昨天的Congregation Ceremony 認真難忘，人生幾何o既畢業禮，就咁比個死人季候風破壞左，搞到要行雨程，成班理學院o既人屈o係潤昌唔知做乜....

百萬大道上飄揚o既黃色幕頂，永遠都唔屬於我。

今日睇怕都係今年以來最凍o既一日，我諗朝早o既上水只係得4、5度左右 =.=" 

對毛毛鞋終於有出場o既一日，買左都一段時間，不過唔敢著，怕太可愛唔襯我~~ =w=  不過唔理啦!! 今日咁鬼凍，乜野保暖行頭都擺晒上身先算!

我office 不嬲都超凍，仲凍過出面走廊，一開門就feel 到d 寒氣攻埋來... 夏天根本唔洗開冷氣，個鮮風槽足夠冷卻晒成個房~ 夏天都話呀，冬天真係超難頂，d 風o係背脊逢逢聲咁吹來，凍到要著多件soc 褸先夠暖....

老細見我著到成隻粽咁都仲凍到騰騰震，就四圍幫我撲暖爐，終於o係溫室撲左佢返來：

 惠而普的Radiator!!

講真，佢制暖速度真係不能同鮮風槽d 冷風鬥 (已經係盡開啦...T____T) 不過如果擺正o係個位隔離的話，個身都暖到o既~~

最暖o既，我諗唔係因為個radiator，而係因為老細呢份心意囉~~~

(真係老爸都無對我咁好囉 =.=  話說我張羽絨被都用左好多年啦，13、4度已經完全唔夠暖，我叫佢買過張比我，老爸一句就"得"埋來：「你無被kum咩？你咪有張羽絨囉!」我：「......」)

Case 1  

星期一，老細入來364A 搵我，以下為對話內容：

老細：「Kaman 你星期四去唔去畢業典禮架？」
我：「@@ 去呀去呀」
老細：「哦~ 咁星期四要放假哦可？」
我：「@@""" 係...呀......」

未請假，老細先放你假.... 真係有一刻懷疑過我地邊個先至係老細 XD

Case 2

話說呢排學車要去到小瀝源，遠就唔係好遠，不過未至於叫近囉~

老細：「你學車幾時學架？」
我：「放工後囉~」
老細：「幾點？」
我：「7點零開始啦~」
老細：「咁學完咪好夜囉？不如我返屋企食飯果陣順便車你去啦。」
我：「....唔洗麻煩你啦~~」
老細：「唔麻煩唔麻煩，你學完CALL 我啦，我車你返上水~」
經過一輪拉鋸後......

我輸了。

而且以後學車，如非必要夜晚上的話，都獲准book office hour~~~~ =0=

Case 3

無左件實物o係手，呢個case 比較難講。

又話說我畢業了，本來老細話想寫張卡送比我的，但佢無時間出去買，所以漏夜整左個powerpoint 比我，有祝賀、有鼓勵，亦有期望，只係我怕呢份期望太沉重，最後會變成失望。

唉..........

只有擁著你入睡，才可安然。

然後... 咪訓到下晝4:22pm 先醒囉，見到個鐘我都O 左咀 =0=

抱住隻大海龜訓覺真係好舒服~~ >///<

Where is it?

打擊太大，信心太少

一鼓作氣左，再而只會更衰？!

想做但無信心去做，因為唔想""再""面對人生裡面其中一次最大o既失敗

得個「想」字，會唔會更失敗呢可？

=____="

－－－－－－－－－－－－－－－－－－－－－－－－－－－－

「　午後傾斜照進來的光　和你之間已經告終

　　我不能告訴你　這一季存留多少美麗　　　」

宇宙超級無敵勁好人o既老細... 中午捉左我去大埔食飯 + 糖水，用左佢寶貴o既2個幾鐘，同下屬傾下前程問題~

我都明白得個高d o既degree 係好，亦明白你番說話o既苦心，明白你唔想我好似你以前咁，睇住機會流走浪費光陰

但係

信心，我而家真係無乜

始終，曾經試過成日比"前老細"忘記，真係好難唔懷疑係自己做得唔好，人地先會咁對自己......

做你d 野做得好，唔代表做research 都有天份，真係好驚好驚再被否定一次

就算你盡幫，學位呢家野都唔係話有就有

黑仔如我咁，可以報CK 佢話收左人，報Billy Hau 佢話劈砲唔撈，報David Dudgeon 就撞正佢n 年先放一次o既sabbatical leave...........

機會，係咪真係會再屬於我？