六日五夜{6月30日-7月5日}西安之旅完結左la,真係有o的唔捨得呀~今次去西安係我好多既第一次嘗試,例如第一次離開屋企咁耐、第一次坐飛機等數唔完既嘗試,所以味去個時真係好期待快o的去,到左去個時又好緊張,心情真係好複雜呀(((
6月30日出發既日子呀,個日好早就起身整野,到左7點幾就出門口,落到樓下等車等左好耐都無車呀,等到差唔多8點先有車,架車又開得勁慢,去到市中心已經8點20分左右,因為要8點半返到學校,所以去到市中心就跑過來,跑到佩兒樓下就見到佩兒係到,之後大家又繼續跑返學校,去到隊道口又見到King係到等緊我同佩兒,之後我地三個又繼續跑返學校la,跑到返學校已經遲左少少,不過好彩無俾人罰 過左一陣之後校長就同我地一齊祈禱同埋影完大合照就上車去深圳上機,因為香港無去西安既機,到左11點幾左右就去到深圳機場,之後Miss就去check in,我地就企係度等Miss check in完就去將行李寄艙,寄完艙就等上機,等到12點幾就上機,上到機之後覺得好無自由呀,係飛機度都唔知可以做咩,而飛機餐都算唔錯既,到左3點機就到左西安機場,一出到機場西安俾我既感覺係超熱,比起香港天氣仲要熱,出到機場就跟導遊小張上車返酒店休息,今日原本有一個行程都取消左,休息到5點半就坐車去香悅樓食飯,一去到香悅樓就見到好多菜放好曬係張枱度,見到o的菜既賣相好"正",點知食落去就......,最搞笑係o的曼頭硬到可以擲死人 食完飯就去商場買零食同埋水,之後就返酒店自由活動。
六日既西安之旅每日都要去唔同既博物館參觀同埋每次既晚飯都去香悅樓食{除左最後既2晚},
最慘既係每次晚飯去香悅樓食都一定會有硬到可以擲死人既曼頭,但唯一好既係每次既Lunch都會去唔同既地方食呀,而每次Lunch既野都係好好食 每一日出去都俾太陽曬到黑晒,都忍唔住買左一把扇,有一日去參觀一間博物館可以踩單車周圍參觀曬到仲黑呀,真係好慘呀(((都唔知幾時先可以白返呢 每一日差唔多7點就會返到酒店,我地6個(我、佩兒、小Sin、烏櫻、King and David)沖完涼同埋整完所有野,佢地4個就會囉o的野食過來我同佩兒間房傾解同埋玩,我地一晚比一晚玩得夜,訓覺既時間一日比一日少啊,所以每一日上左車我地都即刻訓覺,同你地5個六日五夜既西安之旅真係玩得好開心呀,特別係每一晚返酒店傾解同埋玩,經過呢六日五夜既西安之旅對你地認識多左啦同埋對你地既了解都多左。
7月5號就返來香港,真係有o的唔捨得離開,早上就去參觀一o的地方,下午就去機場Check in,點知返香港班機delay,搞到我地要係機場等到6點先可以上機,返到深圳機場已經10點幾,仲落雨啊,之後就坐車返香港,返到香港已經12點幾,真係好累呀(((
最後希望我地6個再有機會一齊去旅行同埋一齊膠呀 今次我地6個就去{西安膠旅},唔知我地6個下次又去{？？膠旅},仲有佩兒同埋King好多謝你地來回都幫我裝行李同手信呀,小Sin都多謝你返來個時幫我裝手信,當然唔少得既係你地5個咁多日帶來既歡笑
P.S.西安既相遲o的先再post係我既Xanga!!
|
