心情指數：＊＊＊＊＊

　　今日返學冇遲到，仲早左添呀！之後早讀訓左陣，ｍｉｓｓ件衫整到我隻手，我張開我的眼睛，就見到佢個死人樣＝．＝嚇死我！！之後又係到呆啦，好眼訓呀！跟住就上電腦堂喇，好悶＝．＝又冇野做！阿ｓｉｒ又唔係到．．．．．．之後ｌｕｎｃｈ開會，得我一個人食飯，悶死＝．＝之後等佢地黎哂，仲要捉猩猩同ｊｏｅｙ黎開！之後我地開得好開心，開到打左鐘都唔知＝．＝哈哈∼上返去課窒見到成堆人企係門口，之後我入到去先知佢地比ｍｉｓｓ捉遲到＝．＝變態！遲左小小就話人遲到，都唔知佢有冇病！好彩我冇事咋！哈哈＊

　　點完名之後就上堂啦，悶哩！放左學之後打左陣波，好開心∼打到４點半走啦，去到等車，想拎個銀包出黎先知我漏左係櫃桶＝．＝咁我返返上去拎啦，鎖左＝．＝之後落去搵ｍｉｓｓ啦∼唔係到＝．＝咁就搵阿叔幫手，佢幫我打電話比個阿嬸叫佢幫我開門，咁我上到去就拎返啦∼好彩係到咋！哈哈∼咁我拎返之後就返屋企啦，真係熱死我呀！走黎走去，我班房仲要係５樓＝．＝好可憐唷！但係行左咁多都冇瘦到．．．最近拎返上年ｄ褲出黎著，點知＝．＝緊左呀！我肥左＞﹏＜十萬個唔開心！！！

　　之後我返到屋企沖左個凍水涼，正呀！之後就執野走啦，點知出門口既時候見到阿娟打過比我，咁我打返比佢，之後等埋佢一齊去鄧肇堅打波啦，去到６點７，咁就換衫做熱身，今日好開心呀！我開到上手喇！哈哈∼不過唔穩定囉！用手掌一時時過網，但用拳頭就球球過！呵呵∼開心死，仲有呀！今日同其他女仔都玩埋３左呀！哈∼希望我地友誼可以再進一步啦！ｘｄ

　　打完左之後返到屋企食左個菠蘿包就沖涼啦，沖完出黎玩電腦，玩到點幾先訓，訓前又做下拉筋，抬腿咁，我想減下半身呀！唔想做肥妹仔，我個肚腩都突左出黎喇＞﹏＜