼

復活蛋型套娃∼

馬戲團套娃∼

又有貓又有狗~

貓頭鷹都有~

地球動物，真係乜都有∼

陀螺套娃~

仲有好多傳統經典套娃，

呢個係第一代傳統套娃∼

最犀利係呢個:

全世界最多層 (70層) 同全世界最細 (小於3mm) o既套娃都係度，認唔認到佢地係邊個呀?一共12個人物，佢地係 "青少年開心指數問卷調查2010" 選出的12位開心人物代表黎o架...邊12個？

近鏡睇真d...

呢3個一睇就知啦~

正確答案，遲d公佈，一係自己去睇吓啦∼

 答案係: