姑姐的小小世界... - QOOZA BLOG 網上日誌

Chelet : 個人主頁 - 相簿 - 訂閱 [ QOOZA - 論壇 - 登入 ]

Chelet

暱稱：姑姐
性別：女
國家：香港
地區：元朗區

MORE...

最近沒有訪客

日誌統計

文章總數： 123

留言總數： 4450

今日人氣： 14

累積人氣： 17403

站內搜尋

RSS 訂閱

2011 年 2 月 3 日星期四寒冷

恭喜發財

分類: 未分類

今日係大年初一，我係度同大家講一聲：

再請黎兩隻金兔同大家拜年：

佢地送俾大家大大隻金元寶，祝大家：

花開富貴！

讀緊書o既MM、Cally、帥軒同肥仔畯學業進步！

董事長身體健康！打麻雀長勝！

所長身體健康，工作冇咁忙冇咁辛苦！

Ponchi Papa、Hilda Mama、阿邊個邊個同包租公都萬事勝意，心想事成！

大姑媽同二姑媽d股票日日升，賺到盆滿砵滿！

最後，請大家食瑤柱／花膠蘿蔔糕、椰汁／薑汁年糕同埋發財朱古力！食完步步高陞同發大財！

發表時間：2011-02-03 12:00 AM [ 訪客留言(6) ] [ 編輯日誌 ] [ 分享至FACEBOOK ]

2011 年 1 月 27 日星期四寒冷

生果大會

分類: 未分類

"一日一蘋果，醫生遠離我！" 呢句說話由細聽到大，至於係咪真係咁有效就好難講喇！

不過每日食生果呢個係我o既習慣，仲係要食好多款，所以我每個星期都會買大量唔同款o既生果，每晚都食4-5款 "雜果"，所以我o既腸胃好 "健暢" o架！哈哈.... 睇吓我呢個星期入左d乜野"貨"：

數吓先...1..2..3..4..5..樣

6..7.. 仲有第8樣 --> 橙，不過係雪櫃裡面！

木瓜，鴨梨同蘋果係上星期六返元朗順便買o既，點解要咁遠 "抬" 返屋企? 因為元朗市場競爭大，相對物價便宜嘛，果兩隻迷你木瓜仔天水圍賣$4隻，果3隻大木瓜係元朗買只需$11，真係大件夾抵食！

至於韓國士多啤梨同藍莓就係 "P" 超市買，因為本周特價，d士多啤梨好甜，只賣$25，好正！藍莓好難買到靚野...只賣$10.8，今次好叻買左3盒，全部都又大粒又甜又爽又新鮮...

尋日見到大學間 "P" 超市d橙開箱... e... #3107喎... $10.4有4隻，又見到有$10.8靚藍莓賣，即刻入貨....再加3%折扣同雙倍積分，超抵啊...啊啊....

我係咪好 "師奶" ?.... 我認啊... 不過係精明果隻！

發表時間：2011-01-27 02:01 PM [ 訪客留言(3) ] [ 編輯日誌 ] [ 分享至FACEBOOK ]

2011 年 1 月 24 日星期一

年花

分類: 未分類

上星期六返元朗同董事長食團年飯，順便逛街買年花，因為元朗有一檔蝴蝶蘭平靚正，舊年我用$100買左2盆，足足開左半年花，真係好抵，你地可以睇番我2010年5 月6日篇日記，就可以見到d花喇！

不過佢地全部都已經 "退左役" ，所以我今年要買過棵喇 =_="

我同二姑媽一齊去買，不過今年d花貴左喇，要$60一盆，而且得一昌花，反而有d細品種$40一盆都幾靚，所以我地一人買左一盆，一於等佢過年後大減價，到時至再買都唔遲...

