上星期六同包租公去奧海城睇哈利波特大結局後，去左美食廣埸pepper lunch開餐∼∼

黑椒牛肉飯，自己"煎"d牛肉再炒呀炒，都幾好玩，仲幾好食添!

之後順便去圓方＂window shopping＂， 我都係第一次去，原來果度分成「金」「木」「水」「火」「土」五個區∼

水區真係有幾枝水柱係度流呀流，可惜成日流出地面，要個阿姐不停係度拖地，有d失敗!

金寶湯 -- 好耐冇飲喇∼原來內裡有乾坤架！

木區就只係見到d木頭擺設，冇乜特別

土區又係咁，火區都係冇野睇!

反而金區有d野睇，仲有得玩添

就係呢部玩衣機喇∼

只要你企係指定位置影相後，你張相就會係部大眼雞洗衣機度現出黎，手快可即刻影番，手慢就要再影過喇!

 望鏡頭

影左喇

見到我個樣嗎？

隔離果個係邊個黎架？

總括黎講，圓方除左人多之外，就係名店多，仲係間間都係大大間添!

7月24日(星期日)

經過一晚休息後，我地係度假村內食自助早餐，不過款式不多，連奶茶都冇，好在我帶左私家三合一奶茶咋！

餐後仍有個幾鐘至出發，雖然可以係村內自由行，不過天氣實在太熱喇， 我淨係沿途見到呢棵吊緊鹽水o既樹就返上房...因為我地寧願留係房內玩啤牌好過出去晒...

 終於出發了，行程第一站就係去 <四海一家> 食超豪環球自助餐，又係食！唔怪得保證食2個鐘喇，因為上晝冇景點！

去到門口已經好多人，裡面真係好大，仲分左幾個廳, 我即刻周圍睇吓有乜野食先！

食食下所長話我知行過去隔離再隔離個廳有焗蠔食，所以我地個個都山長水遠行去攞，果然有好野食，有生蠔，有鮑片，仲有扇貝同鵝肝，勁多野食！仲有真人現場自彈自唱tim！

食飽飽後出發去下一個景點，又係食！原來去李禧記免費食雙皮奶一碗，真係估唔到我地個個都食得落，勁呀！董事長仲包起我地買o既野食，正式又食又拎，哈哈！

最後一站去<南沙水鄉街>，同兩年前去有d分別，就係冇乜人黎，淨係見到好多大樹菠蘿，兼且我地啱啱至食完雙皮奶，真係食唔落又唔願行，走早走著好過！

估唔到回程時有d塞車，返到深圳灣已經黃昏了，不過今次o既行程都算過得去喇！

為應MM的要求，寫返<番禺三大特色美食宴 - 二天為食純玩團> ，等佢睇吓我地呢個 "豬仔團" 食左d乜同睇左d乜喇!

7月23日(星期六)

明明朝早9點係深圳灣集合，都未夠鐘董事長已經急call我地，驚我地遲到唔係咁好！其實佢8點已經到左，等到唔耐煩就真！原來我地個團得16人，我地鍾氏大家庭已經佔左10人，幾乎包團！好在坐大車，可以一人坐一行，非常舒服！

經過約兩小時車程後，到左番禺，第一個行程就係食好 "正" o既午餐 -  <碗仔翅鮑魚撈雞宴>！酒家原來就係 "鍾村商貿城" 旁邊，好似返左自己鄉下咁，哈哈！

呢碗就係碗仔翅，真係有翅架@.@！

呢碟就係鮑魚撈雞喇，見唔見到d鮑魚呀?

睇唔到？放大d俾你睇，係咪好大隻呢? =_="

手快有，手慢冇呀！大姑媽仲搞笑，佢同肥仔畯坐另一枱，完全唔知有鮑魚，經我地提示後，佢話食左3隻冇人知喎！叻！

飯後去廣東科學中心睇世博廣東館，個館以＂綠色生活＂為主題，入口有我地鄉下新會o既小鳥天堂互動影像，出現百鳥歸巢美景...

門口仲有隻已經唔曉叫兼單眼醒獅迎賓，綠色生活的景觀得個綠字，好失望，館外面的上立體剪影又太多，更顯得冇野睇！

反而科學中心門外空地擺放左好多熊貓像，穿上不同國家的衣服，雖然好晒同好熱，我地都要出去影一大餐！

跟住去左大嶺村古文化村，行入村都要15分鐘，真係熱到阿媽都唔認得！原來都係睇間古廟，裡面掛左4個大牌 "show quali" 而已... 同去屏山睇鄧氏宗祠差唔多啫...唔通因為呢條村住左d 文明户所以咁出名?

好在大家都咋咋淋睇完走人，4點半就返到廣州亞運村(熱)悅水莊度假村！估唔到果度環境唔錯，房間亦很大同好舒服！

唔講都唔知，呢隻係廣州亞運推廣期間走遍海上絲綢之路o既闊闊真公主號喇！

夜晚食＜蜆魚大戰蝦蟹海鮮宴＞，好正！帥軒仲食左3碗飯tim！勁呀！

度假村當晚係亞運大舞台裡面有個2011年中國少兒模特兒大賽廣東區決賽，睇見d小朋友細細個已經變晒老人精，真係no eye see！

至於夜晚，董事長太攰一早去左搵周公，我地都係玩左一陣啤牌同紙牌麻雀就各自回房大覺瞓喇！

~~待續~~

上星期六生日提及去完海洋公園後，包租公同Cally同我食生日餐，佢地同我去左食越南菜。。。

咖哩牛腩送蒜蓉包 (唔辣...包就香噴噴!)

沙嗲雞串燒 (竟然唔可以雞牛豬各一串!)

酸辣龍利魚 (唔辣...即炸...肉滑)

東江鹽焗雞 (新鮮雞，好味!)

越南炒飯 (不過不失)

包租公要啤一啤...我要青檸梳打消滯...Cally飲雜果賓治，不過佢偷雞飲左一小啖啤酒∼∼

12點前切蛋糕，一take過ko晒!

如此精彩的一天，我滿足了！

尋日生日去左邊度威? 梗係老地方喇!

年年去都有新野睇o架!今年就有3個新景點:

1. 夢幻水都人工湖

 仲可以睇埋熱氣球升空

2. 新海洋奇觀 - 巨型觀賞屏

  真係好大呀!

 (露底)鯊魚 (露底)海龜 (露底)海星 蜘蛛蟹

3. 熱帶雨林天地

真定假?

綠樹蟒 紅腳龜/黃腳陸龜 電鰻 肺魚 福鱷 水豚 巨嘴鳥

仲有爬蟲同好多好多....不能盡錄!

呢度仲有熱帶激流，最好玩唔係去坐橡皮艇，而係可以用水槍或者用水桶倒水，見到d人被水照頭淋而瘋狂大笑....

準備...

拉繩倒水...

中!

又中!

除此之外，仲有d特別野:

愛香港的外國遊客同跳水隊大合照！

天氣好熱.... 竟然見到有賣貴3倍o既西瓜賣!仲超多人買

"魔鬼魚" 游左上岸

乜咁似中大圖書館門口果舊石o既?

我6點2走，但門口仲排緊長龍!

原來因為暑假開夜場，入場費$150，所以咁多人! 而雙龍奇緣要9點至有得睇，我要趕回家同包租公及Cally食生日大餐，所以唔等喇

最後梗係貼一張到此一遊o既相喇!

一個人自由行，一樣好開心o架!