如果...

「尋常一樣窗前月  才有梅花便不同」

你便是我的梅花  是我生活中的點綴

明月裝飾窗子，你裝飾我的夢。

不過，那只是夢而已。

我會將我果7部相機放o係床邊，當做做下野覺得好悶果陣，就會拎出黎影下相；溫書溫到頭昏腦脹，又影下相；見到窗外邊有好靚o既雲彩，隨手拎起一部又可以影；唔開心，影下相，可以暫時放低煩惱事。睇下我o岩o岩影o既雜相啦：

All by Konica Minolta Alpha-Sweet Digital

d相靚唔靚，見仁見智。不過心情，盡現相片之上。

That's why我日日咩住部重到咩咁o既lx-2四圍去，未必日日都有影過，但總會遇到capture珍貴一刻o既機會，手上無相機，機會就走，唔等你番屋企拎完再番出黎。但係因為flora lab，我影得太多記錄性o既相，影到有d厭倦拎住lx-2影相，我亦都少左帶佢出去 (比以前少左，but都係成日帶住) 唔知係咪相機都有靈性，佢好似嬲左我咁.... 變得神神化化，壞壞地啦~ 早排諗住拎佢去銅鑼灣代理果度整，點知我無帶單，蠢 = ="  而家無相機好帶，又無理由日日帶住部單反o係身，好重嘛... 相，影少左；回憶，留低少左。

菲林又好，digital又好，相機好神奇，時間過去，但過去依然可以被你拎o係手上。若果每張相都係一個回憶，咁我原來儲埋儲埋都幾多。

你在我的回憶中，逐漸消退。相信很快，在我的相片裡，再找不到你的身影。

我看過：

1.  大嶼山  散石灣

2.  大嶼山  南山營地

3.  雲南  瀘沽湖

4.  雲南  香格里拉

的星空...

1 最美麗

2 最寒冷

3 醉醺醺

4 最難忘

星星何止是美麗的風景，它們還會跟你說心裡的話。

呢兩日，唔洗番學，唔洗考試，無溫書。訓下，食下，諗下，周圍行下。

諗下我而家渾渾噩噩、營營役役o既生活有咩意義。

尋晚終於諗到傻左，無他o既，除左呢度，仲有邊度可以比我發洩o者？!  如果有d問題諗唔通係好痛苦的話，我想講我有好多問題諗唔通 (定係根本我份人有好多問題？)  因此就打左上一篇野。信我，我平時唔會咁樣鬧人，因為我未遇上過可以令我大動肝火o既人 (我老爸例外) 到左今日，我真係信世界上咩人都有，我信表妹同我講o既野：係我o既世界太完美，我太無知，世界上仲有好多好可怕o既人，只係未遇上。

我覺得世界會令人瘋癲。有句野想打好耐："瘋瘋癲癲上學去，呆呆滯滯回家裡。"  實在太適合形容我o既生活，已經唔止一次有人同我講：Kaman你傻左呀？

聽罷，先發覺自己過左火，裝假都未免太過份，笑已經唔係用黎粉飾我o既憂愁，而係變左慣性、無自制又誇張o既行為。每一日都好似傻婆咁混過去，放學啦，又要對住部電腦做野溫書，不禁問自己：表情有何用？既然無人見到，咁喜怒哀樂留比自己就夠啦。如是者，我變左個睇落冷酷無情，要敬而遠之o既人。

考完gen mic lab果日，我突然發覺自己原來唔係咁緊張gpa，咁讀大學黎做乜呀？真係為理想、為興趣？係就讀好d啦.... 咁究竟讀大學為乜呢？我又唔係為左個first honour，又唔係要為科學犧牲，又唔係要玩足3年，更加唔係要釣隻大金龜，咁我係度做乜？正確d黎講，我可以做d乜？

人生就係有咁多野要煩，有咁多野要諗。耐唔耐比d時間自己，停一停，諗一諗，未免唔係好事。不過.... 考試將至，都係唔好諗咁多，溫書吧啦~  到時gpa插水，又多樣野諗架啦....唉~~

(篇日記打完又delete，delete完又打，跟本唔知自己想打d乜野.....) 

!!!!!

承諾若果唔係要黎信守o既，咁點解要許下？!

我唔明白!!  我唔明白!!  我唔明白!!  我唔明白!!

我點解要咁緊張承諾？!  做唔到o既野我一定唔會應承人!  有拖無欠呢個已經係唔守信o既藉口!!  唔好信!!

對於連番被人失信於我，我覺得非常忿怒!!

我把口話唔緊要，其實只係因為你失信對件事無乜影響!!  但其實就住"失信"呢個問題，對唔住真係好難原諒囉!!

仲有!!  點解可以粒聲唔出、零個理由就無左個朋友?!!

I wonder!!!!!!!!!

冷靜細問，得到o既竟然係咁o既答案!!  就比我o係度發下癲吧啦!!

我再唔可以冷靜落去啦!!!!!!!!

我忍夠!!  容忍係有限度，唔係無限量架!!

忍左幾個月，乜都夠啦!!!

乜野仲當我係朋友？ 我無d咁o既朋友!!

乜野有事仲可以搵你傾？ 得到你o既單字回應仲feeling worse than before囉!!

我本來仲信我仲有呢個朋友架~  但時間越耐，答案就越清晰：我真係無!!!

有d朋友，你一世都唔想失去；但有d，你會想從來都無識過!!

發洩完畢。

** 唔好o係日後問我有關呢篇日記o既任何問題，絕不予回答。想天馬行空想像以上內容，請隨便，不過唔好將你o既想像變成實際事件並四圍宣揚。拜託。