呢日係學生會選舉日.

今年好特別,參選學生會既得一個內閣.

唔知道佢地係咪以為得一個內閣就可以自動當選呢?

朝早第5,6堂開始入禮堂,聽完佢地所謂既政綱,就開始發問問題了.

等我介紹佢地所謂既政綱先:

增設蚊怕草,增設"外埋紙"服務,聖誕聯歡,師生閃避球....

呢4樣佢地諗既之外其他全部同上年一樣...

到發問時間,首先由我第一個去,問左蚊怕草既問題....

可惜未問得夠深入,輸左個勢,不過好彩我地班既問題夠多,問到佢地o曬嘴!

最後我地當然投不信任票啦,答野答成咁....有好幾個上去係得個坐囉!

放學點票:180不信任,100信任.落選左!

不過係抵佢地落選,我咁耐以來都未聽過佢地宣傳過

(佢地宣傳過1次,果次我地班去左游水)同無宣傳有咩分別呢!?

上果兩屆既內閣,宣傳到深入民心,今屆內閣肯定以為可以自動當選啦!

衰係有理由既!不過今年無左學生會,唔知d活動點搞呢?

期待星期二既公佈呀!