呢盆就係喇！

瘀紅色品種我以前未種過，見佢似乎好 "後生"

，希望可以一路翻種，年年開花喇

！

我地又買左水仙花，因為大姑媽話今年天氣太凍，佢浸果d水仙頭趕唔切開花

，哈哈... 我揀果棵原來有9昌花

，你數吓係咪？我諗趕得切年初一開花掛？

萬一趕唔切唔緊要，我有棵聖誕樹嘛 (角桐草)！(請睇2010年7 月30日篇日記)

而家仲開緊花呀，仲開枝散葉，變成4棵聖誕樹添...

紅當當... 好有新年氣氛，仲長開長有，好意頭呀！哈哈~~~

發表時間：2011-01-24 02:18 PM [ 訪客留言(2) ] [ 編輯日誌 ] [ 分享至FACEBOOK ]

2011 年 1 月 17 日星期一寒冷

~齊齊動腦筋~

分類: 未分類

最近網上流傳了以下小學中文數學科混合測驗卷, 唔知你識答幾多條而條數又啱o既呢? Cally 同帥軒應該可以攞好高分掛

例句: (十八)羅漢－(一)網(打)盡= 光怪(陸)離

答案: 18－12 = 6

1. □光□色 × 不□價＝ □感交集

2. □年青 ÷ □年樹人＝ □折不撓

3. □拳□腳＋□肢發達＝ □頭□臂

4. □信□疑＋□新不舊＝ □知□解

5. □歪□扭＋□波□折＝ □死□生

6. □心□意＋心無□用＝舉□反□

7. □無□失－□視同仁＝ □馬奔騰

8. 推□阻□＋ □勞永逸＝ □□成群

9. □唱□嘆－□板□眼＝ □簧

10. 路不□遺 × □萬火急＝ □萬富翁

11. □□生肖 × □思而行＝ □□□計,走為上計

12. □□乘法＋□成不變＝舉□廢□

13. 文房□寶 × □字經＝ □清□楚

14. □面威風 × □竅生煙＝ □顏□色

15. □呼□應－□牛□毛＝重□登高

16. □呎之軀＋垂涎□尺＝ □面埋伏

17. □□事變－□言□鼎＝ □花□門

18. □里香＋□稜鏡＝ □金不昧

19. □平□穩－□捨□入＝ □國演義

20. □季如春 × □色彩虹＝ □□年華

21. □分□裂＋□臟□腑＝ □密□疏

22. (□嘴□舌－□□般武藝) ÷ □惡不赦＝□神無主

23. □番□次 × □話不說＋□面玲瓏＝ □情□慾

快d黎做啦~~~ 睇吓有冇人可以攞到滿分?

發表時間：2011-01-17 04:59 PM [ 訪客留言(15) ] [ 編輯日誌 ] [ 分享至FACEBOOK ]

2011 年 1 月 11 日星期二寒冷

自我測試

分類: 未分類

早幾日睇報紙李韡玲o既專欄，提到以下避癌良方：

(一) 戒煙或戒酒 (唔駛講都知！)

(二) 少吃鹹且辣食物 (不吃過熱、過冷、過期及變質食品，仲有唔好食已煮熟o既隔夜蔬菜！)

(三) 減少身心壓力 (憂鬱、激氣同壓力係會誘發癌症，所以凡事睇開d，笑多d！)

(四) 多做運動、多出汗、多出外散步晒太陽 (例如多做家務、掃地、洗碗同清潔！)

(五) 有良好生活習慣 (不要沉迷打麻雀、唱Ｋ同通宵唔瞓！)

(六) 小心飲食 (不要縱容口腹之慾！)

以上六大規條，究竟大家做到幾多呢？不妨測試一下....

包租公只係未做到第 (二) 項要求，唔錯播！

至於我自己，除左第 (二) 項之外，都係多佢一項啫...

我決定由今日開始，飯盒唔再帶隔夜蔬菜...

你地又點呢？做到幾多項呀？

發表時間：2011-01-11 12:32 PM [ 訪客留言(2) ] [ 編輯日誌 ] [ 分享至FACEBOOK ]

« | 6 | 7 | 8 | 9 | 10 | 11 | 12 | 13 | 14 | 15 | ... | 25 | »