新的1天♨新的開始 - QOOZA BLOG 網上日誌

Colmen : 個人主頁 - 相簿 - 訂閱 [ QOOZA - 論壇 - 登入 ]

Colmen

暱稱： Colmen
地區：元朗區

MORE...

最新文章

•	火星人
•	機會呢？
•	死期
•	樂 and 怒
•	Write down an acrost...

訪客留言

最近三個月尚無任何留言

站內搜尋

2008 年 2 月 15 日星期五

張聰明生日！

分類: 未分類

人生終於渡過左18年喇...
話唔開心??又不致於..
開心？尚且未算...
總算可以咁啦..

朝早起身返學,比平時早左少少..
搭車既時候,感到1股唔自在既感覺..
係因為...車廂既人實在好少...
可能因為早左1班車,加上有D人未放完假..

去到西鐵站,買左個龍蝦沙律三文治..
又唔錯啵
食食下,弱智同阿神到喇..
弱智拎住好大袋TrendyLand..
感激！,弱智,阿神..
果1刻,諗都冇諗過入面會係咩..
因為,禮物...要拆果刻先知道係咩！先至夠Supprice架嘛！
到怪獸尼到,佢拎住1包...形狀怪異既生日禮物..
呢包野..頭大尾細- -"古怪...
就咁..我地集齊人齊齊行返學校了～
弱智同阿神,似乎患上了放假後群症..
瘋狂左..唔多似返學- -"

返到學校,世史堂測驗- -"
當然,大家都反對！因為大家都冇溫..
結果,理所當然地,係要測啦
算啦,反正都係死,不於死得轟轟烈烈,咪拖拖拉拉啦！

小息,阿神+弱智+怪獸唱生日歌我聽- -"
唱到一半話,不如等Lunch先...有D野食係度會爽D..
作死你們麼??唱到1半先停～
Lunch去左滿記食麵-u-"
小魚都尼左,不過佢地3個就唔記得左唱歌既事=]

放學之後..
呂Sir送左枝珍寶珠比我生日禮物喎...好耐冇食過呢樣野！
落左3樓搵阮汶,睇佢點樣打算??
佢都OK,咁就搞掂Go啦！
同佢係學校擾攘左1輪..之後出發
去到御品門口見到個黑色物體..
我話『我見到啦..岩岩竄返左入御品果舊黑色物體囉..』
行到過去佢就出返尼..佢第1件事就比左份生日禮物我..
係立方體的～

去左M記吹水..
路上...經過佢身邊..
聞到1陣香水味...

妳...
果然改變了不少..
由以往從不化妝的妳..
今天,對這事兒都講究起來了..
雖然學得出今天只是塗了遮瑕..
可是,已經變了不少..
戴了隱形眼鏡...顯得長大了...

依然是那1句「掛住我哩?!」..
我所能給妳的反應..只可以是側目...
係M記..佢同阮汶兩個似乎旁若無人地講．．．
有問題架麼？
６合彩！你等我,今期3千萬～
我唔貪,1注重頭獎就夠！

之後講起話返御品..
行到門口..我不斷係到講緊電話..
未得閒入去,到我講完入去..
見到連大威都係度..
我可以付予既,係1個不屑既眼神..
沉默既面容...
幸好有阮汶1句「日本料理啵..要用日文介紹下自己先架啵～」
我心想「我早就見過啦..我係邊個,佢心入面清楚!!仲要介紹??」
跟住佢講左句錯左既日文,比我打斷左,之後坐低..係度Send sms..
直到6點..閃！

路上見到佢媽媽...
世態炎涼..

跟住陪左阮汶去天恆搵野...
然後送左佢返屋企..
令我回憶到...
半年前..送佢返洪水橋果次..
心...依舊是那樣刺痛..

