還活在理想中的人；
回到屬於你的火星去吧！
今天一早,咇盡腦汁地花上3分鐘勸服自己.. [ 撚樣, 中文堂有計分野要做呀!! 起身啦,柒頭!! ]
當然,我是起來了,不可能浪費自己昨晚的心機,嘔心瀝血地把劇本翻譯,打算今日把那10分起碼拿個7分回來!!
話說回來,回到學校..
尚算早了一點,距離9點半還有幾分鐘!!
潔姐已經在講室裏了,不到一會兒..
人逐漸到齊,時間就是金錢,馬上就出去把昨天沒演的戲演完..
問了潔姐一句 [ 借問一聲,第四折咁長,我地要演晒定係分折演!? ]
得到的答案比不問更好.. [ 你地有幾多個人?? ] [ 3個 ] 潔姐續 [ 咁喔??演到16頁丫.. ]
我舉起我的劇本,用極奇響亮而富有禮貌的態度問 [ 乜咁益我呀!?即係叫我講兩句然之後返埋位訓教?? ]
PS：沒錯,那花費了一晚時間所鑽研的劇本..若果到所指的【16頁】的話,我只有兩句對白!!
這時候彩姐居然說出那比廢話更廢的廢話.. [ 咁...?? 如果你想演落去既,你可以繼續既 ]
媽的!! 兩個主角唔演落去,我身兼7個閒角的閒角,可以怎樣演下去??
潔姐,你真可愛!! 你係咪個腦又生係屎忽度,用左右兩腦中間隻眼尼睇野?? 仲已經進化到可以防止將來冰川融化係陸地上生存唔到,改左用腮透氣？
我兩位投入的組員..當然高興地演至第16頁就收工,而我...
可以怎麼樣??笑死..
上完那富有趣味的中文堂..
我二話不說的發脾氣,沒有等糖就走了,
到通識課的講室去,見昌哥居然異於平常地早到!!
馬上就上前去問問有關小組報告的事情..
遞上兩個題目..
一個是正正經經地想出來的「民主政治」,另一個是結合上一組的匯報的內容,半玩半正經地聯想出來的「港女」
居然意外地,被指不合乎題目準則的..是「民主政治」,反而不入流的現代新詞「港女」昌哥指這會是好題目,
不過在匯報時要小心言詞和偏離題旨。
不經不覺之間,堂..
已經上了一小時,到小休時間,阿羊問我有關社會課報告進度如何,兼且提及昨晚做中文兌稿的事
[ 喂! 點呀?? 琴晚做份中文做成.. SSC果度,我諗完個Topic之後,冇汁出啵.. ]
一提之下,我就無名火起,爆發出來!!
[ OK丫!! 琴晚做到3點幾,搞左兩張紙出尼,之後今日用左... ]遞上兩份稿,並且指住其中4行!!
當然追問究竟係人之常情,我交代出原因後,糖插嘴道 [ 喂!! 咁我想架!? ]
我怒不可遏地喝道 [ 喂！咁你冇返兩堂,係你有責任啵!! 而且,琴晚係你打比我問我今日場戲做唔做架啵!!! ]
續 [ 你問完我做唔做之後,我應承得你做,我琴晚兌稿兌到3點幾!! 你今日出現係個課室到,你居然同我拎住本書仲夠膽講你會照住讀！？ ]
糖理直氣壯地答 [ 咁 唔 係 可 以 點 姐 !? ]
我氣憤難平的情況底下吐出一句 [ 喂 !! 大佬呀 !! 我都做到3點幾,做完先訓啦 ?? ]
人對於批評,大多數時間總難以接受..
就在這時候,糖沒有再答話,只是擺出一副讓人覺得她是冤枉的樣子,
然後憤然地衝了出講室..
羊提醒道 [ 唉 !! 佢接受唔到咁嚴厲既批評架.. ]
我並沒有因為羊的這句說話而作出任何反醒,因為在這個世界生存..
就是不斷要面對這些嚴厲和殘酷的批評!!
老實說..羊說得出這一句說話,非但顯示出他比我認識的一般朋友都成熟..
他不但看得透這個世界存活的規則,更看穿自己所做的是否符合這個世界的準則,
最重要的..
是他懂得代入別人的心情,滲透到別人的思想去分析人,幫助人..
我要對她說 [ 算啦,得一晚時間做到咁樣好好架喇!! ] 絕對沒有難道,但這只是在安慰她墮落的心靈 !!
持久下去,只是給她一口又一口慢性的毒藥,讓她放任自己 !!
我理直氣壯地答羊 [ 咁生存係呢個世界就係咁架啦 !! 社會係現實架 !! 我鬧佢只係提醒佢,我要呃佢有幾難 !? ]
的確.. 有幾難？
世界
從來都是現實的
現實
向來都是殘酷的
忠言
一向都是嚴厲且逆耳的
蜜語
古往今來都是...
從前,有個細路,
有一日,佢同媽媽一齊去阿姨屋企拜訪..
當一日拜訪過後,個細路突然間拎枝針出尼玩,
媽媽就問.. [ 咦!? 你去邊搵枝針返尼架? ]
細路哥就答 [ 頭先係阿姨屋企拎架囉 !! ]
媽媽仿似執到金一樣咁開心,
就同個仔講 [ 丫 !! 叻仔!! 呢個方法都唔啵 !!! 我地冇咩.. 咪可以去第二度拎囉 !! ]
日子一日一日咁過,個細路逐漸長大..
直到有一日,佢屋企既地主尼向佢地收租,
錢,佢地當然係冇啦,於是個男仔就同地主講 [ 你比多兩日時間我地啦,我地一定會交租架 !! ]
第二日,個男仔就去左錢莊..
想話嘗試拎d錢尼交租咁話啦..
錢莊咁大規模既地方,點可能比佢成功咁拎到錢返屋企呢..??
卒之,佢比官捉左,判左佢永遠坐監,
佢媽媽尼探佢,佢就同佢媽媽講..[ 媽,我有個秘密話你知,你伸隻耳仔過尼丫 !! ]
當媽媽伸隻耳仔過去既時候,佢突然間好大力咁咬佢媽媽隻耳仔!!
跟住話.. [ 最衰都係你當日教我個方法 !!! ]
[ 如果你當初,有教識我咁樣做係唔岩既,有鬧我有打我,我今日就唔會咁做,就唔駛一世坐監啦 !! ]
取源自：Caution - Qooza 小聰明日誌
|
？
