今日係自己第一次參加謝師宴呀~!~!為o左呢個謝師宴自己用o左好多$去買好多野,手袋、裙等等好多都要買,仲用o左幾日時間黎買,搞到搵工既時間都無~!~!不過經過今晚既謝師宴自己覺得用咁多$同時間都係值得既,今晚對我黎講都好難忘.相信係之後都無咩機會可以參加謝師宴~!~!而今晚既謝師宴仲係中五最後一個謝師宴{末代會考生},所以今晚影到o的相對我黎講係好珍貴呀,仲有抽獎環節{好多次都係抽中B班真係好好笑呀,B班各位同學我地幸運la^^}中獎既禮物同小sin送既禮物都係好珍貴~!~!曾經後悔過自己參加o左謝師宴,但經過今晚既謝師宴之後覺得自己有參加過係無後悔,如果唔係可能會後悔~!~!過完今晚既謝師宴覺得自己同學校既距離開始越來越遠la,仲可以返學校同埋同老師、同學見面既日子只淨返"放榜日"~!~!過o左"放榜日"之後大家都會開始新既生活,有o的同學可能繼續過返返學既生活,有o的同學可能過在社會做野既生活,可能就要慢慢適應離開學校踏上社會做野既生活,不過無論點各位同學我地都要開開心心過每一日呀~!~!離開o左學校之後自己真係好掛住同你地一齊上堂既開心回憶呀~!~!雖然自己只係識o左你地2年既時間,但我覺得每一日上堂我都好開心,仲覺得同你地相處得2年真係唔夠呀~!~!以前既我好憎返學,不過好鐘意同你地一齊相處,但宜家既自己就好鐘意返學,不過鐘意得太遲la,自己可能已經再無機會返學la,所以宜家既自己唔會做o的野令自己後悔~!~!不過自己知道再無機會同你地一齊上堂la,希望有機會大家可以約出來聚聚呀,個時B班既同學唔知仲會唔會記得大家呢？？識到B班既同學真係好開心呀~!~!
|
