病有好多種，但有一種男人冇o既，女人獨家o既，但又唔係個個都有，我好唔好彩，我有呢個病，仲差唔多個個月都病，真討厭！今日我又要早退了=_=""

記得初中時，呢個病一發作， 就要勞煩班裡面最大隻o既同學孭我去醫療室，最衰讀女校， 冇機會俾d高大有型o既男仔孭tim！跟住學校就會call阿董事長黎接我返屋企，超瘀！

有時呢個病半夜三更發作仲死，係屋企"典床典蓆"，最後要 Ponchi Papa 開車車我去博愛醫院睇急症，我係個度都開o左唔少"快勞"！

出黎做o野N年啦，都俾呢個病玩謝，plan親去旅行，都要左計右計，費事撞到正，俾麻煩自己！

d醫生成日話，快d結婚啦，快d生仔啦，o甘呢個病就會好o架啦， 原來係呃人o架！結婚後你吃丸仔，生仔後你亂o左日子，梗係冇事啦！我生完Cally後享受o左一年咋，個病咪又番返黎，把鬼火！

睇黎要等到某年某月某日，機器老了， 唔work了，才可以擺脫呢個病！

小時候住村, 屋企又養貓又養狗,又種花又種樹, 又可以上山落水, 甚至通街走, 不知幾過癮!

而家d小朋友就唔同啦, 住洋樓冇得養番狗,可以種花唔可以種樹, 冇得上山可以落水,不過唔可以通街走, 真冇癮!

所以我除了養育Cally及種花外,只好"養"一d四腳爬爬的龜龜, 不過係"擺"係度o既龜!

識我o既人都知我儲儲埋埋好多龜龜, 一齊睇o下:

先黎小型品種~~~

全家福:

  (數o下有幾多隻)

軟膠家族:

(包租公買俾我o架)

玻璃家族:

  (小心玻璃!)

玉石家族:

  (假定真?)

石頭家族:

   (咪好重?)

缸瓦家族:

   (都好易爤)

什錦家族:

  (乜料都有)

呢隻夜晚會發光o架: 

  (有幾光?)

e... 點解有隻冒牌貨o架!

    (忍..忍..忍...)

再黎中/大型品種 ~~~~~

全家福:

  (又有得數啦!)

毛毛家族 (有d超大隻俾包租公收埋o左係床下底):

  (Hello!)

大牛龜家族:

  (隻隻牛o甘眼)

水晶家族:

  (平o野黎o架咋)

種草家族:

  (只種到稀疏o既草)

風水家族:

  (同我邪住對面 d 山墳)

呢幾隻係Cally 幾年前送俾我o既母親節禮物, 係好辛苦撲o左好多間萬寧至買到, 所以佢話一定要寫出黎喎!

  (我o地可愛嗎?)

仲有呢隻係佢6歲時參加黏土班整o既, 唔錯啦!

  (太肥啦游唔郁呀)

(估o下我係邊個?)

嘩!乜誰黎o架?

嘻嘻 Cally 最新扭俾我o既 bathing turtle, 邊個o甘曳貼係 Cally塊面度? 原來係包租公o既傑作! 佢投訴話o甘多龜冇掟擺!

所以我d龜龜唯有o甘擺啦.... =_="

(見到我o地嗎?)

(爬快d爬高d)

(層層疊)

(反肚抖o下氣先)

 有d "lay" 埋o左去Cally 個書櫃度!

  (Hi, 你好嗎?)

有d係衣櫃同床下底冇得出黎同大家見面 tim呀!

(P.S. 其實我仲有d放o左係公司度, 冇影出黎咋!)

今日係母親節, 雖然我阿媽已經離開o左我超過20年, 不過好在我有個叫o左我做阿媽十幾年o既Cally, 所以每年o既母親節佢都會有d表示o既...

細時o既佢, 例牌畫張卡寫幾個字俾我, 已經好sweet ka la! 大d就買蛋糕,請飲茶同送禮物, 再大d就淨係買個蛋糕俾你, 唔知第日大大個果陣,係咪俾cash我算數呢?

上次Cally整o既蛋糕唔係好掂當, 所以佢話母親節會買個佢至鍾意食o既芒果流心蛋糕俾我, 果然無扼我,呢個就係啦!

  係咪好靚呢?

係咪賣相一流呢? e... d 芒果好肉好似唔夠熟喎, 扣少少分啦! 切開o左就係o甘啦, d 芒果醬流晒出黎, 所以咪叫流心蛋糕 lor!

點解冇流出黎o既?

  流緊啦...

終於流左出黎啦!

食啦!唔... 好味, yummy yummy 好sweet...好sweet!

真激氣!搞左成個鐘都插唔入d相,明明今日係母親節, 寫好篇日誌都無佢乎?唯有聽日先貼出黎啦!

點都好啦!祝天下間所有母親日日都快樂!

記得上回安妮事務所介紹了我種的"沖天巨樹"後, 令我想起以前種的蘆薈, 又係高到頂天花, 仲開花tim呀,

不過張相唔知"塞"左去邊,雖然佢已經"百年歸老", 好在我幫佢留左後咋, 一齊黎睇下:

呢個係佢個女同孫,開花指日可待!

哈哈... 其實我最拿手種o既係大岩桐, 年復年, 都唔知種到笫幾代tim? 不過年年都開到成個大花球o甘, 幾乎可以借俾新娘當結婚花球用!

你睇下, 係咪好勁呢?

仲係鴛鴦色tim!不過呢盆係舊年o既傑作, 今年果d而家"催谷"緊,第日貼出黎俾大家睇!

e... 呢d乜o野黎o架?

哈哈哈...  咪又係大岩桐law, 犀利 le, 種花種到係塊葉上面生個仔出黎. 騎騎..

不過, 點都唔夠種蝴蝶蘭好, 因為開花期成半年, 買番黎擺都抵啦!

我舊年用$100買了兩盆, 開了半年花, 懶叻學人換盆, 結果整死了呢一盆:

好在另一盆長得肥肥白白, 今年仲開花tim! 真係開心啦!

o拿, 呢盆就係啦, 舊年的樣子:

今年的樣子:

所以我今年又買了兩盆番黎, 仲開得好靚 tim...

呢盆有一昌花開完, 不過另一昌花開得好燦爛, 又生緊橫枝, 仲靜雞雞係葉下面長緊一昌出黎, 今勻有排開花啦!

呢盆仲勁, 開完十幾朵花後, 又係個尾度生左d花lum出黎, 每枝都有成6朵花, 又有排開啦!

唔知我呢個小花王, 可以攞乜o野grade呢?