今日考中史，係我最冇信心嘅一科，次次都唔係好高分，而且琴日我冇心情溫書。但點知，考嘅野都好容易，連失得最多分嘅長題目都係得一條，容易之後又係咁過咗一日嘅課堂。放學，諗住去打波，點知又要去搵Mrs Chung。咁就快Ｄ去，快Ｄ走。但係等Ｃ１組都等咗成half an hour。終於到我地，傾都傾咗９個字。傾完，走時，見到阿Mark同GC都準備走，即係冇得打啦。算，返到屋企，得閒冇野做，睇電視。啱啱睇到關於五一二大地震，見到D人流離失所，死好多人，霎時感動

算喇，唔講喇，講到而家我都唔知我自己講緊咩

  睇個主題都知道今日我又去打排球學界，心情冇上一次咁緊張，可能因為試過失敗嘅滋味。啱啱女排打完，同阿sir檢討，聽講好似輸咗。不過唔緊要，下次再黎過。講返今日嘅比賽詳情，對手係伊中中。我覺得自己比上一次發揮得好好。第一局，開局都開得幾順，開波同接波方面都唔錯。所以輕鬆地贏咗一局。到第二局，我地變到太過放鬆，以為贏咗一局就完全贏，冇咗喺第一局嘅謹慎，好多球都唔去認真接（我都有依個問題)而且人地又急起直追，咁第二局嘅結果好明顯啦。唉!!!第三局，打十五分，同上次差唔多一樣，上次我地輸一局，贏一局，又打十五分。開頭嘅三四分，我地一直落後，唔知做咩我嘅情緒起伏好大．一講Mass就有D想喊，不過忍到。打十五時，我都係比較欣賞我嘅發球，又係連續開咗四至五球（已經算唔錯，學界對手嘅接波能力都應該有返咁上下）但係最唔抵一球，就係當陳紀瀭打歪咗個波去後面，我成個人都跑咗去後面追波。我撞埋綠色網度都將個波打返入場中．點知又被人失咗。個球我已經接得好令，基本上用下手輕輕打過去都得。但係，算。結果同上次一樣。成場打完，阿sir同我地講野，阿chris又忍唔住喊，個陣時我已經有Ｄ眼紅（係第二種眼紅）阿sir又好似想喊，所以俾咗馮sir講野先。講講下，阿Mark頭向下,用手遮住，都估到球生咩事啦。然阿sir講野，開頭時佢話自己唔好，冇用心教我地，又叫我地答應佢下年唔好退出等等。依Ｄ說話我都忍得住唔喊。但係一到隊長Chris講野，佢又黎。唔得喇，我真係忍唔住，喊咗出黎。GC坐我隔離，佢拍下我，安慰下我。但係我好似仲傷心。三四分鍾後，我平伏咗我嘅心情。聽埋阿sir講野，就走人。

  今場打得好精彩，好激烈。冇乜野可以令到我咁傷心，同為佢流淚。可想而知...

今日UT，考IS，返到課室時，見到Jackal好悠閒咁同巨柱傾計，逢係咩考試時佢都會慣性地講：「死喇，考啦」今日唔同，算，唔理。考完，份paper難到咩咁，阿sir又話唔考water cycle等等嘅內容，點知又考，搞到我用咗好多時間去「作」D答案出黎，其他又唔係好知點做。唉，諗住係IS堂同阿sir理論，點知又轉堂。到放學，去交英文作文，啱啱見到John走人，佢走過黎同我講：「我ISxx分呀!!!」我問返佢：「你water cycle知點做咩？」臭答：「唔知呀，阿sir話唔計分」個一刻，我要x人呀，你唔考water cycle，你可以同我地講啦，唔洗我地用咗咁多時間去做你條廢問題。唉唉唉!!!!唔理，去打波。完本都打得幾好，點知form4個條活潑人士又黎搗亂。好，就俾個機會我替天行道。我將我平生一千億分之一嘅內力聚集於一點，然後使出殺波必殺技，殺咗個波落佢度。中!!!之後佢緊係失去常性，好似想追我地但又唔追。見冇野好玩，走人。係咁多，唔講喇

備住：爆粗發燒友，請為x填上名詞

今日放假，原因？自己諗。今日都有出過街。一起身，諗住去搵人打波，但諗諗下，就打消咗E個念頭，可能真係冇咗對排球嘅熱誠。之後就開msn同上壇，冇乜人，冷冷清清。之後阿john同我講:「我封你IP」我真係覺得幾好笑，佢封到咩。但係當我再上壇，竟然上唔到。我問返佢，完來佢做咗管理員。妖，佢一時又封我IP，一時又降我做乞丐，一時又熱凍結我銀行D錢，佢玩哂啦。同issac講又唔理。算，最多咪唔上囉，況且我而家都唔係好鍾意上。唔講喇，愈講愈嬲！！！！！

今日，上英文堂時，老師終於播咗我地嘅radio drama，超搞笑，因為我個組講得好「有趣」到放學，去排球隊，同女排。今次嘅練習我覺得幾唔開心。唔知點解，近日我對排球隊同排球嘅興趣都好似失去咗，可能因為排球隊某D原因，同埋我真係有D想放棄排球隊。