HAPPY BIRTHDAY TO YOUHAPPY BIRTHDAY TO YOUHAPPY BIRTHDAY TO 包租公HAPPY BIRTHDAY TO YOU

 (內藏利是!)

今日係包租公牛一o既大日子，乜咁快佢又老左一歲喇....

祝佢:

1. 身體健康 (最緊要！)

2. 生活愉快 (都好緊要！)

3. 老婆我同亞女Cally 越黎越鍚佢 (又係好緊要！)

4. 佢繼續鍚晒我地兩個！(哈哈...呢個超緊要！)

5. 生日禮物係．．．現金六千元．．．政府話幫我俾，哈哈！）

************************************************************

今日亦都係 Cally o既大日子，就係佢獲我頒發獎學金$$$$

 (內藏$$)

由於佢上學期考試考得唔錯，為左嘉許佢付出左好多時間去溫習同鼓勵佢繼續努力讀書，所以特別頒發呢個獎學金俾佢，希望佢唔好鬆懈，要保持呢種讀書態度，話唔定下次攞更多獎學金o架！$$$

順帶一提：多謝二姑媽上星期請左Cally 食壽司慶祝，我都有份食，好味好妹！

尋日同包租公食下午茶果陣，有個小妹妹同佢媽咪搭枱，當佢媽咪去買野食果陣，佢就郁黎郁去，整呢整路...

佢唔停咁講野，又同我地傾偈，我地問佢幾多歲，叫乜名，佢都一一咁答我地，鬼咁老積，之後又請我同包租公食糖添...

最搞鬼係佢突然唱左幾句 nobody, nobody....

我地當堂 "O" 晒咀... 即刻攞部機出黎影佢...

我仲同佢影左張相...

嘩...佢 "V" 字手勢不特止，仲笑到見牙唔見眼tim...

走之前佢仲送左飛吻俾我地，真係甜到漏呀...

佢令我諗起細細個o既MM ... 果陣佢都係咁 "咀朝朝" 同咁得人鍾意o架!

嘩!時間過得真係快...今日又係結婚周年日...

想當年．．．我就係擰住呢紮花．．．

同包租公展開我地人生新o既一頁喇...

今日點慶祝???

都咁多年lor，已經老夫老妻了...

都係劏隻雞食算數喇...哈哈!

哈哈...好開心呀!

因為尋日同 Cally 返學校攞成績表.... 一睇．．．

佢係全班33人中考獲 「探花」，佢讀咁耐書都未試過，所以佢都好開心呢 （￣︶￣）

今次佢之所以有咁好成績，除左佢真係付出左好多時間去溫習之外，就係佢選修o既經濟同商業兩科都考得幾好，數學成績又進步左好多，加上平時分又唔差，抵佢考得好o既！

不過唔估到佢中文科成績最差...真係有d失望... 話晒佢亞媽我當年中文會考攞「火箭」o架...  冇辦法，今時今日考o既方式唔同左，冇得比．．．

我只係希望 Cally 佢最緊要儘自己能力，平日多溫習，唔識就問，千祈唔好俾自己有考試壓力呀！ 我日日坐係office度做野果陣都支持你o架！

今日係元宵佳節，晏晝老細請食新春團拜午餐 

一入門口就見到財神爺企左係度派利是，一見佢我地就呆左一呆，點解新年流流, 個財神塊臉黑過墨斗o既？哈哈...睇真d...原來佢係黑人黎o架....佢仲滿口唔咸唔淡廣東話，真係好笑喇...

至於個餐食以下菜式，知唔知係乜?

1. 年年添大利

2. 虎虎生威

3. 五彩繽紛

4. 富貴滿屋

6. 家肥屋潤

7. 年年有餘

8. 金雞報喜

9. 幸福滿堂

10. 長壽伊麵

11.歡慶團圓

最正係呢個飯後甜品:

好可愛的小白兔，真係唔捨得食啊!