心情指數：＊＊＊＊

　　今日又落雨喇！返學之前望下個天啦，好似好細雨咁，諗住唔帶啦，但諗諗下會唔會好似琴日咁架，行到一半落大雨．．．咁就拎返把姐出門口啦，點知真係咁＝．＝又係行到一半落大雨，好彩有帶姐咋！哈哈∼返到學校附近見到阿狗冇姐，咪姐埋佢囉，之後返到上班房，有姐都係濕哂＝．＝

　　之後第１，２堂上英文，悶到甩肺＝．＝上完之後小息係到抄ａｃｃ，跟住就上商業ｌｕ∼係到做工作紙，做完係到玩，之後ａｃｃ我好留心呀！哈哈∼之後又小息，同阿娟斷背，係到攬攬＝．＝點知比ｍｉｓｓ話．．．．．．小息完左上ｅｃｏｎ，小測！死哂∼係咁亂吹∼出埋貓都係唔掂．．．之後打鐘收卷，死就死啦∼豁出去啦∼！之後上中文就聆聽，悶呀！之後係到作新詩∼風！哈哈∼

　　到左ｌｕｎｃｈ就返屋企食啦，冇落雨唔拎姐ｌｕ，返到屋企就落雨喇＝．＝食飽飽玩左陣電腦就返返學ｌｕ，仲落緊＝．＝要問媽媽借姐．．．之後返到學校又打左陣波咁啦，之後就上電腦喇，好唔留心咁上左堂，之後又訓左堂，正呀！但醒左幾次，都係手脾呀！頂！！之後放學團契，唔多開心，今次好失敗．．．都ｈｏｌｄ唔到佢地．．．！之後開會開到７點先走！

　　返到屋企食粥啦，之後就睇＜女人唔易做＞，好睇呀！睇完之後沖涼，沖完出黎又睇電視，跟住就玩電腦喇∼玩到而家！