早幾日所長show左佢心愛o既Hello Kitty雨傘出黎, 有大有細, 有長有短, 尤其係o係小樽買果把, 更加唔捨得用,呢d心態係好正常o既! 再加上見到MM係日本買果把雨傘, 又大把又靚, 佢話要港幣二佰幾蚊, Hilda Mama話唔貴, 又真係唔貴o架 ...

拿, 俾你地睇下我1992年去日本honeymoon 果陣買o既雨傘先, 第一把:

名牌Moschino直遮, 又大又靚, 盛惠8,000 yen!

第二把:

名牌ELLE直遮, 成個燈籠罩o甘, 盛惠8,000 yen!

第三把:

超輕縮骨遮, 不過大風唔用得, 盛惠6,000 yen!

三把遮都超"線"水,越大雨就越正, 只要好似d狗狗fing下d毛(遮), 就即刻乾晒, 好似未用過o甘, 正呀~~~

當然, 日子耐左, 功效就減左, 冇o甘"線"水,我把縮骨遮已經用到殘晒, 入左冷宮啦 =_="

相反, 果兩把直遮就唔係o甘捨得用, 尤其係包租公,佢驚唔見左, 因為d男人多數放低就唔記得攞番, 會好肉痛o架! 我只會o係好大雨果陣用, 仲要遮不離身tim O口O!

e.... 諗番轉頭, 當年日元係1對6, 而家係1對8.6, o甘....我d遮咪升左值, 哈哈... MM, 買多幾把都唔貴, 唔貴^_^

今日又係長洲一年一度o既太平清醮, 唔知大家有冇入去睇呢?

o甘熱, 真係唔想入去睇,但個心又想去睇, 但Cally 又要溫書, 包租公以前又睇過, 無理由自己一支公去o甘悶蛋架? 況且元朗都有天后旦巡遊啦, 而且仲由細睇到大, 都係差唔多睇果d野, (可能仲好睇tim), 所以我最後決定唔去lu ...

好彩Cally個堂細妹舊年去黎, 仲買左個"平安包"俾佢, 不過唔食得o既,原來係一個平安包形既鎖匙扣黎...

冇得食, 得個睇字....

e... 原來係印仔黎...

哈哈... 唯有"印"d 包包出黎睇餐飽,當食左啦!

唔, 好味, 好味!

夜晚仲有搶包山, 我諗應該好好睇, 不過要半夜12點至搶, 一定要租間渡假屋過夜至得, 但係果度係東堤小築, 大家都知果度d"駭人歷史"~~~~

俾我都唔敢住,我寧願係屋企開行冷氣睇電視直播好過, 一搶完包山,即刻熄電視搵周公好過啦~~

你話係咪?

各位粉絲, 我唔係失o左蹤,而係呢幾日日頭好忙,好忙...好多野做... 好唔得閒....  d 大/中/小老細發o左癲, 唔知痴左邊條根, 做到我地d small potato 痴晒線... 所以冇得偷雞寫blog或者回應你地 ... sorry!

放工返到屋企我都好忙, 亦唔會開機, 而且Cally 呢排日日都話小測, 佢都忙到傻,六月頭又話考試啦, 連佢都唔得閒上網, 我更加唔好開機引佢啦! 所以呢排唔見我把口係你地d blog 度"搭爹", 不過唔緊要, 有二姑媽頂上, 好似打麻雀都有得頂住先啦!二姑媽, 你要上多d呀

p.s. 我呢篇o野都係靜雞雞寫o架咋, 所長, 唔好舉報我呀

話說上回北上修煉時， 鍾家有d成員話未去過我屋企，只係去過舊居，仲係Cally 出世時黎食薑醋果陣，大大話話 >10年 lor... 

其實我而家間屋同舊屋o既晒士同間格係一樣， 只係由向西變成向東, 住高o左6 層, 望街景變成望漁塘, 公園,少少米埔景，同埋望最剎食o既風水山 --->  丫髻山~~~~ 平時冇車聲，又聽到小鳥歌聲，好舒適 ...

就係呢幾樣o野，加埋d"豪華"包裝，再搵埋黎天王拍廣告，變成"可能係你最理想o既豪宅".... 今時今日睇番轉頭，真係 ... ... ... ... ...

唔差o架! 

先睇外型:

 (高大威猛!)

o拿，屋苑入口有噴水池o架！

    (好有豪宅氣派, 不過時間尚早, 冇乜水噴出黎)

 大堂入口金碧輝煌的大柱：

   (好金呀！)

 冷氣相連大堂：

   (好涼爽呀！)

 後花園：

   (好大o架！)

 酒店格局的 lift lobby：

   (好high class)

 信箱金色o架!

(好金呀)

金燦燦的鐵閘：

(好"殘"眼呀！)

 漁塘景,公園景,同少少米埔景：

仲有丫髻山景：

o甘靚o既環境， 點止d花開得靚，

人都靚d啦！你睇：

   (重乜貼我o地出黎)

佢o地怕醜, 唔肯出鏡喎！

最緊要出入有專車接送，無論去搭車定購物， 都好方便o架！

你話啦, 仲唔係"豪"宅? 李超人不嬲都冇呃人o架 ma!

.... 我隔離屋最近搬o左 bor， 唔知你o地有冇興趣搬黎同我做鄰居呢?.....

嘻嘻... 好似 sales 賣樓 tim

上次二姑媽睇完我d龜龜大"晒欄"後, 質問我點解唔貼佢特登買俾我o既竹炭吸濕龜出黎??? 哈哈, sorry 呀, 因為佢責任重大, 要lay係Cally 個大衣櫃裡面做o野, 做乜o野? 咪吸濕lor ~~

所以我今日趁好天, 特登俾佢休息一日, 唔駛做o野, 出黎抖抖氣, 吸o下陽光精華, 順便影番張靚相, 貼出黎同二姑媽say hello ~~~

"Hi, 二姑媽, 你好嗎? "

二姑媽條氣應該順晒lor掛, 呢篇文特登為佢而寫o架!