2007-03-30

呢日請假返鄉下拜山

一返到去就有事發生!我地間屋俾人爬入去搗亂!
由於我地屋企鐵門後面有個木門,木門係只可以係入面先鎖到,
但我地返到去木門俾人鎖左,之後就同隔離既婆婆度借梯爬入去!
好彩遇到隔離屋個朋友,幫我阿爸一齊爬入去~
之後就發現個廳俾人搗亂,d野亂曬~個14吋電視機俾人拆開左!
廁所風扇俾人整爛,更加離譜既係係馬桶隔離屙屎!
從種種跡象來睇,呢d唔係來偷野的,係有心玩野!我希望個天有眼,佢有報應的!
由於無咩時間,所以就唔呢件事住,跟住就清洗地下同2樓~
下午就同阿爸阿媽去買野,準備聽日去拜山.
真係十年人事幾番新~附近d屋全部都變得好大好靚~

唉,返到屋企就發生咁既事,搞到訓唔到,到兩三點先訓到~

2007-03-31

呢日去左"流口"(地方名)度拜山,
呢度附近d山都俾火燒過,d樹又比人砍伐,d山變得光禿禿~
今年就得4個人去拜,以前就好多人,唉~拜山要多人先好玩呢!
到1點幾就擺呢度既祖先完lu~之後就去每年都會去既舖頭食lunch!
超好食啊果度d野食!野豬仔腳煲,新鮮既魚~草雞~炒米粉!食到超飽...
之後就去d親戚度坐,因為呢度先係我地既鄉下,我果兩個阿哥都係呢度出世.
一行出去....勁多人識我阿爸....差唔多成條村既人都識咁= ="
坐到4點半到5點就走了,返去"海豐",又去d親戚度坐下....
去左5,6個親戚度坐....因為我幾年無返去..好多人都變左好多...
而d親戚個個都話我變得更多,不過睇返細個d相,又真係變左好多啊~!
呵呵,好久不見~思聰同妮姐都變了,日後再聚一聚吧~!
坐到10點幾先去大姨度沖涼~
then再返屋企訓......超累.....背脊好似曬傷左...

2007-04-1

呢日就係"海豐"度拜山
同埋表叔果家人一齊去拜,包左架車去~
基本上都無咩變度,只是有些祖先的墓地搬走了,
過程中最麻煩既就係塞車...係d山路度塞住....OMG...
拜完就好快食野~之後就好快搭車返HK了.
好後悔搭左呢班車...話就話冷氣巴...但就熱過熱狗...癲ga...
勁累= ="之後仲要返學....救命ㄚ.....