今日係陸運會最後一日,鬧鐘響好唔想起身呀,超眼訓呀(((懶左床一陣就起身刷牙洗臉,之後就換校服同埋整野,整完所有野就等佩兒打電話黎,因為媽咪係大陸仲未黎香港,所以今日冇早餐食,佩兒打左電話俾我之後我就出門口,去到兆康就等佩兒,等左一陣之後佢就到,之後就坐西鐵去天水圍,到左天水圍再轉輕鐵再行一陣先到運動場,今日去到運動場岩岩好夠鐘,好彩冇遲,如果再遲到,返學個時就可能要留多一日堂,之後就集隊,班主任點完名就續個社叫,返去自已個社坐,坐好之後比賽就開始啦,今日冇咁悶,因為o的跑步好好睇呀同埋好刺激呀(((不過自已好唔舒服,所以好想快o的返屋企休息,到左11點幾就開始閉幕儀式,全場總冠軍"紅社"贏左呀,好開心呀 ,到左12點幾就放學,返到屋企就Zz,病到連電腦都唔想玩呀。。。
|
