 今日第三、四堂，中化教ｏｒａｌ，小組討論。
竟然抽中我出去，抽獎又唔見咁好彩。
被抽中既同學仲有ｍａｓｔｅｒ、巴夫、短同聖龍。
巴夫知道要出去，就叫自己做打呔杰，我就叫自己做周袋巾。
小組討論個題目係講食肆全面禁煙，叫下我地表達意見。
ｍａｓｔｅｒ係一號、巴夫係二號、短係三號、我係四號、聖龍係五號。
首先發表個人意見，每人一分鐘，佢地四個都同意，得我一個唔同意。
發表個人意見之後，就開始討論，有十鐘時間討論。
一開波冇人講野，過左陣，ｍａｓｔｅｒ就開始講，佢講完之後我講。
我講完之後就俾人串，阿短話我將全面禁煙講左做全面吸煙，
聽番自己都覺好笑，禁煙變吸煙，我真係勁=o=
之後講講講，我講完之後巴夫講野，佢一開口就將我叫左做四號候選人，佢以為自己參選緊???
講完晒就返入去。聖龍係最好既一個，我好似第二，真係估唔到。
我講完都唔知自己講左ｄ咩，咁都第二，ｏ嘴呢。
雖然練習既機會難得，但我唔想出去呢，
出到去仲要俾人四個對一個，個感覺好無助。
但係出去講都幾好玩，如果唔係俾人串同圍既話。
雖然出去幾好玩，但我覺得係位睇既會仲好。
出去小組討論果五個候選人既代號分別係：
一號信用卡，二號打呔杰，三號腔腸動物，四號周袋巾，五號唔話你知(知既人自然會知）。 | 
