今日又係學界，但係係最後一次學界。10:15分打，但9:00要到，所以要7點起身。嘩！完全起唔到身，太累。琴晚11:30訓，訓唔到。輾轉反側，搞到訓到六個鍾到今日去鳳琴街體育館打。去到，見到Jackal係度睇書，佢話佢8:30已經黎咗，傻仔，哈哈哈。講返比賽，對手係LKT，一隊勝卷在握嘅隊伍。佢地打唔打都係首名出線。事關佢地已經贏咗兩場。第一局，開得十分差。完全冇哂之前嘅水準，可以話係最差嘅一局。接發球往往係失得最多分，今次亦唔例外。十球有九球接唔到，有D仲錯咗以為係out。搞到比分25:9。雙位數都冇。到第二局，氣勢同技術都好咗，而且比起第一局積極咗去接開／殺波。不過講返人地嘅開波同殺波。佢地開波全部都係用上手，開又開得平網（唔記得咗有冇開失波）真係好難接。我地有時會僥倖咁打返個波返去，人地嘅一傳又穩，可以完全地俾個setter，個setter升波唔洗講啦，又高，唔旋。一個唔識打大搥嘅人係咁嘅情況之下都可以打到個波啦，更何況係一個有實力嘅大搥。佢殺D波好變態。不過第二局，經過一番龍爭鬥，比分25:22。已經好好今日阿sir終於換咗阿升同Jackal。阿升係第一局打過一次，第二局諗住換Harry同Jackal，點知換錯咗阿升，搞到冇得出場。不過唔緊要啦。

今場打得好慘，被人x射。下年再黎囉