 今天九時多便起床了，刷牙洗臉後便開電腦，
玩到十一時多便去洗澡了，因為今天下午去海洋公園玩，
所以一早便洗澡了。洗澡後，出來坐了一會兒，
姊姊和媽媽就回來了，還買了飯給我吃呢。
吃完乘車到葵芳，和堂姊會合後，
便乘地鐵住荃灣，之後乘郵政局預約的車到海洋公園。
到達時已經三時多了，一進入海洋公園，
便和外甥女到熊貓館看熊貓，外甥女不夠高，
而且那裡很多人，所以她要騎上我的膊頭才看到熊貓。
看完熊貓，接著去了兒童王國玩，
玩到５時半才坐纜車上山，去到纜車站，
看到有很多人在等呢，等呀等，等了十多分鐘才登上纜車，
又用了十分鐘上山，上到山已經六時多了，
拿了餐盒（免費的），一行十一日便到了海洋劇場，
在海洋劇場吃完後，再坐多了一會看表演，
這時才知道今天的活動叫郵政局海洋公園開心日（個名好似係咁，唔知有冇記錯），
但大致上係咁叫，仲有原來今日有成一萬一千人入場，
唔怪知得有咁多人啦，唔知會唔會比平時仲多人呢。
睇完表演之後，就去左玩機動遊戲，
玩左沖天搖擺船（海盜船）同極速之旅（跳樓機）兩樣咋，
仲要淨係玩左一次，有ｄ唔夠候。
雖然玩得少，但都幾開心，玩海盜船果陣，
因為多人，所以冇得揀位，咁就逼住坐中間數出黎第二行，
坐唔到最後一行，但係因為前面ｄ人驚，
所以就同堂家姐嚇佢地，又特登叫大聲ｄ，
嚇到前面ｄ人，好開心，ｈａｐｐｙ過坐最後，
見到人驚都仲嚇人，好似衰左ｄ。
落到黎，坐中間既家姐話我頭先把聲叫得好尖，
但我自己就唔係咁知道。
之後去左玩跳樓機，家姐唔敢玩，得番我同堂家姐兩個，
我地揀左個望海既位，望落去淨係見到個黑色既海，都幾驚，
但又好刺激，玩得幾ｈａｐｐｙ。
玩完之後都已經九點幾，之後行去坐纜車返落山，
落到去家姐佢到去買紀念品，我同阿媽佢地就行前左ｄ等佢地，
點知等等下阿媽走左去玩遊戲，用左廿蚊，打兩下個野，１５０分係滿分，
打到就有得拿大獎，真係估唔到我阿媽咁勁，第二下就打左個１５０分返黎，
贏左個大獎，大獎係ｋｕｒｕｒｕ，寅係好大個下，仲大果我個外甥女。
之後我就一直拿住個獎返屋企啦，拿住咁大個公仔係街行，
咁大個仔都係第一次，真係有ｄ怪呢! | 
