今日係學校40週年歌唱比賽@準決賽既日子,因為今年係學校40週年,所以歌唱比賽係{屯門大會堂}舉行,我地班入左準決賽,所以要o的早返去綵排,今日屋企得我同Dad,媽咪同細佬就返左大陸,所以Dad要好早就煮左飯俾我食,食完我就出門口,我約左佩兒係巴士站等,我落車就見到佢,之後就一齊行去大會堂,入到去就點名,之後就綵排,綵完排就等到所有人入場,所有人入完場就開始歌唱比賽,第一個上台表演既就係我地班,上台個刻真係好驚呀,因為台下有好多人望住,當我地開始唱就開始無咁驚啦,唱完之後就落台睇其他班同埋其他參賽者表演,仲有阿Sir同Miss表演嫁,今日真係好好玩呀,仲玩得好開心呀~~超想學校多o的舉行呢的活動啊~!~!完左我就好快咁返屋企,因為我仲要一個人趕住返大陸,返到屋企,整完所有野就落樓坐車,返到深圳已經7點幾啦,之後就排隊上車,坐左1個幾鐘終於落車,落左車之後就等家姐同姐夫黎接我,返到鄉下見到好多人,之後姨丈就煮野俾我食,到左11點幾我、細佬同埋表弟一齊去食宵夜.今次係我自已一個返咁遠,真係有o的驚嫁^^,但係學識點樣返鄉下,嘻嘻。。。
多謝你送既聖誕禮物啊~~"朱古力"
|
