心情指數：＊＊＊＊＊

　　今日我果班有班排打，唔知贏定輸呢？今日上ｄ堂好悶呀，電腦堂係到打日記＆申請左個ｘａｎｇａ，不過仲未研究完！要比ｄ時間去整下佢先∼上完電腦就小息啦，ｈｅａ左陣就上中文，好好笑！之後上ｅｃｏ，做功課，之後英文作文，作左２００字就交喇，ｌｕｎｃｈ食左小小野就打波喇！一陣比賽啦嘛！換完衫就打啦，點半就開波喇！首先就係ｖｓ４Ｂ！贏左！哈哈∼之後ｖｓ４Ｄ又贏埋！呵呵∼首名出線呀！

　　之後比完賽打多陣之後換衫啦，換完就返返上課室，上到去有個蛋撻＆芝士餅係到，之後食左佢，哈哈∼好味！之後又上中文，今堂悶左ｄｄ啵！上完中文上商業，都係果句∼悶呀！！上完就放學喇∼去左打波，正呀！係打波既過程入面，我甩左２次鞋＝．＝之後打到５點２就同肥宏去左阿孔屋企樓下等佢，一齊去睇籃球甲一比賽，等左阿孔勁耐先苫黎．．．佢黎左之後我地搭佢架車去，話咁快６點就去到喇！之後係果到食左個杯麵＝．＝＆魚蛋就去睇比賽喇！

　　７點鐘開波∼！首先就係南華對太平洋，南華贏左！之後睇永倫對飛鷹，永倫贏左，佢地打既節奏好快，仲見到譚李麗芬果個梁民熊，佢入左好多個３分波，有成廿幾分呀！超勁！之後我地睇完就去左荃灣食米線，食完之後就返屋企ｌｕ∼返到屋企沖涼，之後就訓ｌｕ∼好大個黑眼圈呀！要早ｄ訓喇！