| «‹ November 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
2009 年 4 月 1 日 星期三  | |
放~假---*  |
今日學校放假呀,難得考完試放假更係留係屋企zZz同埋玩電腦la,全日都係屋企玩電腦、睇書同埋做返之前味交D作文,對於今次考試自己都有信心既,自己都用左好多時間去溫書同埋準備,希望今次科科都可以囉到合格既分數,可以囉到再高分D仲開心 ,要等到天日返學先知考試既結果~~
味考試個時自己會好忙,忙住溫書,甚至連食飯同埋做其他野都無咩時間做,更何況係諗野,做緊其他野既時後都覺得自己好似浪費左D時間,到直至尋日考完最後一科先有時間做其他野同埋輕鬆落來,不過一靜落來同埋得閒既時候腦不斷出現嫲嫲同我一齊生活既日子同埋時間,因為前幾日((18.03.09))嫲嫲離開左我地,個日聽到細佬同我講嫲嫲離開左個時,個一刻覺得自己好似係度發緊夢,知道嫲嫲離開左我地既時候係早上6點幾既時間,個刻D眼淚好突然咁流左出來,個一刻真係好想自己發緊夢,從來無發生過,嫲嫲未死個時自己仲係度諗佢死個時我會唔會喊,點知唔係嫁~!!!當佢送到火葬場個時~我心好痛........眼淚不停咁流.....真係好唔捨得嫲嫲..........再見了...嫲嫲安息啦~!!!
我終於明白到失去至親既人真係好痛苦,後悔嫲嫲在生既時候咁少返去探佢,我知道嫲嫲在生既時候好想我地每一個人都係佢身邊呀,但我地個個都唔少返去陪佢同埋留係佢身邊,連佢走個刻我地都唔係佢身邊,嫲嫲點解你要咁快離開我地？？
係1月個時我要求自己係今年每一日都要過得好開心同埋充實,因為今年對我來講每一日都好重要,但嫲嫲離開左我之後,今年對我來講已經變成傷心同埋永遠都唔會忘記既一年,連打呢篇日記自己都用左差唔多一個星期既時間,每次打呢篇日記我都會留好多好多既眼淚 ,嫲嫲..........再見了...嫲嫲安息啦~!!!
|
| 刊登時間︰2009-04-05 12:54 AM [ 訪客留言(0) ] [ 編輯日誌 ] [ 分享至FACEBOOK ] |
| 2009 年 2 月 22 日 星期日 | |
──┼-+--°- 家長日＜× ．∴＊□  |
今日係學校家長日呀,訓到9點幾就起身,整完所有野就去兆康搵媽咪,之後就輕鐵去學校,到左10點10分左右就去到學校,約左10點見班主任,不過自己就遲左10分鐘先去到學校,去到課室班主任係到見緊其他同學既家長,所以我同媽咪就坐底等見班主任,坐係度等個時自己都幾緊張,狂係到諗班主任會講我D咩野呢？？會唔會同媽咪講我成日傾解？？等緊班主任個時陳sir行過來同媽咪講左D關於我上中史堂既表現同埋D小測成績,同陳sir傾完之後,過左一陣就見班主任,見左10幾分鐘左右就見完,味見個時仲以為班主任只會講我D衰野,見完之後先知佢講我D好野多過衰野,其餘都係講成績表每一科既成績,睇到張成績表個時真係呆左 ,因為自己仲以為今次考得咁差,D平均分都唔會過40分{40分以上先可以升上中五},但點知平均分有40幾分,班主任話如果下學期繼續囉呢個平均分就可以升上中五,如果唔係就......希望下學期D成績表都可以繼續keep住40分平均分,
我要升上中五呀((((((真係好驚升唔到 |
| 刊登時間︰2009-04-03 07:02 PM [ 訪客留言(0) ] [ 編輯日誌 ] [ 分享至FACEBOOK ] |
| 2009 年 2 月 21 日 星期六 | |
* ~ # ((朋友生日)) }}}} ---*  |
