今日一早起左身~開左部腦...咁又番左去訓啦~訓到九點幾,起左身就玩電腦,無心情~

今早6點3就起左身啦~訓唔到啦~咁就起身玩icq,我就7點半出左門口~好累阿~我阿哥又俾人炒左=.=我真係好無奈.....返到學校~師傅話要碎牆-.-咁我就一早要鑽洞,鑽到手都痛埋~下午要碎牆=.=用人手係地下整條U洞~用黎放喉~好得辛苦~打左地下咁耐都係無咩反應-,-咁我隻手就痛到唔知點咁!~成隻手紅哂~今日仲流住鼻血黎整,好辛苦......洗手果陣成面血~"~...好恐怖,嚇死我啦~咁放左學叫左阿倫黎我屋企搞藍芽^^搞完仲要俾我阿哥叫左去買飯同粥俾佢食=.=...

今日上完ive好累阿~~訓左兩堂o.ov咁放學就到左深水步都行左陣~買左個光學mouse-0-29$抵哂
咁番到屋企都6點啦~即刻開icq搵人chat a"a咁就有好多人有問題~幫左佢地解決哂~就去左搵阿琪啦。同佢行左陣商場~到左9點就送佢番屋企啦^_____^

地盤實習工作已經完成左啦~心情都係咁唔開心~我有功課都唔肯做~我唔想交\"/今日放假~我係屋企成日~都無野做,好灰.....今日d同學叫我去唱k同睇戲,我都唔想去~另外d fd叫我去踏單車~我即刻推左~唔想做野~唉....
去到7點~我先知我阿爸出左院都係咁~無乜變過。我就好想去探佢~~可惜屋企好多鎖碎野做啦~無法抽身><唔知點阿~~本來今日返都拖到31號番~可能都番唔到黎...點算,無法改變的只好接受><
我真係.......無用......

今日好濕阿,一早去左地盤做野~~本來好開心架~~我仲諗住快d搞掂哂d野~做完膠喉,師傅又話膠喉轉鐵喉=.=我都聽話既~咁我就做做下無心機~~好悶熱,....好想偷懶-0-^^^食左lunch後,我恰左陣。咁師傅叫我開工~我都唔想嘟,咁慢手慢腳.....師傅追落黎插人><我狂俾佢追住黎插~救命阿~咁我做左條鐵喉係一個之字既,佢又話要直喉就得啦~要我整番直,我身心不憤,咁我都係自己去做過第二條....做做下都返學啦><我去廁所果洗洗下頭講左師傅d衰野出黎=0=咁岩佢係岩岩入廁所-[]-.....心諗,今次捉虫啦,死火><晴天pig力~阿...........咁佢都無野咁去廁所(佢一定聽到哂-.-)
咁我都驚聽日有野講~"~......唉.......