今日化學補課，有諗過唔返。但最後都係返左，因為約左雷ｓｉｒ做ｌａｂ。

攪到想唔返都唔得。但最後今日係冇做到個ｌａｂ。

講番補ｃｈｅｍ，返到去，已經開始左，但最遲唔係我，ｍｉｓｓ叫我食埋個早餐先入去。

食完入去，派份野俾我地做，做左個幾鐘。份野識做ｄ唔識做ｄ，預左，因為之前冇溫。

做完，休息到十一點。之後講下份野ｄ題目。講完，十二點幾，走得。

食完野，返學校，係圖書館打機，打到兩點去搵雷ｓｉｒ 。佢叫我地等十分鐘，結果係唔止十分鐘。

之後行去ｌａｂ，入面冇人，又開唔到，唔駛做，早ｄ收工。早收工，但冇咁早返屋企。

本來諗住係學校等細雨ｄ先走，點知越等越大。最後五點幾，唔等啦，照走。咁又一日啦=0=

考完試，有三日假放。本來諗住會好正，

點知唔係，仲幾悶添。所以去左伯娘屋企玩。

去到，同外甥女玩左陣，之後就開左部wii黎玩。

wii真係幾好玩，先打乒乓球，後打網球，

之後打保齡，最後打拳。打完wii先知，

原來打機都可以打到成身汗架。

一路由兩點打到差唔五點。

之後就走啦，去左葵涌廣場出面搭４０７上瑪嘉烈醫院。

上去做咩就唔講啦，係上面逗留左兩個鐘。

之後就搭車去葵興打邊爐。好似食左七百幾蚊。

食到十點半左右就搭車返屋企啦。

今天放學後一行五人，去了學校對面的褔德古廟。

在上葵讀了六年，這還是頭一次。到福德古廟，當然是為了拜神。

為何要拜神，因近日諸事不順，想拜神作個福。於是放學後，把書包放到圖書館。

然後就上去了，同行的有巴夫，杏浩，榮和頭ｆｉｎｇ。除了我和榮，其他人都拜了。

拜完便走了，全程用了不夠半小時。

ce既英文考完啦，但仲差ｏｒａｌ未考，不過有排先到，咁暫時就少件事要煩啦。

考得好唔好？唔理啦，依家諗咁多都冇用，到時有結果就知啦。

今日下午，阿媽打電話黎，話堂姐夫舊曆生日請食飯，７點３０分去葵芳。

本來諗住下午五時開始做功課既，咁攪一攪，就要提早做啦。

點知打開本中化書，連做邊都唔知，所以就打去問人，一共問左三個人，先知道做邊。

打俾第一個，佢話唔係掛，中化有野做咩，我書都冇帶返屋企。

第二個，我問：「你知唔知中化要做邊?」佢答：「中化唔知。」

第三個，佢答我做１８１頁。真係好，終於有人知啦。

問完之後，本來柅唔做，因為ｄ人都唔知做邊啦，咁聽日唔交都有人陪啦。

諗諗下，都係做左啦，免得又多一件事要做，第日愈積愈多，到時就做到自己死下死下。