過左咁多日，我終於打返日記喇！
有野睇,係咪好開心先!?
既然係咁....
你班友仔！入尼既全部同我留CM呀！！！

對上個幾禮拜..
唔知發生咩事..
成個人都軟乃乃..冇尼精神..
訓醒又想訓..訓醒又想訓..
如是者過左1個星期..-v-"

今日..
1訓..就訓到3點幾嚕！
跟住去左沖涼洗頭諗住落街食野咁啦..
點知媽媽返左尼..
我話今晚要早D食飯,去打波！
跟住佢話我咁而家食野我今晚仲駛食!?
所以就冇去到,哈!
食左個麵包直到夜晚..

坐係屋企睇中華1番直到夜晚..
期待以久既晚上來臨喇！
未食飯之前,就自己換定衫,執定野..
準備食完飯可以即時出發XD
媽媽今晚蒸左條好好味既魚
淨係我1個人都食左大半舊
食飽飽之後,係時候出發了！

落到球場..見到小魚1個人係角落頭射波仔- -"
我就拉埋佢1齊去人多果度睇下有冇波鬥..
問左人,有人話唔鬥
所以係度射波仔..悶死我..
打打下,有多左人尼左..
打3on3-v-"嘿...
甦醒的我..當然是王道！

今日..打出左好多金球哦XD
不過大部份都係防守波..
冇咩睇頭的,得自己同比我虐待既人會知道..=]
超中意企係籃底既自己果股執著同意志XD
真係入得張聰明10大防守金球之1既Block！
搶防守板雖然拎唔到-v-"不過挑到..
比人拎返..落地明明已經食晒力,冇晒爆炸力..
都要死撐上去-0-" 估唔到1跳！
真係比我摸到個波.....皮！！
不過由於係出盡吃奶時既力..
所以控制唔到自己隻手要做咩..
拍左落人地度..Fail！
算數-0-！金球∼毫比你！
Fail波好過In XD哇哈哈哈哈∼∼∼∼

打到10點3左右..
個人開始進入90%發揮狀態∼
係15mins內做左好幾球金球..:D哇哈哈哈哈！
Steal左3球
Intercept呢門咁簡單既野..更加係多到....
☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★
你數到嗎=]?？
Block Shot呢家野,對只係70既我尼講XD
幾乎算係1項表演！
好愛自己既Body∼！
雖然真係唔係跳得超高..
但係暫時尼講,都夠用XD
可以有靚Block∼
唔知發生咩事..1跳！
跳到仲高過人地唔知幾多..!?
跟住雙手1壓..＠＠
掂唔到人地個人,成個波拍左-0-！
就咁成為1個Nice Block,哇哈哈哈哈哈∼∼

打到10點半,像膠人落左尼跟隊@o@
而家呢個Moment..打到我Fire了！
製造左兩個進攻金球∼
哇哈哈哈哈....
乜我XD,真係似Iverson麼？
AI既Cross-Over勁好多...XD！

成績統計XD：
Point(s):10 - 20球-0-
Steal:6
Intercept:Too much！
Rebound:2(有小魚係度- -")
Block:5

我！醒覺了！
我！就是我！
是顏色不一樣的煙火！
我！承認我愛妳！
但我明白到不一定要去想妳！

Tonight I gotten make you feel I LOVE YOU！
Want me to try,dancing in the bedroom.
But I Don't Wanna Be The One-Night Story

放左咁耐假...
終於開始要回復學生身份喇!!
唔知點解,有1種好興奮既感覺!!
大概..係新鮮感掛!!

我發現自己原來好犀利=]
已經遲左起身,係被竇Hea到6點9先起身..
都仲可以沖完涼洗埋頭,先出門口！
動作真係神速！

今日返學,好似Short左1樣..
搞左好多碎笑料出尼∼
中文堂,發現左弱智對幸福既渴求同思想既邪惡-v-"
四面山群成大環   居然變成  → 大環...-v-"犀利！

小息既時候,食左好多野
坐係飯堂食野既時候..
見到有2個人,佢地拎住兩個熱飲果D紙杯..
其實,本身應該冇咩野..
但係偏偏,佢地令我覺得佢地好溫暖..
豬骨同阮汶講過既1句說話係心入面撕碎可以平靜落尼既我..
「佢地兩個,真係旁若無人架啵!!」

