終於有野做啦，由我老二介紹，做問卷調查：我+阿短+周文。

朝早8點去到石硤尾，8點半開始做。
其實呢份工幾簡單，但就成日食檸檬，因為無咩人得閑做問卷調查。
做到9點3到落大雨，即刻去避雨，最後收到通知話收隊。
全部去間品香樓度食早餐。
由於落雨關系，工作取消，但計返我地一個鐘頭人工+$30交通津貼。

食完我地3個出發去中環，諗住搭3毫子山頂覽車，因為120周年。
去到後條龍排到無得再排，警察要通知市民唔可以再排隊.......
最後失望而走，但咁老遠來呢度無理由即刻走，於是去動植物公園。
睇美洲虎，猩猩，馬騮，好耐無去，幾懷念，不過好熱.......
睇完行去禮賓府，再行去蘭桂坊，再行落去中環地鐵站.......
簡單既山頂遊咁就完結，搭地鐵落去旺角，買禮物。
係朗豪坊玩左個星座運氣預測，我金錢運係大吉啊∼周文事業小吉，阿短就嘛嘛。
最後去了潮流特區買，再返朗豪坊買......來來去去行左好多轉......

今日都行左幾多地方，好累........
唉，總覺得五月呢個月特別差。