星期四叫埋茶茶"maan"雞包車邊去行山 - 西貢大浪灣也~~ 天陰涼爽，風景宜人，真係超正！ 好彩上落差不大，只係我未行過o甘長o既路，都咪話唔辛苦...！ 上山落山，落雨出太陽又落雨，當天真係好玩！！ 行完返上水同茶茶o係吉野家打個邊爐，真係大大滿足
但係足足過左兩日先完全無晒肌肉酸痛o既感覺... =.=
尋日去左考CRE... 媽咪呀∼∼∼ App Test 洗唔洗o甘難呀，難在點可以鬥快做得多而唔係考你識唔識囉... 我真係投晒降，如果肥左的話，唯有再報過....
尋晚發左個令人好沮喪o既夢：夢入面有好沮喪o既我，一間有特大花園o既單位 (無錯，係單位，多層大廈果隻，仲要唔係天台...) 仲有一個曾經存在但唔知點解唔見左o既屋主，夢裡面o既我就係一個人寄居o係呢間屋裡面，內容大致上係...... 唔記得左 ="=
o奧∼ 仲有notebook 熱到出藍底白字 So sad............ =0="
- 好耐啦, 真係好耐無試過掛8號風球放假一天
- 樓下間M記似乎從開業起都未試過好似今日o甘多人幫襯
- 佳寶$10 三包 375ml 錫蘭檸茶賣晒, 失望地買左8罐野飲拎死自己
- 訓醒, 食個tea, 買下日用品, 睇下MINA, 晚飯吃即食米粉, 我終於呼吸到半口自由空氣
以上, 無聊一記
我要o既生活係有得選擇 係何種方式 唔到你決定 無人可以阻止我追尋左好耐o既一點自由 好意有時都會係沉重枷鎖
要毫不猶豫地回絕。
困在溫室裡的野花
終會枯萎
一口清冽寒風
能喚回失去的自由麼?
我不知道
明明有很多很多工作要做
我的心 仍然空虛
我也不知道
明明很想念的藍天 白雲 陽光 花兒 與那頓晚餐
要到何時
才不後悔那一句沒有說出口的 最濃厚的思念
日記荒廢
不因心田乾枯
只是日子無味。
其中一隻鬆獅b 病了.... 明明朝早都無事, 到我食完飯返來就見到佢手手腳腳不停震, 震震下連身都震埋... 一放上手成隻軟晒, 合埋眼仔攤左o係度... 見到都心痛... /___\
希望佢唔好蒙主寵召呀, 我仲要睇住你大, 睇住你變型仔/型女架!
唉... 好擔心, 聽日都係早d 返去睇睇佢啦....
