原來時間過得好快, 貶下眼係呢間公司做左N年, 上個月仲頒左個長期服務獎俾我 tim!

原來今年有成51人攞獎, 個個都o甘鬼長情o既, 貪呢度有金執咩!◎−◎？

係呀, 真係有個金牌俾你o架, 唔信! 睇o野啦 ....

係咪好奀呀, 堂堂一間大機構, 做左N年, (實際幾多年唔講啦), 人地做10年已經有"牛那"o甘大個金牌, 一齊黎睇o下:

嘩!係咪小巫見大巫呢!

聽講仲係足金, 值成7千銀, 我果隻小巫, 只係疑似18k金, 值2千多dd咋, 唉...

真係食(收藏)之無味(升值), 棄(溶左佢)之可惜(後面刻左個名)!=_=""

除此之外, 仲有尾數千七銀同一張證書, 都唔知要黎仲咩用?  賣都唔值錢, 唔通襄起佢俾人計o下你幾多歲咩

今日收到張糧單仲谷氣, 原來d尾數不單要交稅, 仲叫做bonus, 好心啦, o甘鬼奀就咪鬼叫bonus, 失禮死!

 呢舊咩o野黎o架? 估o下先 啦! ???

無錯啦!之唔係黑森林蛋糕 lor.... 不過個賣相就幾嚇人...

但唔緊要, 呢個蛋糕係我個Cally整o架!＜（￣︶￣）＞

佢參加o左學校o既烹飪班, 呢個係佢o既作品, 仲特登帶番黎俾我食, 雖然賣相係差o左d, 不過愛心就100分la, 味道都有80分o既!

所以下星期o既母親節, 愛心爆棚o既佢決定都係"請槍" ...

買個賣相一流, 味道一流, 但佢好鍾意食o既芒果流心蛋糕俾我算數 /.\

尋日外勤完真係辛苦啦! 好在今日放假, 可以係屋企"的起心肝"執執D相, 順便寫下o野都好喎!^_^

不過我呢個"書蟲"都係"刨"書大過天, 一口氣"刨"左君比4本書,先至埋位寫...

無法啦, 鬼叫佢d書o甘受歡迎咩, 又唔知點解第4 集全香港圖書館先得果一大本係度傳,book書排第5都要等左3個月先有得睇,唔重溫1-3集先邊得呀!好在我一早借定1-3集返黎咋!

我個Cally遺傳左我呢個嗜好, 又係好鍾意睇書, 而且睇得好快tim, 成日嫌我睇得慢, 又話我好借o甘多書返黎, 於是收起左自己張證,唔俾我用 真係俾佢激死!

不過佢都好乖o既,點乖法?聽日或者遲d話你知!＜（￣︶￣）＞