去年的冬天 我們笑的很甜
看著妳哭泣的臉 對著我說再見
來不及聽見 妳已走得很遠

也許 妳已經放棄我
也許 已經很難回頭
我知道 是自己錯過
請再給我 1個理由 說妳不愛我！

跟住買定D野跟住落尼英文堂食！！
袋住果隻熱辣辣既雞脾同包薯條...
哇！辣到我真係痴左線-v-"
返到上課室,個騎呢教師仲未到..
坐左陣,大家都係度討論緊佢係咪冇返?!
弱智話「仲未尼喎?!」
聰明答「下!?唔係尼左喇咩??」
弱智「下?!?!」
拳擊.....- -"
食飽飽就訓左教

Lunch,第1次食到咁難食既維苑午餐..
之後返學校上Geography∼
哈哈！有57.3分喔！
Ms.Leung話我有好大進步XDD
緊係！我聰明嘛！

之後悶悶地諗住抖陣..
點知比Hil傻篤左下- -"
冇感覺,都唔怕唧..
跟住我諗住「(唔好咁衰啦,比D反應人啦- -")」
咪揚下兩隻手,跟住話「哎呀,好痕喔-0-"」
唔知搞咩- -"後面個真係傻架..
笑到停唔到...-0-!!

跟住比左之前阿哥Send比我個sms Hil傻,珍妮花-0-同翠兒玩..
原來3個反應都唔同- -"今次到我有點兒痴線..
Hil傻「哈哈..哈..哈哈..痴線架!!張俊文...哈哈..哈哈..哈...」
珍妮花「痴線！張俊文= =?!」
翠兒「下..??下..??下..??下..??」- -"白痴....

放學返屋企訓教,食飯-v-"
咁就過左開心既1日:P

阿神,弱智..
唔好太擔心喇..
冇事既!!

到今日...
係07年既最後1日..
2007年既結局,是好是壞..搵鬼尼定!?
2007年,屬於我既結局..　　　　　　　　　　　　　就連我自己,都唔知道！

晨早..就比媽媽嘈醒左..
講真,我既人醒左,但係神未到..
因為..阿媽打電話返尼..我聽完之後，
起身果陣完全唔記得自己係聽話入面聽左咩,講左咩..??
由此..開始左我充滿疑問既結局...

落到茶樓同媽媽食野..
媽問我食唔食我平時食極唔厭既"鳳爪排骨飯"..
我居然一口拒絕..『唔食啦...』
熟悉既茶樓點心阿姨問『Ae?!細佬,做咩唔食飯喔今日??』
點解..??連我自己,都唔知道..

返到屋企,玩左1場AOC..
殺到電腦片甲不留,殲滅佢民族..
有1種莫名其妙既痛快感！
平時玩..1樣係咁玩法..
但係,今日..發覺自己殘酷左..

跟住同西山魚去去左打波..
打到1半..我發現自己癲左..

打完波叫左阿Hing出尼,
3個人1齊去左銀座打機..
玩頭D,我唔單止識玩AKINA DownHill,
仲羸左阿Hing..@@！
之後各自返屋企,我...
開始準備今晚既活動..

見到怪獸同MicMic之後,
首先去左街市買食物=]
入街市之前,打個電話比弱智..
阿神聽電話,我問「Hi,係邊喔=]??」
阿神「乜料!?」
聰明「靚仔,係邊度??」
阿神「而家過尼」
聰明「下!?咁你而家係邊喔!?」
阿神「屋企囉..」
聰明「(Oh!Shit!)哇!你地會唔會快左D??」
阿神「得喇!而家過尼喇!!」
聰明「咁HumHum聲啦=]」
入街市買野...
恭喜晒,我地唔夠錢XD..
係街市,打比弱智同阿神，
問佢地係邊咁啦打算..
聰明「弱智=],係邊度喔??」
弱智「尼緊!」
聰明「即係係邊喔??」
弱智「尼緊!」
聰明「係邊！？」我心入面漸漸咁點起1把暗火..
係我自己控制唔到,亦都難以估計既事情..
我,好少動怒..更加少,對朋友動怒..絕無僅有地,對女性既朋友動怒..
今日..居然對住最近鍚到燶既弱智同阿神動怒!?
弱智「尼緊喇尼緊喇..」

