今朝個風扇係咁跳制,咁有人叫左師傅睇睇啦,原來佢話有野【落殼】(即係漏電),咁就成條線換左去,我初初見到師傅開個制門時想幫佢頂住個殼啦,我隻手原來係按到條火線(即係電源線),咁我就電左一電,好彩無事=,=嚇死,中電既就即死啦。成條線換左~我仲要幫師傅用野頂住d電線...好重阿(電線)。做到成身汗~又累,咁去到12點2就放食飯,咁下午係體訓堂...大獲,我上午好累用哂d力,下午又要上體訓,慘啦...。

體訓完左~成身累到可以訓著,我聽日就要考物理啦~我點都唔可以番到屋企訓,咁我份人好累同唔開心自然會燥D。

詩詩今晚打黎諗住同我傾計~逗我開心,咁我一聽到佢話介手就好擔心佢,咁就大聲左少少鬧佢=.=(我鬧佢既原因係佢唔識愛錫身體)我都有少少唔岩既~咁佢就喊左出黎~我都唔知點啦...唔知點解我又好心痛喎~唉...

咁佢就一直喊~突然呼吸急速,咁佢一緊張同驚就會咁架啦,仲有兩次差唔多透唔到氣...嚇死我,唉...我真係唔想佢為左果一些野而咁樣~我真係會後悔。雖然我而家好眼訓~但係都要溫埋書~

今朝師傅講哂d中工錯處出黎~~好彩無我份姐,幾開心架...咁成個早上我都無乜做過野,只係吹水^^

咁下午師傅就叫未做中工果d人出黎做埋去,我就練熟d技巧同方法,我諗到有種方法可以更快,快人一倍時間到。

咁成個下午試下個方法得唔得,用鎚果陣打到隻手指~只係high到少少都已經內出血=,=好慘阿~隻手又痛又無

力...整直d電線又手痛,咁去左放學~我都係行左陣宜家傢俬,個天無拿拿落大雨~我返屋企要行2個字以上,我就

冒雨行番屋企,好似冷親tim。到左夜晚,我叫阿媽幫我放血=,=好痛阿...玩左陣電腦,識左個住我隔離樓既人,但

仲係canada讀緊書既人,19號就番hk啦-0-之後就訓啦。

今朝要考英文~我琴晚唔知你咪唔夠光溫書~已經唔記得哂。咁我就返到去ive溫左半粒鐘~咁到考果陣我好多都唔識=.=好彩有提示~出絕招~登登登登~唔講你知o,o咁我就變左唔識少少。哈哈...我初初做唔夠半粒鐘就做完啦~反正都唔識留係到都係唔識,咁我就早走啦~番左屋企本來想訓架...但係得果粒半鐘,坐左陣就算架啦。

返到去工場我就恰眼訓=,=俾師傅捉到正=.=慘慘,佢鬧左我幾句~不過唔係對住我鬧,我feel到係影射我黎鬧,

咁我就傾下計~people果面打黎,我傾左陣俾師傅發現左=.=佢啤住我...一直望~之後仲加添左笑容。我開始覺得不妙啦,咁快快咁cut左線-.-咁就無問到佢d plan啦~放左學~無野做番屋企啦~

你知唔知阿...點解你要走呢??香港`多野玩架~今日剪左頭髮,仲去左旺角買衫,褲同鞋。好似仲俾人呃多左錢=.=我係咪好笨呢...sor ar今日無陪到你...我不知幾想打俾你阿~但係...我總是唔得閒。我老豆今日接佢番屋企,我超開心~不過都係有d保留,就係我阿媽既病啦,搞到我成日都心情唔好。

今日師傅話d整線整到星期五...話知我地整幾多~星期五一定要起貨,咁我上午好開心咁搞掂左個習作~都係唔夠傲文快~佢快我2~3個習作..佢係識做而我就烏下烏下,唔識阿~下午個習作我做黎做去都有d幻覺同唔得。唔知點咁,咁全日就唔知點解一直都係唔多開心咁 ,好似唔知有咩事發生。

咁放左學我約左阿豆打波,佢就叫我帶碟...之後我家姐打黎~問我同唔同佢一齊去醫院,咁佢既語氣係即刻番同等埋我一齊去,我都唔知發生乜事要一齊去,我番到去...唉,得知阿爸聽日做手術開刀,我成個人呆哂...唔知點咁,我又怕係最後一面><咁我唔想好似阿公咁...我即刻囉d碟去俾阿豆,咁就走左啦。

心情好急速,急步咁行去廣華,去到我見到阿爸好活潑同好似個細路咁開心,我心都定D~原來係抽樣本咋=0=我成個人都開心哂^^咁我見到佢之餘仲有d心酸...點都好啦~~而家都無事啦~~不過我都擔心手術果件事...