見完工之後俾自己唔太好既狀態振奮一下。

一直都想食呢間,@呢間同Nobilduca當日比,前者稍勝一籌。
結果就出去試菜啦。

服務個人覺得真係可以好少少,唔夠主動,到後來好左少少*
講返野食先*

菠菜湯 x House Bread - 湯OK濃菠菜有口感,Bread都OK熱,點橄欖油食唔會「馮寶寶」一檯都係*
煙三文魚雜菌寬條麵 - 近排除左Isola外又一滑漏三文魚(不過最後一舊有少少骨?!小心食有著數*)
　　　　　　　　　　雜菌撈橄欖油香味出到黎，麵都爽口，不過小油*
Tiramisu - 隻焦糖拖肥 x Cream甜得黎唔Over,餅身夠濕,幾掂*
咖啡 - 好懷疑係I字頭手筆,好醇^^"同埋D糖粒係一個個橢圓形,少見*

埋單$1xx,@睇海景的話,呢度未必係最好選擇,如果露天既話可能會好少少^^"
總算食過丫*

明知星期四我一定冇心機食,不如趁寒爸放假,
星期二一野搞掂佢。

老豆想食好耐。仲想做父親節時再Encore......
不過俾寒媽一野Say No左 XDDDDDD

好散叫之下叫左以下既野。

一口鍋粑乳豬 - 瘦婆話因為見到招牌菜所以Pick*豬皮好脆帶微暖,而入面既金華火腿一小塊冇搶風頭,
　　　　　　　不過個乳豬醬唔似一般燒味貨，微酸，幾正。
公館金鑲肉 - 雞件炸得一般,同係白肉既蝦膠夾埋擦唔出咩火花。
魚腐玉翡翠 - 食得唔多,不過芥菜既苦味係走到連一向怕苦既瘦婆都食多一兩條*魚腐幾滑,夠清*
蝦籽柚皮 - 蝦籽汁甘香之餘柚皮無苦澀味,鬆化程度我以為自己食緊肉Lor唔該*
炒黃埔蛋 - 喪有蛋味之餘超滑,聽寒爸講可能落左茄膏煮過,不過我照掃*
豬油撈飯 - 等左好耐(竟然連單都漏催><"),不過油潤度同埋豉油既甜......我開始發現公仔淘大既甜豉油不外如是@@"

雪。雪 - 雪梨清甜不留肉桂味(嘩,我好驚呢家野......),由底挖空心放球HD Vanilia,清純得黎仲可以好Luxury XDDDDD
蜜瓜西米露 X 脆炸雪糕黃金卷 - 冇食過.....不過前者聽瘦婆/寒爸講,廿蚊呢個質素,抵到震Lor*

埋單$7XX,如果唔駛催飯X2既話其實服務係可以既,同埋我成晚@度聽人地彈結他......*