之後係街市出面等弱智同阿神尼..
我等到有點兒脾氣居然！
阿神尼到同我講左句咩唔記得
我答佢「見唔見到我個頭吽晒靈芝!?」
阿神「咁咪好囉!值錢喔!!可以拎去．．．」
佢未講完,我已經打斷佢「Deal你！食屎啦！」

買完野返屋企..
玩下整下野咁..
過左1陣,BoyBoy同April家姐都尼左=]
開爐！！！！！！！！！！

好好味囉- -"
豬骨湯！我真係好想將隻肥MicMic拋埋落去餚...
我諗會有味D- -"
MicMic同阿神兩個..白痴！
係咁話好有味,好味,好香= ="
(PS:兩個都唔食芫茜皮蛋湯底)

食野既時候我好記得我笑大家XD
『你睇你地!?挾野食個個挾兩塊先得1塊!!
我就唔同呢！我挾兩塊就有兩塊！』

食飽飽大家1齊到數..
今年的我..
依然好開心..
這些年過得不好不壞　只是好像少了1個人存在
而我漸漸明白 妳仍然是我不變的關懷！

Happy New Year!!

玩到2點幾..
同MicMic,小魚,阿神係度玩緊骰盅既時候..
弱智突然間比佢電話我睇..
問我有冇收到,佢電話既顯示屏上面正show住1個來自..
<寄件者:瓜子>既短訊..
我擰擰頭,答佢唔知..因為我冇拎起過個電話..
我預左今晚個電話Jam到爆..所以冇send sms出去..
都冇打電話出去..

到之後,因為我去1去Wash-rm返尼..
阿神投晒降..所以冇人玩落去T^T
佢地成班圍埋鋤Dee..
我,拎左罐啤酒入房聽歌仔-v-"
意外地...我享受呢份係又開心又熱鬧既時刻入面既寧靜..
我...可是真的享受麼??
就連我自己,都唔知道..

到之後,突然間聽到有人問..好似係MicMic
『小聰明呢??』
我就答『係度呀!!!』
佢就入左尼..
第1句就問..
『點喔??做咩喔??』我『聽歌囉:D,成班友仔..都唔睬我T^T,冇人玩咯都-v-"』
MicMic『有冇收到sms喔??』
我只可以裝傻...『咩sms??』
MicMic當然清楚指出佢講既係咩..『你最想收到既囉！你估你真係可以諗住佢以後都唔搵你咁會好D咩??』
我『冇啵,可能啦..』
我...到底在想些什麼??
我還記得..係呢1刻..
電腦咁岩..就好似專登要對我傷口灑鹽1樣..
播起側田既男人KTV...

要吐苦水 也許我不願意
瀟灑分手   裝作太輕易
然而啤酒 仍苦得相當諷刺！
讓我關門 利用咪高峰哭喊幾次
沒有歌 怎敢說心事
受了傷 始終怕別人知...

受了傷 點首更絕情詩
妳的背包 讓我走得好緩慢

我,該做些什麼..??
想些什麼??輪到我來選擇麼..!?
我想愛,但為了愛..
我得到的是恨!!
我想愛,我想愛妳!
但為了愛妳,我學懂了恨妳!

我可以點樣..??
就連我自己,都不唔道..

傾傾下..已經係3點就尼4點..
BoyBoy,April家姐,怪獸都打算走..
即係,MicMic都會走嚕..
小魚累到係沙發訓左:D
阿神同弱智留低,同聖誕果日1樣=]

整理好晒1切之後..
我1個人訓被舖度諗..
我可以點..??我手拎住電話..
打好1個短短既sms..
有考慮過MicMic所講既說話，
不斷係度重覆..『應唔應該send比佢??』
到最後..我心入面諗..
『明明錯既唔係我..
何以要我做退讓先氹佢開心??
即使..愛..就係1門唔應該講究誰是誰非既溝通..
明知咁樣諗係錯既都好！我都係覺得..
背棄了我地之間1切既,係佢..
以前既1切,我讓得佢太多..
就係呢1次,錯...實在太錯..
我...只可以對被自己傷害既自己..對被剝削機會既佢..
講1聲..."對唔住"..』