真係o架！唔駛去金紫荊廣場睇升旗禮，係天水圍都有得睇呀! 

今朝9:00 am

呢兩枝旗豎立係嘉湖銀座前面個廣場,，我第一時間拍照留念!

你地下次入黎天水圍果陣，記得黎睇吓喇！

今朝收到 Hilda Mama 個 email 問我去邊度食lunch？ 唔通佢想約我食？ 又會咁啱我冇帶飯，不過我已經約左舊同事食飯喎…

哈哈... 原來佢有好野要請我食，仲人肉速遞到我面前，就係呢兩舊cheese cake 喇！好感動啊！

 

左邊係tiramisu右邊係藍莓 cheese cake  

我同同事食完點心後即刻 KO 左呢兩舊蛋糕，因為天口熱，唔留得，而且開始溶…

我地3個都話好好味，尤其藍莓cheese cake，好正！

唔知下次 Hilda Mama 上開黎食飯果陣，會唔會再人肉速遞其他味道o既cheese cake俾我試食呢？嘻嘻！

多謝 Hilda Mama!

自從開左facebook之後，每日o既生活就有d唔同左喇！起初學人留下言，寫幾句，貼下相，覺得幾好玩....

點知當你一開始玩佢d遊戲後，你就會上癮，成日心思思想玩....

起初我只係養魚，跟住開餐廳，又送吓心心俾人，點知見MM養豬仔，我又走入去睇吓，跟住又養埋一份，突然又有得開賭場，於是又去玩，仲不斷結交朋友，齊齊擴建賭場。。。

於是每日一開電腦就入facebook，睇完留言搭下嘴後就開始餵魚， 執寶物，餵豬，偷豬，執金幣，去餐廳收錢，去賭場收錢....忙過不亦樂乎！連書都少睇左，DVD又冇睇，電視劇集又唔睇..... 呢D咪叫做中毒攞！好在我11點都會去瞓覺，二姑媽D毒仲深過我，晚晚玩到零晨一點tim...

究竟有咩辦法可以幫我地戒甩呢D壞習慣呢?

今年三月我用EPS 收據免費換o左個花盆連種子， 我係fb 貼過出黎， 唔知你地仲記唔記得呢?

經過我悉心照顧後，種子已經發芽，長出苗仔....

佢一日一日長大，只係個半月，E+已經好大棵喇，不過冇花開，連叫乜名都唔知!

你地有冇留意馬路邊掛o左種o左好多花籃，但係又成日唔淋水，d花成日乾死晒，早排我係路邊摘左幾枝謝o左一半既新幾內亞鳳仙花番黎浸水，到出o左根後落泥...

E+已經開花喇，有桃紅色同橙色，不過路邊果d花籃已經換o左第二d花喇！

上星期去左佐敦白加士街，見到成條街有好多食肆...

有麥奀同麥文記雲吞麵，上次我同包租公食過麥奀記，所以今次食麥文記。

我地叫左雲吞麵同水餃麵，好似大碗D，價錢都平D，幾好味!

 比較吓兩碗麵先:

                (麥文記$25)                                        (麥奀$30)

轉頭行過隔離舖，門口有得試食乳酪雪糕。

Cally食完即刻買左一大杯黎食，可想而知係幾好味喇!

 佢地仲有出爐鬆餅，只有三隻味，我地食勻晒...正!

藍莓味

 朱古力味

 芝士味

 E.... 隔離舖仲乜咁多人係度排隊o 既?  

啊... 原來係澳洲牛奶公司，冇理由食燉奶都咁多人o架? 一於入去幫襯吓!原來佢地有快餐常餐食，只係$30，大大碗通粉，厚多士，火腿炒蛋連飲品，真係超抵食....唔怪得Ｄ伙計服務態度好似趕客咁喇！

 我試左燉奶，好滑。Cally 就食左煎蛋多士，不過d 油稍為多左ｄ....

 條街好多野食，食到我地好飽好飽！