逢星期四又登場啦,今次係全家集體睇醫生......
食完藥之後去美麗華之後再問:「東宮定天寶?」

兩間旗鼓相當不過個人偏向後者。(出名嘛*)
所以咪決定左食呢間Lor*

蝦餃其實已經好好有爽有口感，但塊皮，算啦，回憶是沒法重尋的。
粉果有馬蹄的關係，好爽，可能係鼎湖上素而唔係潮式關係，冇左種特別既味道，我會覺得OK好食。
小籠包正常Quality*
但個蟹肉春花卷呢......用酥皮包住上湯煨過既絲絲蟹肉，好鮮之餘好滑溜，正^^"

之後個三文魚帶子炒飯，略嫌油左少少，呢野龍景贏左。
同埋帶子炸過好似唔係食帶子@@"

The End 嗌左3個甜品*
- 楊枝甘露好Creamy,芒果西柚味係少少蓋過左既*
- 芒果布甸都好Cream同比較Soft,所以唔駛落奶了*
- 燕窩紅豆羊羹又一好得* 紅豆層夠Soft之餘燕窩份量OK,
  不過最癲既係個白色層椰汁之餘應該落左蔗汁,所以隻味Balance返^^"

5xx但食一間2007最佳中菜食府,整飽4個人,想點?

繼續「談情戲、調情戲、六晚的夢裡都是你......」

一到星期四絕對係食野日。
早餐簡簡單單,由粥開始。

皮蛋瘦肉粥唔止只得瘦豬肉,都有丁點半肥瘦入去,唔駛咁寡之餘Enrich個粥既口感*
豬膶粥隻膶好鮮,平時唔食內臟的我都想叫返碗@@"
鯪魚球雖然得三粒,但出面夠脆內裡夠滑兼且鮮炸,有返咁上下*

有機會再黎的話想試下午市先出既麵食,同埋後鋪(中環中心對面)真係冇前鋪(華懋商場o個頭)咁Full*
七十七蚊For3個,大咩咩麥咩咩+咩配咩都差唔多價錢啦*