好耐好耐無去踩單車啦!
由tal+hyt所搞既踩單車活動就係今日開始lu~

朝早9點起身,搞完一輪野就飲杯好立克之後就去MTR啦~
仲以為阿短佢地會係深水步join埋我~
點知話係九龍塘....如果唔係我都上左車了~
then去到大圍...等人...特別係個hyt!搞手竟然遲到lor~!
其他人?阿甘就話"咁劇烈"?!
master"呢d唔岩我"...
張淑玲話"驚做唔切功課"..
盧淑欣就話"突然唔黎得"...
李考雲就話"唔俾電話人"...
而佳頭,林洪同男lo去左大陸未番...
趙生趕唔到黎余生跟佢風唔去...
阿宙個傻仔唔記得落車..
mk西銘nederkie唔得閒...
而阿陞就搵唔到~~

hyt到左之後12個人就行去租車了
此行有:我,阿短,大周文,巴夫,孫鎮榮,kk,tal,hyt,阿宇,聖龍,郭彬,女班長.
租1日30蚊~去拎車...發覺原來咁多人唔識踩....
特別係kk....初學者.....其他人都嘛嘛...
搞得7788~12點幾出發啦~
一路踩一路睇住初學者kk....
踩到沙田...kk無啦啦突然撞埋牆...嚇死我...擦損隻左手...OMG...
佢仲會笑先搞野.....果然堅抽~!
無乜大礙就繼續啦~~係我指導下佢都開始踩得順啦~唔錯唔錯~
之後差唔多到大埔海濱公園果度大周文炒車....又多個傷者....
班人係踩一陣休息一陣lor....不過都好既...幾悠閒~
3點到就去到大埔~去豆漿大王度食野~~係咁上下啦d野食
休息完就踩返去lu~阿tal架車突然"肋"鏈...俾我三兩下手勢就整好左~
之後去大埔海濱公園果個"屎塔"(好似係紀念黎)塔度...食風...o嘴....
唔夠10分鐘就閃人.....回程了~~
死巴夫,孫and大周文仲有阿宇佢地踩得超快....
得返我,kkand阿短係度慢慢踩+聽歌....
而阿tal+hyt就更加慢....兩人一度休息左半個鐘頭先追上來....
6點幾係文化博物館前面等佢地....最後都係先返去....
不過行錯路....原來我係路癡....好7仔.....
7點到先還曬所有車~之後就去沙田食dinner 了~

同bio3女一同食晚飯都係第一次....
係度吹下水...之後傾下一次活動既plan...
話搞camp wor~4日3夜or3日2夜~
hyt話要搞定先....要截雷sir補課既日子~
不過都唔知有幾多人想join啦~
食完我就搭KCR返家lu~~

坐左成日單車....petpet超痛....
不過成班人玩都好開心呢!