之後返商場搵阿Hing,小魚買啤酒，
返屋企...喪了- -"
小魚打波打得激得濟..
係沙發變左死魚

12點3,出去食甜水...
之後去左『交叉』打機..估唔到佢會跟住去...
落到去,我有問過佢「累唔累喔??駛唔駛返去先？聽日返工喎～」
佢擰頭示意唔駛..之後打到1點幾..
散場,送左佢返去之後,我地3個都去搭車..
1上左萬能車,電話響..
嗌我聽日朝早陪佢買野..
心入面只係係度諗..『為什麼要是我??妳就是喜歡在我剛結疤的傷口上加刀嗎??』
最後..佢講出左原因..
原來係因為唔可以搵佢陪去買..搵我去陪佢買生日禮物比1個令我失去我最重要既野既人...
可笑！可笑....

返到屋企..
同阿Hing傾計,飲酒..傾到5點..
小魚!?早就伏屍左係我張床度啦...
之後拆左D禮物...
首先..拆第1份收返尼既..弱智果份..
好大包野.."
拆開左半邊既花紙...發現係好大舊既阿積..
好似係阿積既頭,咕順
點知拆...拆...拆...
1拎出尼....
我當場呆左..
係26吋既大積公仔...
乖...
我望住佢..心在想「弱智唔知道呢隻阿積我曾經擁有架咩!?」
雖然好多謝好多謝弱智送左呢隻大積比我..幫Sally搵返老公..
但係..當時,佢無心地係我傷口上拮左1刀...
果刻...真係真係差D忍唔住喊出尼...
因為..呢隻阿Jack..見證住我地既感情成長..
佢證明左我地感情既穩定..
佢...曾經羸過！

當初..因為佢將Sally送左比我..
所以,我應承佢,我會買返隻咁大既阿Jack送比佢..
我仲永遠永遠都會記住..佢搵Sally尼恰我..
Jack & Sally
最令我傷感既...並唔係佢令我記起我地已成過去..
而係直到10月尾,Halloween後..「佢地」買左隻公仔..
大威問：「如果要你揀,你會揀阿Jack定紅魔鬼？」
果陣時既妳,同我講..妳答佢「緊係阿Jack啦！」
我好記得..我聽到呢句說話之後,我係度怪責自己果陣時唔信妳..

阿Jack...係我第1次將我最愛既野送比人..
妳同我講..妳好開心..因為妳冇諗到我真係會捨得花幾百蚊..
買自己中意既野,然後送比妳,將我最中意既野同妳分享..
妳1句說話,令我放心比妳去玩..
妳1句說話,令到阿Jack得到過壓倒既勝利..
最後..我點都估唔到..
居然係我今日見完妳之後...
就係生日禮物之中見返佢...

我1邊攬住久別了既阿積..
1邊拆怪獸送既生日禮物..
我1拎出尼..即時就將自己著係腳上既拖鞋飛開左..
換上左阿Jack :D 哈！阿積拖鞋=]
多謝怪獸...

最後..係瑩送既1份..
拆開左環保花紙既1邊..見到好多蝙蝠..
我拉～～～阿Jack既座枱燈！
想也沒想到..都係1份我話過會去買既野..
也該說聲...多謝...

發表時間：2008-02-19 01:30 AM [ 訪客留言(1) ] [ 編輯日誌 ] [ 分享至FACEBOOK ]

2008 年 2 月 13 日星期三

我的...

分類: 未分類

今日..訓到成2點幾先起身又！
起身比左野馮豬扒食之後..返入房睇卡通片..
睇睇下..突然間MSN有個久未露面既人登入...

(Z) ＞>║ Ｄｄ人 ..>＞瓜子║．
　　　　　　剛登入

同佢傾左1陣..
問我情人節,送咩比情人..
可笑了...
➘沐瓜☠Aｎtｉ＊Ｕtopiａ☂阿文說 (15:55):

之後,佢問我有冇掛住佢..
啞晒...[=.=9]

問我生日想要D咩..??
呢個問題..我答唔出..
再傻既,都知道...
我而家最希望想要既係咩..
相信稍為清楚我既人,亂咁答都答得出..
但係...又可以得到嗎??
阿Jack嗎?？比起「那樣」..
我寧願交出我所有阿Jack
驚我變左..?？傻啦..

唉...
就等命運尼驗證下..
我地既距離有幾遠...