今日出左去睇戲幫個fd慶祝生日,訓到12點幾就起左身,之後就換衫出去,到左1點左右就去"凱都戲院"睇{保持愛你},等到差唔多2點D人黎齊就去買飛入場,睇到4點幾就散場,場戲好"正"呀,散場之後我地就去市中心,有D人去買禮物,有D人去食野,我地約左係一個地方等,等到差唔多齊人我地就去左買蛋糕,買完蛋糕同埋D人黎齊之後,我地就諗去邊度慶祝,有D話去沙灘,有D話去小學球場,最後決定去小學球場,但因為小學球場有大多人,我地就去公園,但公園又太大風,之後我地就走左去一個地方,食完蛋糕之後,有D人就走左,之後我地幾個就去M記食野,食完野之後我就去沙灘傾解,到左10點幾我地就返屋企~~
 <-------------{{保持愛你}}
PS:記得我地係沙灘既約定啊(((((2010年2月21日記得一齊去實現約定
阿婷生日快樂!!! <---送俾你 |
| 刊登時間︰2009-04-01 03:24 PM [ 訪客留言(0) ] [ 編輯日誌 ] [ 分享至FACEBOOK ] |
| 2009 年 1 月 19 日 星期一 | |
| ──┼-+--°- 崖上的波兒＜× ．∴＊□ |
今日係上學期考試既最後一日,心情都有D輕鬆,考完試之後我同佩兒各自返屋企換衫同埋食飯,到左2點鐘左右,我地就去"巴黎倫敦紐約戲院"睇{崖上的波兒}，睇緊{崖上的波兒}個時,坐後排凳個幾個女仔好煩呀,狂係到笑,唔好笑既都笑,都唔知佢地笑咩,仲要笑得咁大聲,睇到4點幾左右就散場,散場之後我地諗住去市中心行街,但我有D唔舒服,所以無去到行街,之後我地就行去坐車返屋企,返到屋企見一個人都無,我就去ZzZzz,訓到7點幾左右就落左樓下買野。
 覺得{崖上的波兒}D地方好靚呀,感覺好舒服呀,如果可以住到個D地方一定好"正"呀,其實自己細細個已經好想住個D地方,個D地方又靜又舒服,唔知煩惱會唔會少D呢？？
 <---細細個已經好想住既地方~!~!
唔知自己今次考試既成績會係點呢？？
|
| 刊登時間︰2009-04-01 02:41 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 11 月 15 日 星期六 | |
| 成~績---* |
考完試都有一段時間la,好多科已經派左卷,仲淨返Eng卷味派,睇到今次既成績有少少失望呀,6科得1科合格,覺得自己真係好失敗呀定係某人講得岩,我真係唔適合讀書呀,應該出來做野,唔合格個4科距離合格既分數都係掙3、4、5分就合格,咁證明我讀書能力係點呀？？而仲有1科Eng未派,所以唔知呢科係合格定唔合格,不過其實自己已經心有數,唔洗等到派卷己經知道呢一科都唔會有機會合格,不過仲有少少信心覺得呢一科仲有機會合格,希望我呢少少信心可以實現la,如果連呢科都唔合格,我真係唔敢諗我張成績表得出來既結果同埋排名呀,收到卷既時候知道自己成績唔合格都無唔開心既感覺ar,只係覺得心情好平靜,返到屋企Dad同埋媽咪都無問過我成績點,可能係考完試個日我同佢講過我今次考出來既成績肯定科科都唔合格,所以到我派左卷之後佢地都無問過我既成績,唔知係我令佢地失望定係佢地已經唔再我既野？？有時真係覺得Dad同媽咪唔明白我~!~!
今日好慘呀,一訓醒想淨開眼個時突然間右邊隻眼好難淨開,好似淨唔開咁,之後就用手摸下,點知...摸到右眼同左眼唔同,之後就去照下鏡la,自已見到對眼都,見到右眼又腫又紅,同左眼好大分別呀,之後自已係度諗如果有一日訓醒突然間見到所以野漆黑一片,唔會再有彩色既野出現係眼前,點算好呢？？ |
| 刊登時間︰2008-11-15 05:33 PM [ 訪客留言(0) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | ... | 21 | »
|
