心情指數：＊＊＊＊＊

　　今日１１點半起左身，想訓耐ｄ，但約左貝貝去街街！呵呵∼起左身食左個蛋糕仔，之後就換下衫衫咁啦，之後１２點５出門口，點知落到屋企樓下先記得冇拎到電話，返返上樓拎，之後去到地鐵站都搭７喇，之後上車去ｍｋ啦，去到荔景，成堆童軍入左黎，好多人，好迫＝．＝見到佢地做ｄ野好白痴，好好笑，之後去到ｍｋ我差ｄ望到唔記得落車＝．＝之後去到新之城搵貝貝啦，點知電話嚮，拎左出黎之後就見到佢喇，佢仲未見到我！哈哈∼之後我地就去百老匯買飛睇戲喇！

　　去到百老匯之後我地就揀睇咩戲啦，我又１５／１６喇＝．＝佢又睇過冰河世紀２喎，但我又想睇，咁我就話睇至尊無賴啦不如，但佢又知我想睇，佢又冇睇到開頭，ｓｏ佢就陪我睇多次喇！你真係好人喇！貝貝∼不過我對你都唔差架！我為左同你出街帶埋我枕頭底的最後５００蚊同你去街！我地買完飛之後就去左銀城影貼紙相喇，影完之後就去睇戲喇，岩岩好∼套戲真係好好笑∼ｉ　ｂｅｌｉｅｖｅ　ｉ　ｃａｎ　ｆｌｙ！哈哈∼

　　睇完之後出返去戲院出面啦，點知見到ａｌｉｖｅ喎！吳彥祖幾靚仔！同上鏡差唔多∼貝貝影左幾張相之後我地又去影多張貼紙相，點知有張整唔切＝．＝失敗！影完之後去左許留山食野，食左個乜鬼芒果小丸子，第一次食，又幾好味啵！食完之後就去旺中行喇，貝貝收獲豐富，多我一條褲∼呵呵！而家就買左條鏈，同貝貝既一樣，係砌圖黎，可以拼埋架！個老闆好好人，仲幫我地免費刻字！哈∼

　　之後我地去左買冷麵食，跟住貝貝諗到個主意，話係塊砌圖後面刻多個字：朋、友，咁我地去返果間野啦，個老闆唔洗錢幫我地刻過！好好人呀！之後我地就去左通菜街，貝貝要幫佢爸爸買魚糧，買完我地拎返條鏈之後就去左朗豪喇，去到我地就行去無印良品啦，我就買筆，佢就買野食，買完我地就走ｌｕ，都成７點喇！哈∼

　　我地行返去地鐵站，佢就去荃灣，我就返屋企，佢對我真係好，真敬老，比個位我坐，我比佢佢都唔坐，哈哈∼真係後生可畏！我地一路傾一路傾，好多野傾，傾到我落車！哈∼好開心！返到屋企之後我就食飯啦，得我一個＝．＝佢地食哂喇！我食完之後就洗碗啦，之後坐左陣就沖涼喇！沖完出黎睇漫畫，一路睇一路睇電視，睇到勁慢，比家姐話我唔專心＝．＝之後我就玩電腦喇！玩到而家∼今日真係好開心呀！多謝貝貝∼今日用左１６７蚊＝．＝又要繼續努力儲錢錢喇！