發表時間：2008-02-13 11:04 PM [ 訪客留言(3) ] [ 編輯日誌 ] [ 分享至FACEBOOK ]

2008 年 2 月 12 日星期二

梁德Kai子大匯集

分類: 未分類

今日訓醒...11點左右...

6點- -"
去左QB House試過呢個叫做「10分鐘極速剪髮」...
我覺得..1般咁啦!!
如果並非必要..
真係唔值得去,因為剪出尼既效果1般,但係叫做好過冇！

梁德既禽獸同學果然係梁德既禽獸同學...
廉『呢D朋友掂喔!!約7點3,佢8點3先出門口！』
榮『咁好既朋友,人生真係要識返幾個！咁先夠過引！』
我『第日大家結婚舊同學真係唔好請返梁德既..
真係....全部都係禽獸尼!!』

ET成為全晚衣著最成功既1位- -"
佢今晚既看更阿叔造型！成功咁吸引到我地討論XD
比起上次既『麻甩然』更加出位！

劉金依舊係咁爆！
食緊野既時候,細佬講左句「喂,大佬,你覺唔覺呢兜野好阻住我地(指擺枱面籃白菜仔!!)」
劉金「哦！」PS:同步地將成籃菜1野倒晒落個窩到...
大家『！(唔識講野..)』
劉金「下?!做咩喔??你話阻住丫嘛！無非都係想我倒晒佢唔好阻住姐～」
細佬「好！好野！咁都比你諗得到！」
劉金「我冇做錯野丫嘛？」
我,細佬「冇...」

下1位為枱面製造笑點既...係Cherry+劉金..
真係笑到爆...
Cherry突然拎起碟肥牛,拎起個撈撈...
ET 1見到即刻問「喂喂喂...冷靜D,你想做咩!?!?你想做咩!?!?」
Cherry唔彩佢繼續..
我問「你唔係諗住倒D黃牙白落去丫嘛= =??」
Cherry「唔係..」
ET「咁你想點先得架!?你要出聲嘛！」
Cherry將D牛肉倒左落另1隻碟到..
然後話「講得尼我都做左啦！」
ET問佢「咁你想點丫」
Cherry「咁咪有隻空碟可以載起晒個煲度大家唔食D野囉..」
的確,個煲入面煮左好多野..但係好多大家都唔食- -"超頂...
因為大家見D野食尼到,係咪都倒D落去...- -"成個一品窩咁！
係呢個時候,劉金突然間爆1句『有呀！你將入面果D1粒粒果D撈晒出尼丫』
續『呢～細細粒果D呢,咁細粒果D喔(做手勢圈起1個size擺係眼前面..)』
你點諗都諗唔到佢講D乜....= ="
答案係....湯底D丁咁大粒咁"熟蒜粒"
笑到我地痴線...真係撈...撈到天光都未撈晒...

ET～
你杯豉油百事好飲嘛- -??
真係1流...輸咁多次飲咁多啖！勇敢！

劉金杯傑作我仲癲- -"
劉金本身係杯美蓮達橙汁..
比我加左隻蛋白落去..我本身諗住淨係+蛋白唔明顯..
點知劉金1手搶左我隻蛋,話「你識唔識架！？蛋邊係咁落架！」
跟住就將蛋黃都倒埋落去- -"仲攪勻佢攪得好爽咁...
我同廉話「佢杯野好似鮮榨橙汁變左- -"」

廉「雜果賓治加蛋叫波斯貓我就知...
佢呢杯咩咩咩加蛋...
咩美蓮達加蛋....咩尼架= =?」
我答「波斯狗！」

ET玩game輸左,去問人拎電話- -"
拎左兩個唔知乜鬼電話返尼

阿然輸左罰去拍醒個露宿者...
超爆笑= ="
雖然最後都冇真係要整醒個人..
個過程真係笑到爆嘴..

發表時間：2008-02-13 02:56 AM [ 訪客留言(0) ] [ 編輯日誌 ] [ 分享至FACEBOOK ]

« | 8 | 9 | 10 | 11 | 12 | 13 | 14 | 15 | 16 | 17 | ... | 40 | »