尋日又要為班資優小朋友忙足一日
老細話呢班小朋友好難搞 晨早教書已經要開咪
我就覺得都還ok 啦~~
收工後又去左MSL 洗魚缸、吸缸、換水同埋洗filter
其實放假前已經洗左一次 但係L 缸d 白點問題實在太嚴重 所以要洗多一次
上次洗缸相當唔順利 大缸果度有個filter 自從對上一次洗完之後就一直開住
但放水入去果個筏都無開到 所以根本就無水入去 空轉左o甘耐無燒已經係萬幸
入面d 細菌好不幸地死晒 連帶一條過千元o既珊瑚魚都bye bye 左
尋晚一直都好順利
缸洗好晒
水換好晒
filter 都洗到乾乾淨淨
正諗住將L 缸枝鹵素燈移返好 (原本移開左些少方便吸缸)
老細一路移就一路同我講 其實枝燈只係卡住少少 好易跌
講完半秒都未過 dum一聲
枝燈就跌左一半落水 =.="
個缸即時黑晒 兩邊o既filter 同pump 都無晒聲氣
好明顯係跳掣o既後果.....
枝燈仍然卡左o係d 石上面 老細一個人唔夠力拉返佢上黎 o甘就連我都要出馬了
兩個人夾手夾腳抬走左枝燈 but 浸過鹹水 怕且都返魂乏術 o甘又無左幾千銀
問題依然未解決 因為兩個缸o既filter 同pump 都停左
唔使一日 入面d 生物都會死清光 損失無法估計
當務之急係打番個電掣 but....
MSL 所有o既電掣房都係流的 入面想見個電掣都難 =..=
兜晒成個lab 都唔見果個掣 連打比我地o既海洋之柱佢都話唔知 無辦法之下唯有向EMO 求救
可惜 無人聽電話............ /___\
黑仔至此 真係無野好講
最後 只好o係lab "借"左兩個拖板 o係隔離d 電掣度偷住電先
d 魚o既命仔暫時得保 不過我老細個銀包就好傷啦.......... |
