我喜歡用哲學角度去探討一切的事情，

原因不是因為我盲目崇拜哲學，

而是哲學是我的思考基點。

人的腦袋是無法容納幾個深湛的思想體系的，

一旦一個體系佔據了你的思想，

另一個體系只能輔助作。

舉個例子吧，

我習慣用哲學角度作思考出發點，

我便很難用其他的治學方法如社會學和科學等等，

縱使用了也覺得牽強，

感覺難以投入。

即使不少治學理論我是懂的，

我依舊喜歡以哲學作思考依歸，

唯有這樣，

我的得着才較具體。

第二日返工就要去到大埔咁遠，

今日總算唔駛食蛋，

感謝主。

返到屋企沖完涼食埋飯就訓了。

很多時只是我早有心理準備，

作了最壞打算，

遇有任何惡化的情況，

也不打緊，

當然仍會牢騷一回！

花無百日紅，

人總要能屈能伸，

跌下來便只好慢慢坐定，

安神一下，

跟自己說：「再平凡一點吧！」

跟著便向著自己生命繼續上路，

也蠻寫意！

我認同自己是個悲觀的人，

但卻不認為自己是單純的悲觀，

我只是有著樂觀的悲觀籌謀。

因為有這樣樂觀的悲觀籌謀，

失敗後，

我只會靜靜地想更好的法子，靜靜地實行。

生命要停止精彩，

明天一個花盤跌下來便可以，

由不得你！

所以，

我只管的是，

積極地接受與籌謀逆境，

這比較悠然閑適。

繼續煲劇的日子，

終於看了葉問２，

還是看鄄子丹，

整體比不上葉問。

月滿軒尼斯，

因湯唯而看，

結果沒失望，

除了正，想不到如何形容湯唯了！

我還想看交嚮情人夢後編呢＞＜

思考是有兩種態度的，

一是有系統地將其客觀條件抽出，

是形而下的科學；

另一是有系統地將主觀的認知理出來，

是形而上的哲學。

自己最感興趣的便是哲學，

腦袋滿是人生與人性的問題，

雖然這些問題難有永恆正確的答案，

然這些問題卻少去繁雜的數據，

有反撲歸真的意境，

如蒸餾水般，

毫無雜質的給人玲瓏清徹的感覺，

但喝下去你會有一種透心的回響，

泛動著人心與學問貫徹合一的通明情意。

考完高考之後，

幾乎每天都離不開看劇集，

補回之前未看的。

〔東京愛情故事〕－－＞７．５（廿年前看的話，一定有９分以上）

近乎廿年前的日劇，

純愛日戲中經典中的經典，

江口洋介以前很土呢，現在帥多了∼

談到純愛劇，不能不提東京愛情故事。

〔ｃｏｄｅ　ｂｌｕｅ２〕－－＞８．５

除了有我最愛的新垣結衣外，

比嘉愛未亦是亮點，

劇情遠比想像中吸引，

發人深省，

有時間會寫一寫觀後感！

〔零秒出手〕－－＞８

被山ｐ吸引而看的，

然後被北川景子的清新氣息吸引，

相武紗季的演出亦一絕，

推介之作∼

〔左目偵探〕－－＞４

山田涼介非常做作，

爛片一套，不多說了。

〔直男〕－－＞７

情節有點舊，

但還是不錯，值得一看，

很喜歡深田恭子的髮型！

〔決定不哭的日子〕－－＞７．５

除了結局之外，

其餘都很喜歡，

滕木直人還是超帥！

雖然對榮倉奈奈沒有好感，

但演出的確不錯，值得一看。

〔怨屋本舖〕－－＞７．５

背景跟地獄少女相似，

但整體比地獄少女出色得多，

卡士弱，深夜劇有這水準相當難得！

〔轉職必勝班〕－－＞６．５

雖然是龍櫻外傳，

但劇情近乎零開係，

亦比龍櫻失色很多（ｐ．ｓ．龍櫻是超班），

整體還可以。

估唔到，

一黎就兩間一齊黎．．．

今日去左史丹福，

結果請左，

叫我過兩日簽約。

命運真係鐘意開玩笑，

搞到我十五十六，唔知點好，

兩份都係推廣員，

人工差唔多（都係咁低－３－）

究竟推銷史丹福好，還是ｐｃｃｗ呢？

搵左成個月，

終於有回報喇，

尋日收到ｐｃｃｗ既電話通知話請我，

ｙｅａｈ∼

今日去簽約，

好多文件丫，

搞左成個鐘先完成∼

６月９第一日培訓。

有時命運真係鐘意開玩笑，

搵工搵左成個月都回音，

今日簽左ｐｃｃｗ之後無耐，

史丹福就打黎通知我面試通過左，

聽日去ｓｅｃｏｎｄ　ｉｎ。

有點兒無言，

不過既然ｐｃｃｗ仲未正式返工，

聽日就去史丹福ｓｅｃｏｎｄ　ｉｎ啦，

拎經驗都好。

忠爺之前話ｐｃｃｗ有個招聘日，

請ｓｕｍｍｅｒ　ｊｏｂ，

咁我又一直未搵到野做，

所以今日就陪班長＆忠爺一齊去見工，

抱住陪跑既心態去，

我連份工要做ｄ咩都唔知．．．汗

第一感覺係嚇親，

好大，好多人．．．我見識少－３－

勁多人申請呢份工，

好多都著曬老西，打曬ｔａｉ，

又有ｄ拎起成疊唔知咩，準備充足咁，

我地三個就咩都無喇，哈∼

面試果陣，我同班長一組，

每人要推介ｐｃｃｗ既產品，

班長語驚四座，語出驚人！

我咩都唔識，亂咁吹ｎｏｗ　ｔｖ，大吹足球．．．．（我只識足球．．．汗）

之後去觀塘ｈｅａ，

ｈｅａ左兩個鐘之後去史丹福見工，

呢份仲搞笑，

見完都唔覺自己見左，

問左一條問題就完左，會唔會簡單左ｄ？