話咁快，放左好耐既假就完啦，

仲有１日咋，又要返學啦，

能夠繼續讀書，應該好開心，

好努力既，但越近返學既日子，

唔想返學既想法就愈大。

ｄ種諗法攪到我覺得自己好唔掂，

應該發奮，去努力讀書既時候，

竟然諗唔想返學，覺得自己好差，

之前又話讀中六既話，

會點做，打少ｄ機呀，用多ｄ時間溫書，

但係依家又諗住唔返學，

到時都唔知讀完中六、中七會點啦，唉∼∼∼

辭職原來同搵工都差唔多，

一樣都係難，之前同經理講辭職，

失敗左，隔左一日之後返工，

組長又話遲ｄ搵我傾下。=="

都唔知佢地點架，辭職咪即係唔做囉，

又話唔想你走咁，返工咋，你俾我走啦。

今日鄭ｘ恆話辭職，又係失敗左，

話要俾理由，辭職做咩要俾理由呢，

唔想做就已經係最大既理由啦。

聽日一於打返去話搵到第二份工，

所以唔做，講果陣一定要堅決ｄ。

係度問下，你地有冇咩好藉口，

可以用黎辭職架？

我屋企個電腦壞壞地，唔係成日都開到，

所以打唔到，真係唔好意思啦。

有樣野想你地幫幫我，如果林ｓｉｒ搵人返去補ｏｒａｌ，

可唔可以打黎叫埋我去呀，因為我開唔到電腦，

上唔到去睇呀，唔該你地啦。

ｄ排我地班好多人都搵到工咁啦，恭喜晒，

搵到工既，好似好多都係做ｐｉｚｚａ　ｈｕｔ，

第時返工就可以見到好多識既人啦。

講下我ｄ排做ｄ咩啦，星期四果日朝早同孫，

矮仔去睇戲Scary Movie 4，本來諗住好好笑架，

但係睇完之後，覺得冇預期中咁好笑，

但都幾好笑啦，睇完戲之後，就同佢兩個去買返工果對鞋，

星期三又唔叫我，攪到我要去多次，連續去果間野兩日，

買完鞋去左食野，食食下阿短打俾矮仔，

話一陣上黎搵我地，叫我地唔好走住，

之後阿短黎到，我地都依晒野啦，係間野度坐多一陣，

傾左一陣，咁就同阿短行去返工啦，同阿短行完去返工之後，

我地就坐巴士返屋企啦，係屋企打多陣機，就去左返工啦。

今日回學校拿成績表，早上六時三十分左右便起床了，

刷牙洗臉後便換衣服回校，都很久沒有回去了。

回到學校，大約八時，因為沒有穿校服，

所以便沒有進雨天操場，在停車場對面的桌椅坐下來，

到了八時半，穿校的同學便叫我到圖書館坐，

在那時大約有七、八個同班的在圖書館裡，

其他人大概還沒有回來，早來的一班人在接見室拿完成績表，

便走了，只有幾人還留在學校，我和阿Ｒ係圖書館打ＣＳ，

返學果陣，ｄ個係我地班每日ｌｕｎｃｈ係電腦室既活動，

打到九點半左右，阿短佢地就返黎拿成績表，

阿短今次考第五，又係高過我，總分高我十幾分，

高我一名，好笑既係，我都唔知我今年做過ｄ咩，

竟然有一個優點同小功。

拿完成績表，一班人係學校到玩多一陣就走左啦，

頭Ｆｉｎｇ真係攪野，唔知佢係唔係好鍾意巴士阿叔呢，

成日都扮佢咁，行到去樓梯口，頭Ｆｉｎｇ聽左個電話就走左，

我地就一路行左去巴士站，夠短佢地好似話去深水，我地就跟阿Ｒ去荃灣，

五個人係荃灣度兜，同矮仔孫Ｘ榮搵工，搵呀搵，到左十一點半左右，

鈞哥就去左返工啦，阿Ｒ又同佢一齊走，我地就得返三個人，

行行下就坐車去葵芳繼續搵啦，去左問葵芳間ｐｉｚｚａ　ｈｕｔ，

佢話三點先去，仲有兩個鐘先到，矮仔又話等到兩點半先去食飯，

咁我地就走左去新都會果度坐下，睇下張成績表咁，

但過左好耐咁都只係到左兩點度，因為太肚餓，

所以冇等到兩點半就去左食飯啦，食完冇野做，

就買左本書，去返之前坐果度睇啦，

睇呀睇，睇到兩點五十五分，就去兜多個圈，

之後就去左ｐｉｚｚａ　ｈｕｔ問係唔係請人啦，

就因為矮仔一句，我地兩個鐘既時間就浪費左啦，

之後因為唔想就咁走，得就同孫去問多次，

今次都有野俾佢填下既，填完之後就同佢地去大家樂填多份表，

填完佢地就走左，我就去左伯娘度拿粽，

拿完之後就返左屋企啦，返到去都成六點了。